أرجـو المـشـــاركـه وخـاصه من الـبـنـات .. !!

[ZEZOO]

قرأت كما قرأتم وسمعت كما سمعتم وشاهدت كما شاهدتم



مايدور في مجتمعنا السعودي من احاديث من كافة مستويات الشعب





عن حقوق المرأه


فالبعض يطالب بحقوقها زاعماً انها مضطهده مسلوبة الاراده
وتختلف هنا المطالبات وتتعدد وجهات النظر رغم تقاربها ال


والبعض يرى خلاف الامر فيراها مكرمه ومعززه فهي كما يقول الاخت والام
فكيف بنى تظلمها ؟
كيف نهضم حقها والله ورسوله اوصونا بها خيرناً
كما قال المصطفى صلى الله عليه وسلم ( .. رفقاً بالقوارير ) .




وبعيداً عن اراء الاكاديمين والمفكرين والعلماء والمسؤلين

ماذا ترونه انتم :

هل ترون ظلم وهضم للحقوق ؟
ان كان اجابتكم بنعم فما هو هذا الظلم وماهي الحلول بوجهة نظركم ؟

اما اذا كنتم ترون انكم تعيشون بحريه كافيه فارجو الرد على من يطالبكم بتحوير هذه الحريه الى تحرريه ؟



الرجاء الاجابه بصراحه ووضوح

وتحياتــــــي للجميـــــــــــــــــع ...

[جـنونـ]

:

:

طرح جداً موفق كالعاده ..

الكل يعلم اخ زيزو بكثرة العلمانية وخصوصاً بالسعوديه وهذا ضهر بالآونه الأخيره

ويطالبون بأشياء خياليه ..

ولكن السؤال هل يريدون تغيير شعب محافظ على مر السنوات الى ماتسعى له قلوبهم

بدأو بأمر القياده ومن ثم مشاركة المرأه في حرية الرأي والمناقشه بمجلس الشورى

نتفق جميعاً على أهمية حقوق المرأه ..

لاننا مهما تكلمنا فالمرأه هي الأم والأخت ولا أظن شيئاً أغلى من هاتين الكلمتين ..

ولنفرض ان الدوله أكرمها الله سمحت بالقياده ..

حتماً ستكون مهازل وأشياء سنقف عاجزين على الحد من انتشارها

أو التستر عليها ..

( درء المفاسد ولا جمع المقاصد )

/

لي عوده للمناقشه

موضوع أكثر من رائع

الى الأمام زيزو

[ZEZOO]

جنون

صدقت في كلامـكـ يا الغــــــــــــالي
مرور رائـــــــــع وجـمـيـــــــــــــــــل نور صفحتي المتواضعــــــــــه
لي عودهـ معكـ ولكـن بعد أن أرى الردود .......

[مجنون جنون]

أخوي زيزو

موضوع فعلآ يستحق النقاش

والحمدلله إن حكومتنا حفظها الله مازالت متمسكة بالمنهج الشرعي الصحيح

أخوي انا لا أرضى ان تكون هناك إمرأة تقود السيارة علنآ

ولاكن انا مع تعليم المرأة القيادة <<<<<<<<<<<< تعليم فقط يعني يمكن تكون في حاجة ضرورية لاقدر الله


حبيت بس أوضح لك النقطة ذي


تقبل مروري


تحيـ/////////////تي

[العاشق البرونزي]

انا لا آرى ظلم وهضم للحقووووق




بس الشي بالعقل


لو سمحو للمرأه بالقياده


راح تزود الفتن


وراح يهجولون الشباب وراح يخربووونها



يعني خلاص تبي تكون <<<<<< صياااعه في صياااعه



تقبل ردي ولو إنه مو ذاك الزود


«®°·.¸.•°°·.¸¸.•°°·.¸.•°®»ســلــمــلــم«®°·.¸.•°°· .¸¸.•°°·.¸.•°®»

[乂..Lady Italy..乂]

.
.

أحلى مافيكـ انكـ مكبر الخط اشوفهـ من بعد متر خخ

اووولااا

الحمد لله الاسلاام انعم عليناا بنعم كثيررهـ ^_^

بس المشكلهـ في العاداات والتقاليد والاجراءاات المتخلفه

مثلااا

ماافيهاا شي لوو نسووق سياارهـ وواناا اكثرر وحدهـ محتاجه للسوااقه..

لاان جاامعتي بعديهـ وودوواامي على ثماانيه ووالطرريق سااعهـ الا ربع على ماتوصل !!

