مج ـموعة إنســان
28-03-2008, 11:26 مساءً
بــســم الله . . . .
مدري ليش وش فيـني من عرفت نفسي ما عرف اختآر خويآ دآيم خويآي نحس
المهم في رحلــة من رحلاتـي الإستكشافيه في سنه من الأيـام << يحشش الولد خخخ ,,,
قلت خل نروح لـ الصحراء الكبرى اللي تحت المغرب والجزائر << نصاب يشوفها بالخريطه
المهم طلبت من بعض الربع والعزوة اللي دايم وانا معهم ان احد يخاويني .. وطبعـاً عقب القردنه
والتفاهم <<ايه هين .. المهم قررنا ... وكان معنا واحد سبهه << سبيكه
ويوم صملت انا وإثنين اننا نروح خل أعرفكم بهالثنين السندباد و مرتـاح
ونروح عاد لا تسألون وشلون رحت لأني متوهق وشلون أوصل المعلومه أساساً
ونوصل هناك إستأجرنا جيب من المغرب عشان نقطع فيه نفودهم لين نوصل للصحراء الكبرى
ويوم طلعنا من المغرب إسمعوا سوالفنا بالسيارة :
المجروح : ضنكم يا عيال نقطع بدبل ولا بدوون ؟
مرتـاح: وش تحس به ؟؟ أكيد بدبل يا بابا هذي الصحراء الكبرى << مسوي يعرفها هو
السندباد : الصحراء الكبرى ولا الكبري والله اني من يوم عرفت الجغرافيا وانا اسميها الكبري << ينعن أووووم السماجه والدلاخـه اللي تجيك في نفس الوقت .. مرتاح : والله من الدجه براسك ..
المجروح : والله من الدجه بروسكم الاثنين .. أنا أتحـداكم تجاوبون ليه سموها الكبرى ؟
مرتاح و السندباد : شي طبيعي لأنها كبيره
المجروح: والله من الدلاخه اي عشانها كبيره .. لا يا بابا عشان نفودها كبيره << مسوي جاب شي جديد ..
مرتـاح : أقول الله يرحم امك إسكت لا ننزلك هنا بس ..
السندباد: لا خل ندفنه بـ النفود ونفحط عليه << تفكير صعيدي ..
المجروح : والله إنكم تخوفون ..
المهم دخلنا الصحراء الكبرى شوي الا وغرز الجيب يا ولد يمين يسار نحاول ما نقدر ..
ويصطرني السندباد مخمس ويعطيني شلوتي وينزلني ويجي يحاول يرقص يبي يطلعها << ياليل الفلسفه يا مرتـاح ..
المشكله بينما وهو يرقص الموتر هو يرقص معه مادري وش السبب ..
بنشرنا الكفرات ما فاد .. دفينا ما قوينا << رخووم
والله كان الوقت عصر .. وننزل العزبه والفرشات انا ومرتـاح .. ونشب النار ونقعد نطبخ ..
والسندباد إلى الحين عنده أمل انه بيطلع الموتر ..
مرتـاح: يا السندباد والله ماعندك ما عند جدتي وخر بس خلني اتفاهم مع الموتر ..
المجروح : والله إنه صادز خل الرجال يجرب يمكن تطلع على ايده وانت فكنا من الفلسفه ..
السندباد : هذا انتم يالشعب السعودي تفقدون الأمل بسرعه .. ( وش عنده الفلبيني؟)
المهم ويجيك مرتـاح ويقعد يحاول منا ولا منا ماش والسندباد يطبخ معي
ويخلص العشاء على الساعه 8 بتوقيت السعودية لا تسألوني كم بتوقيت المغرب ..
وننادي مرتـاح تعال تعش .. والله ويجي ونحط عشانا ونهفـّه ..
وبينما نأكل :
المرجوح : ياخوي الموتر وش بلاه طفى ..
