الأشياء اللي ترفع الضغط كثيرة

[العاشق البرونزي]

الأشياء اللي ترفع الضغط كثيرة ... ومنها مايلي .........!!!!

* أنك تشرب ببسي حار

* أنك تصلي وأنت لابس شراب مشقوق

* أنك تعطي أخوك سيارتك ... ويرجعها والتانكي فاااضي

* أنك تدخل المسنجر .. وما تلقى ألا اللي ماتبيهم

* أنك تـتـفاهم مع رجل امن سعودي

* أنك تناظر مباراة على الأي آر تي وأنواع الحماااس وفجأة ينقطع الاشتراك

* أنك تلعب كوره وأنت حافي .. وتشوت غطا البياره

* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

* أنك تعطي جوالك لواحد ويرجعه لك والرسايل محذوفه

* أنك تقوم من صباح الله وتروح للجامعة تمشي مليون .. وتلقى الدكتور معتذر

* أنك تقوم الصبح وتلقى معجون الأسنان مخلص

* أنك تنزل للبقاله وما تلقى عنده عسكريم جلكسي

* أنك تـَـشرق بالماء

* أنك تلعب كيرم وتدخل الخمسين 3 مرات ولاتقدر تدخل التأمين .. أو أنك تدخل التـأمين والقيس معه

** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

* أنك تكتب موضوع طويييييييل ... وأذا جيت ترسله يطس .. مدري وين يروح

* أنك تغص ولاتلقى أحد يطق ظهرك

* أنك تتفرج على اجتماع دول مجلس التعاون الخليجي

* أنك تلبس نظاره وسخه

* أنك تشوف فـلم .. وواحد جنبك يقولك القصة

* أنك تمسك خط وفيه ذباب بسيارتك وأنك تفتح الدريشه ولا يطلع

* أنك تاكل حنيني بارد

* أنك تسوي فيها متابع مع الدكتور وتتوهق ويسألك سؤال وماتقدر تجاوب




:smokin: «®°·.¸.•°°·.¸¸.•°°·.¸.•°®»ســــــــــلــــــــــمـ ـــــلــم«®°·.¸.•°°·.¸¸.•°°·.¸.•°®»:smokin:

[مجنون جنون]

هههههههههههههههههههه

والله ماخليت مشكلة إلا وجبتها


تحيـ/////////////////تي

[العاشق البرونزي]

مشكووووووووور يا مجنون جنون





«®°·.¸.•°°·.¸¸.•°°·.¸.•°®»ســـلــــمـــلــم«®°·.¸. •°°·.¸¸.•°°·.¸.•°®»

[جـنونـ]

أنك تلعب كوره وأنت حافي .. وتشوت غطا البياره


واااااااااااااااااااااااااااو

والله شوي واصيح خخخخ

مشكووور على الموضوع

بس انت وش خليت وش بقيت هههههههه

تسلم والله

تحيتي

[أمـانــي]

* أنك تمسك خط وفيه ذباب بسيارتك وأنك تفتح الدريشه ولا يطلع

الله يعافي كرتون المناديل
خبطه وحده على خشتها خلها تحب الشباك
وتضيع معالم وجهها ...


* أنك تـَـشرق بالماء

سم بالله وتركد واشرب زي الناس وبلا طفاقه
ولا تشرق ولا يرتفع ضغطك


* أنك تنزل للبقاله وما تلقى عنده عسكريم جلكسي

ياخي رح للبقاله الي جنبها
ماكثر الله في الرياض الا ذا البقالات
بين كل بقاله وبقاله بقاله


* أنك تقوم الصبح وتلقى معجون الأسنان مخلص

الله يعافي خدمة التوصيل في البقالات
دق وكلها دقايق وهو عندك


* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

والله مشكلتك انك داج ومهمل ولا تدري وين الله حاطك فيه




* أنك تلعب كوره وأنت حافي .. وتشوت غطا البياره

وش حادك تلعب الحواري والشوارع
ترى فيه ملاعب مزروعه وجاهزه
وفك نفسك من البيارات وتشويتها



* أنك تشرب ببسي حار

موب طاير الببسي حطه في الثلاجه لين مايبرد واشربه



* أنك تعطي أخوك سيارتك ... ويرجعها والتانكي فاااضي

عطه فلوس وقله قبل لا ترجعها عب السياره
<<<< ترى البانزين راخص لا تنسى



مشكلتكم انكم ترفعون ضغكم على مهناش
كل شي له حل

شكرا لكم

<<< والله انتي الي ترفعين الضغط

[العاشق البرونزي]

اماااااااااني مسويه كونان جالسه تكتشفين الحلول




«®°·.¸.•°°·.¸¸.•°°·.¸.•°®»ســـــــلــمــلـــم«®°·. ¸.•°°·.¸¸.•°°·.¸.•°®»

[أمـانــي]

اكتشف الحلول
علشان ما يرتفع ضغطي
يامال الي مانيب قايله

اعترف ان حلولي منطقيه وديمقراطيه وتكنلوجيه

[العاشق البرونزي]

أنتي ام الحلووووول



حلولك ولا حلول هتلر


شي ثاني أعترف فيه <<<<<<<<<< خايف

«®°·.¸.•°°·.¸¸.•°°·.¸.•°®»ســـلـــمـــلـــم«®°·.¸. •°°·.¸¸.•°°·.¸.•°®»

[أكبر مجنون]

هههههههههههههههههههههههههه

والله انك منسم يالعاشق

°ˆ~*¤®§(*§*)§®¤*~ˆ°إلى اللقاء°ˆ~*¤®§(*§*)§®¤*~ˆ°

[العاشق البرونزي]

ثااااااااااااااااانكيو دوم التنسيم إنشاء الله




«®°·.¸.•°°·.¸¸.•°°·.¸.•°®»ســــلـــمـــلــم«®°·.¸. •°°·.¸¸.•°°·.¸.•°®»

[أمـانــي]

حلولك ولا حلول هتلر

هتلر لا تذكرني فيه
كان يدق علي يوميا يزعجني
يسحبني بالكلام يبي افكاري
<<< ام شلاخه البرمائية


شي ثاني أعترف فيه <<<<<<<<<< خايف

قل قل وشو

[العاشق البرونزي]

من ناحية ام شلاخه فأنتي مليون بالميه ام شلاخه


من ناحية الإعترافات فأضن فيه مو ضوع يقول سجلو إعترافاتكم


روحي وبتلقين كل شي معترف فيه



«®°·.¸.•°°·.¸¸.•°°·.¸.•°®»ســلـــمــلــم«®°·.¸.•°° ·.¸¸.•°°·.¸.•°®»