اخوااني ووخوااتي عندهم مدرااس هذاا غيرر دوام امي ووموااعيد جدتي في المستشفى !!!

ووكلهاا على الساائق !!!

ابوووي ظرروفه ماا تسمح لهـ واخووي موو في الريااض ووشووف المعاانااه اليووميه !!!


اصحى بدري عشاان يمديني ارووح مع اخوااني وامي لاانه لووبيررجع رااح يتااخر حد في الشماال واناا في عليشه ووامي في الفيحاا !!!!!


باالله عليكم موو معااناااه :(:(:(:(:(


هذي اللي قااهرني الحين لااني تووني جاايه من الجاامعه >> يااعمرري عمر عمرري ^_^

ووبس

وولي ررجعهـ لااني مصدعه :(

سلاامووز
.
.

[لقيــت رggحي]

حقوق المرآه موضوع كبير ومتشعب

ولا يكفي المجال أن أتكلم عنه كاملا

لكن أحب أن أشير إلى نقطه قبل أن أعلق على هذا الموضوع

ماهو مفهوم حقوق المرأة عند الرجال؟

ماهو مفهوم حقوق المرأة عند النساء؟

8
8

عندما أجد ردا على هذا السؤال

بإمكاني أن أعلق على هذا الموضوع

g
g

ZEZOO أشكرك على هذا الطرح

[*&*عاشقة طفله*&*]

انا عن نفسي راضيه بكل شي يا رب لك الحمد..


وارد على اي احد اقوله


حمد لله ان كل شي انا مرتاحه فيه وان بغيت الشي اقدر اوصله

ووراي رجال سند لي..


حمد لله عنعمه الاسلام..

وعلى نعمه ديرتي السعوديه


عشوقه

[مـرتـاح أحـبـگ]

يسلم بووؤك يازيزوو على هيك موضوع بيعئد كتيييييييير

بسم الله الرحمن الرحيم ..

:أمـانـي: <<< :confused:

الصراحه أنا بالعكس أنا ضدكم كلكم إحترامي طبعاً لكم ولكن راح أقول :

أكيد الآن قيادة المراهـ صعبه صعبه صعبه لأن الزمن هو اللي سكر الشيء هذا والتقاليد والعادات

ولكن اخواني . . .

لو كنا من الأساس متعودين على الشي هذا ماكانت الصعوبه مثل ماهي الآن

وأما عن كلام اخوي العاشق انا راح اقوله لو مثل ماتفضلت بكلامك

إنه راح يكون استهبال من الشباب ولا راح يهجولون بقوهـ فهذي لها حل وبسيطه أنا أقول

يعني لو شدووا الدوله العقوبات على من يحاول يلعب أو يهستر وتكون العقوبات قويه

صدقني راح يكون هذا رادع لهم وتخويف وصدقني فيه حل وبسيط

و لاننسى دور الإعلام أيضاً لايخفى دورهـ بالقضيه يعني أتوقع 70% من حديث الشارع منه

ولكن أرجع وأقول لو كنا من الأساس على هالموضوع كان مافكرنا بهالشي ولكن

دار الزمان فدفن المكان

يعني وجهة نظري باختصار إني ماراح أتخيل ان احد من النساء يسوق لاني ماتعودت او مافكرت

يعطيكم ألف عافيه على الموضوع وتسلم يازيزو وربنا مايحرمنااش منك


تقبلوا تحياتي ووجهة نظري


مرتاح أحبك

[ZEZOO]

لي عووووووووودهـ معكـم جميعا

واللي طلب العوده ننتظر اكماااااااااااااال رده ونقاشه

واللي ما شاركـ يا ليت يشاااااااركـ

ومشكورين جميعااااا

[أمـانــي]

حريه المرأه هي التي منحها لها الدين الاسلامي القويم
وغيره لا نعتبره حريه ولا نطلق عليه ذلك المسمى

ومن ظن اننا مظلومين او لا نملك الحريه
فهؤلاء هم من الحثاله لايهموننا ولا يستطيعون زعزعه نساء المسلمين
لان هذا هو مقصدهم وهدفهم
ابتذال المرأه وذلها
وترويض لها حتى تصبح سهلة الافتراس



اخي زيزو
نحن بفضل الله ونعمته بأتم نعمه وخير
نجد الحريه في ديننا وحشمتنا

اجد من يحافظ علي ويستر علي
ويعيني وقت الحاجه
ويعتبر سند لي

مجالات الدراسه متنوعه ومفتوحه لجميع النساء
نجد كل شي خاص بنا
في اماكن عامه في اماكن ترفيه وغيرها الكثير

محشومين ومعززين ومكرمين ليس فقط من الاهل او البيت
بل من المجتمع كله

ولا ننسى اهم نقطه مع انها لا توجد عند الكل ولكن الغالب
الزواج ....