السندباد : خابر البنزين على الإي
مرتاح : من جدك
السندباد : هذا جزاي اللي قاعد من العصر وانا احاول اطلعه كله عشان ما تخيسون هنا ؟
المجروح : وين شايفنا الله يرحم امك يوم تقضي البنزين تحسب المحطه ورانا.. ترانا 100كيلو وسط الصحراء..
مرتاح : خارج الخدمه .. وقع مغشي عليه من هول الصدمه ..
المهم ونرضخ للأمر الواقع وأقوم بأغسل يدي ثم هونت خفت نغسل يدينا بالماء ويقضى
وأمرغها بالتراب لين راح الدسم .. وأنسدح بأرقد .. ما قدرت وصلت الساعه 10 ما رقدت
السندباد : برضه كان قاعد عند النار يبكي من الجريمه اللي سواها فينا..
ومرتاح كان ما زال خارج التغطيه من هول الصدمه .. وأجي عند السندباد .. وأبوس راسه
قلت ما صار الا الخير يا السندباد .. قال وشلون يا المجروح وانا حكمت على انفسنا بالموت البطيء
قلت لا الخطأ مو خطأك خطأي انا اللي ما حسبت مدى الخطر اللي بنتعرضله
في هالصحراء .. رد وقال والله اني داري انها من ثوارتك . . . وأشوته ويشوتني ونتهاوش واروح
لفراشي بأرقد وخليته عند النار مغير يشيل من الحطب ويحط بالنار ..
ورقدت بنومه عميقه .. وأصحى على الساعه 7 أتمغط .. وألاقيهم نايمين كلهم ...
واللي قاهرني ان مرتـاح الى الحين مغشي عليه .. من أمس .. وأجي وأشوته شلوتي
ويقوم ..
مرتـاح : عسانا وصلنا الرس ؟
المجروح: والله شكل حلمك جامد ..
مرتاح : من جدكم قضى البنزين ..
المجروح: والله ياخي قضى خلاص باقي كم يوم ونقول للدنيا السلام ..
مرتاح: الله يرحمنا ان شاء الله .. بس أهلي منيب شايفهم؟؟
المجروح: لا ما ظنتي يا بعدي ..
مرتاح: الله يردنا ان شاء الله ...
وأروح بأغسل الغمص انا ومرتـاح .. ويوم صبيت المويه ما فيها ولا نقطه ..
مرتاح : الله يقطع بليسكم ما فيه مويه ؟؟
المجروح: والله ان امس فيها النص .. وين راح مدري ..
مرتـاح : طيب والدسم اللي من امس بيدي وين أغسله ..
المرجوح: والله مادري انت دسم افركه بالأرض ويروح .. موتك اللي غمص وش يسوي
يفرك وجهه بالأرض يعني؟؟
وأتذكر ان السندباد كان سهران امس .. وأجي وأطمر عليه ..
المجروح: قم يا السندباد وين المويه؟؟.. شربتها ؟؟ << عشان يقول إيه عفويّـه << إيه هين
السندباد : ياخوي اي مويه..
المجروح : هذي الغرشه اللي كانت مليانه ..
السندباد: كبيتها على النار امس يوم جيت أنام
مرتاح للمره الثانيه وقع مغشي عليه من هول المصيبه
المجروح: لا تكفى لا تقول انك لهالدرجه ثور
المجروح : (طع طيع تفووهـ) خذ << < يصقعه بالحطب خخ
والله أتكلم من جدي ..
المجروح : ياخوي وش نسوي لا مويه شرب ولا مويه نغسل وجيهنا ولا فطور زي الناس ..
السندباد : إحمد ربك بس ..
المجروح : حامده قبل اشوف خشتك ..
ونقوم نشوت في مرتـاح نبيه يقوم .. ويصحى ..
مرتـاح : جاء الوايت ؟؟
المجروح : أي وايت ؟؟
مرتاح : وايت الماء اللي بيعبي لنا ..