لنا كل الحريه في الاختيار
فكل شي عائد للمرأه ولا يتم الا بموافقتها


فماذا يسمى كل ذلك ؟؟؟

الكلام في الموضوع جدا صعب
والاصعب حصر كل شي هنا في صفحه واحده
خصوصا ان الموضوع له الف باب وباب




اذا سمحت لي ا خي زيزو ان ارد على سؤال
لاخوي لقيت روحي


ماهو مفهوم حقوق المرأة عند النساء؟؟


حقوقي ..
ان اجد من يقدرني ويستر علي ويحشمني ويحترمني
وحب وعطاء وحنان واهتمام وتقدير

صدقني النساء لايريدون غير ذلك



شكرا لك اخي زيزو

[MiSsBluE]

بالفعل موضوع متميز كعــادتكـ ..


قبل كل شي لازم اشير إلى أن الدين الإسلامي جاء خلاصة لجميع الأديان يعتي هو أفضل نظام عرفته البشرية على مر العصور وكفل لكل فرد حقه وحفظ له دينه وعرضه وماله وعلى رأسهم المرأة

لكن للأسف تدخلت العادات والتقاليد لتحل محل اللي أمر به الدين قي مايختص المرأة..


الحقوق السياسة
أنــا ما اشوف ان المرأة تصلح بالأمور السياسية وخصوصا أننا عايشين على البركه :(


الحقوق العسكرية
من المستحيل اننا نطالب فيها لانها مهنه ما تنفع إلا للرجال واغلب الدول المتحررة فشلت في هذا المجال...


الحقوق الفكرية
مسلوبة ومصادرة بالكامل الغالبية يشوف المرأة على أنها شيء لا يفكر ولا رأي له :l11:
يعني مثلا تشوف اللي تكتب أو تقول شعر تلاقيها تسويه بالسر باسم مستعار وتحارب بالمنتديات لا بعد تتهم بالتزوير ومدري ايش..



وفي الأمور المالية
تسلب حقها في الميراث بعكس اللي امر به الدين (( للذكر مثل حظ الانثيين))
تحرم منه ليش ياترى ,, بحجه الحفاظ على أموالها واستثمارها حتى حاجتها لكن المشكلة ماهي كذا المشكلة لو تطلبها ما تلاقي أحد معطيها وجه ,, حتى لو لاحظنا في الأمور البنكية والتعاملات المالية تُطااالب بالمستحيل إجراءات مالها اول من آخر وأولها موافقة خطية من ولي أمرها ((ياعمي ماهو رافض بالاساس كيف تبغى موافقه خطية ))


الحقوق التعليمية
بالمختصر المفيد مافيه عند البنات تخصص مفتوح كلها مقتصره على الأولاد وبس ((على العموم حتى الدراسة عندنا مش حالكـ)) ,,يعني لما تفكر تدخل تخصص مثل العالم ماتلاقي غير أداب :l18: وعلوم إدارية :kh1: ولغة تقدر تاخذها في 3 شهور بس ,, لا تعال بعد كيف تعااني لما تدخل طب وتتخرج تحارب في هالمجال وتتهم بالمجون والاختلاط مع انها تقوم بأكثر الأعمال انسانية والغريب في نفس الوقت يطالب الرجال بإن مايولد حريمهم إلا حرمه مثلها << والله شي عجيب :flaming:


والحين نجي لموضوع قيــادة المرأة
أنا بصراحه اطالب بها ولازم نحط في الكفة الثانية أنه يجب على الدولة تطبيق نظام صارم لايعرف واسطه ولا غيره عشان الكل يمشي على الصراط المستقيم

يعني مثلا إحنــا مقدمين على سواق وساكن عندنا رجل اجنبي معاه مفاتيح البيت يدخل بأي وقت يبغى ولا كأنه صاحب البيت !! والسبب أنا لان ماعندي احد يوديني للجامعة
اركب معاه لحالي حلال !! مع انه محرما شرعاً ,, وحرام اني اروح انا بنفسي !!! :mad:
طيب خلنا نقول سائقة بدل ما اجيب سائق !! :D


::
::
وهـذا اللـي عـنـدي ..
والـلـي اقـدر اقـولـه..^.^
وأشكركـ أخوي زيزوعلى الطرح والفكرة ..
و أدام ربي تواصــــــلك ..
تحياتي لك يالغالــي ،،،،
::
::