المجروح : ياخوي ليه أحلامك تجي على الوتر الحساس ..
مرتاح: يعني للحين في الصحراء الكبرى حنا ؟ ..
المجروح و السندباد : ايه الله ينشبك ..
المهم ونقعد نطق طق بالبلوت .. صحيح ما تجي ثلاثه لكن بالغصب عشان السندباد توه يتعلم بلوت وابلشنا صرنا نلعب حكم اجباري خخخ
والله ونلعب ونلعب لين جت الساعه 10 الصبح ..
السندباد : والله يا أنا جوعان..
المجروح : كله منك ياخوي لو ما قضيت المويه كان ألحين فالينها بذيك الكبسه ..
مرتاح : اصلاً انا أكرهك ياالسندباد
السندباد و المرجوح : يا روحي يالدلع انت لا تكفى لا تكرهه
مرتــاح : طيب يرحم امكم شوفوا لنا حل ..
امجروح : لو إني بالخبر كان الحين اتغدا في مطعم ماضينا يا لبيييييه بس ..
السندباد : والله لو إني بالديره كان أكل ذيك الجريشه مع شوي لبن من يد امي ..
مرتـاح : والله ياشيخ لو أكل تبن هماني بس أصل الرس . .
قعدنا عاد نضحك .. وبينما كنا نسولف .. إشتد العطش .. وبدأت أجسادنا ترتعش من العطش والجوع
فأشتدت حرارة الشمس .. وبدأنا نخيس من قوة حرارتها ..
السندباد : ياخوي ورا ما نمشي قدام يمكن نلقى لنا مويه طايحه ولا بعير ميت وناكله ..
المجروح : على طاري الأكل فيه شوي بصل وطماط خل ناكل منها ..
وأفتح العزبه ولا لقيت شي ..
السندباد : وش فيك ..
المجروح : ما فيه شي بالعزبه ..
السندباد : من اللي أكله ؟؟
مرتـاح : مهوب انا وطاح مغشي عليه. . . .
صطرناه لين قام وأعترف . . . .
قررنا نمشي لأجل غير معرووف .. ونمشي وكنا نرى الغدير الذي ينبع من الماء
ولكن لا نكاد نصل ثم وقع مرتـاح من التعب الشديد .. ووقعت خلفــه مبـاشره ..
ثم عكرفت لسندباد لكـي لا يكمل المسـيرة ويجد الماء ويحيى ونحن نموت . . . .
ووقعنا مغشياً علينا . . . .
ثم صحيت فجـأة وأرى طائرة مروحيه (هيلي كوبتر )
وقعدت أزاعق وانا محلي يا هوه يا طيار يا ابو الشباب ولم يرد علي ولا دق إشارة عشان ادري انه
سمعني .. وطحت مره ثانيه . . .
فلما فتحت عيناي وجدت نفسي في غرفة بيضــاء .. وحسبت أني بالجنه ..
شوي دخل السندباد مع الباب ودريت اني منيب في الجنه
<<وجهه نحس ذالآدمي . . بل في مستشفى الرس الجديد << يعرفه هع هوع
وعلى قولة السندباد إن الهيلي كوبتر كانت طالعه من الرس تدورنا << إيه هين ..
وسلامتكم..؟
* مآيستفآد من القصـه
1 _ لاعمرك تطلـع من ناس مفهيــه
2_ اٍذا قالو لك تعرف الصحراء الكبرى قل لا
3_اٍذا شفت المجروح كاتب موضوع لا تقراه ازيـن لـك
تقــبــلوا تحيــاتيـ
وبليييز كبير لا أحـد يزعــل لأن الســالفه كلهــأ من نهج الخيــال . . . . << تشكراتي
صديزكمـ
الـ مجــروح . . . .
مدري ليش وش فيـني من عرفت نفسي ما عرف اختآر خويآ دآيم خويآي نحس
المهم في رحلــة من رحلاتـي الإستكشافيه في سنه من الأيـام << يحشش الولد خخخ ,,,
قلت خل نروح لـ الصحراء الكبرى اللي تحت المغرب والجزائر << نصاب يشوفها بالخريطه
المهم طلبت من بعض الربع والعزوة اللي دايم وانا معهم ان احد يخاويني .. وطبعـاً عقب القردنه
والتفاهم <<ايه هين .. المهم قررنا ... وكان معنا واحد سبهه << سبيكه
ويوم صملت انا وإثنين اننا نروح خل أعرفكم بهالثنين السندباد و مرتـاح
ونروح عاد لا تسألون وشلون رحت لأني متوهق وشلون أوصل المعلومه أساساً
ونوصل هناك إستأجرنا جيب من المغرب عشان نقطع فيه نفودهم لين نوصل للصحراء الكبرى
ويوم طلعنا من المغرب إسمعوا سوالفنا بالسيارة :
المجروح : ضنكم يا عيال نقطع بدبل ولا بدوون ؟
مرتـاح: وش تحس به ؟؟ أكيد بدبل يا بابا هذي الصحراء الكبرى << مسوي يعرفها هو
السندباد : الصحراء الكبرى ولا الكبري والله اني من يوم عرفت الجغرافيا وانا اسميها الكبري << ينعن أووووم السماجه والدلاخـه اللي تجيك في نفس الوقت .. مرتاح : والله من الدجه براسك ..
المجروح : والله من الدجه بروسكم الاثنين .. أنا أتحـداكم تجاوبون ليه سموها الكبرى ؟
مرتاح و السندباد : شي طبيعي لأنها كبيره
المجروح: والله من الدلاخه اي عشانها كبيره .. لا يا بابا عشان نفودها كبيره << مسوي جاب شي جديد ..
مرتـاح : أقول الله يرحم امك إسكت لا ننزلك هنا بس ..
السندباد: لا خل ندفنه بـ النفود ونفحط عليه << تفكير صعيدي ..
المجروح : والله إنكم تخوفون ..
المهم دخلنا الصحراء الكبرى شوي الا وغرز الجيب يا ولد يمين يسار نحاول ما نقدر ..
ويصطرني السندباد مخمس ويعطيني شلوتي وينزلني ويجي يحاول يرقص يبي يطلعها << ياليل الفلسفه يا مرتـاح ..
المشكله بينما وهو يرقص الموتر هو يرقص معه مادري وش السبب ..
بنشرنا الكفرات ما فاد .. دفينا ما قوينا << رخووم
والله كان الوقت عصر .. وننزل العزبه والفرشات انا ومرتـاح .. ونشب النار ونقعد نطبخ ..
والسندباد إلى الحين عنده أمل انه بيطلع الموتر ..
مرتـاح: يا السندباد والله ماعندك ما عند جدتي وخر بس خلني اتفاهم مع الموتر ..
المجروح : والله إنه صادز خل الرجال يجرب يمكن تطلع على ايده وانت فكنا من الفلسفه ..
السندباد : هذا انتم يالشعب السعودي تفقدون الأمل بسرعه .. ( وش عنده الفلبيني؟)
المهم ويجيك مرتـاح ويقعد يحاول منا ولا منا ماش والسندباد يطبخ معي
ويخلص العشاء على الساعه 8 بتوقيت السعودية لا تسألوني كم بتوقيت المغرب ..
وننادي مرتـاح تعال تعش .. والله ويجي ونحط عشانا ونهفـّه ..
وبينما نأكل :
المرجوح : ياخوي الموتر وش بلاه طفى ..
السندباد : خابر البنزين على الإي
مرتاح : من جدك
السندباد : هذا جزاي اللي قاعد من العصر وانا احاول اطلعه كله عشان ما تخيسون هنا ؟
المجروح : وين شايفنا الله يرحم امك يوم تقضي البنزين تحسب المحطه ورانا.. ترانا 100كيلو وسط الصحراء..
مرتاح : خارج الخدمه .. وقع مغشي عليه من هول الصدمه ..
المهم ونرضخ للأمر الواقع وأقوم بأغسل يدي ثم هونت خفت نغسل يدينا بالماء ويقضى
وأمرغها بالتراب لين راح الدسم .. وأنسدح بأرقد .. ما قدرت وصلت الساعه 10 ما رقدت
السندباد : برضه كان قاعد عند النار يبكي من الجريمه اللي سواها فينا..
ومرتاح كان ما زال خارج التغطيه من هول الصدمه .. وأجي عند السندباد .. وأبوس راسه
قلت ما صار الا الخير يا السندباد .. قال وشلون يا المجروح وانا حكمت على انفسنا بالموت البطيء
قلت لا الخطأ مو خطأك خطأي انا اللي ما حسبت مدى الخطر اللي بنتعرضله
في هالصحراء .. رد وقال والله اني داري انها من ثوارتك . . . وأشوته ويشوتني ونتهاوش واروح
لفراشي بأرقد وخليته عند النار مغير يشيل من الحطب ويحط بالنار ..
ورقدت بنومه عميقه .. وأصحى على الساعه 7 أتمغط .. وألاقيهم نايمين كلهم ...
واللي قاهرني ان مرتـاح الى الحين مغشي عليه .. من أمس .. وأجي وأشوته شلوتي
ويقوم ..
مرتـاح : عسانا وصلنا الرس ؟
المجروح: والله شكل حلمك جامد ..
مرتاح : من جدكم قضى البنزين ..
المجروح: والله ياخي قضى خلاص باقي كم يوم ونقول للدنيا السلام ..
مرتاح: الله يرحمنا ان شاء الله .. بس أهلي منيب شايفهم؟؟
المجروح: لا ما ظنتي يا بعدي ..
مرتاح: الله يردنا ان شاء الله ...
وأروح بأغسل الغمص انا ومرتـاح .. ويوم صبيت المويه ما فيها ولا نقطه ..
مرتاح : الله يقطع بليسكم ما فيه مويه ؟؟
المجروح: والله ان امس فيها النص .. وين راح مدري ..
مرتـاح : طيب والدسم اللي من امس بيدي وين أغسله ..
المرجوح: والله مادري انت دسم افركه بالأرض ويروح .. موتك اللي غمص وش يسوي
يفرك وجهه بالأرض يعني؟؟
وأتذكر ان السندباد كان سهران امس .. وأجي وأطمر عليه ..
المجروح: قم يا السندباد وين المويه؟؟.. شربتها ؟؟ << عشان يقول إيه عفويّـه << إيه هين
السندباد : ياخوي اي مويه..
المجروح : هذي الغرشه اللي كانت مليانه ..
السندباد: كبيتها على النار امس يوم جيت أنام
مرتاح للمره الثانيه وقع مغشي عليه من هول المصيبه
المجروح: لا تكفى لا تقول انك لهالدرجه ثور
المجروح : (طع طيع تفووهـ) خذ << < يصقعه بالحطب خخ
والله أتكلم من جدي ..
المجروح : ياخوي وش نسوي لا مويه شرب ولا مويه نغسل وجيهنا ولا فطور زي الناس ..
السندباد : إحمد ربك بس ..
المجروح : حامده قبل اشوف خشتك ..
ونقوم نشوت في مرتـاح نبيه يقوم .. ويصحى ..
مرتـاح : جاء الوايت ؟؟
المجروح : أي وايت ؟؟
مرتاح : وايت الماء اللي بيعبي لنا ..
المجروح : ياخوي ليه أحلامك تجي على الوتر الحساس ..
مرتاح: يعني للحين في الصحراء الكبرى حنا ؟ ..
المجروح و السندباد : ايه الله ينشبك ..
المهم ونقعد نطق طق بالبلوت .. صحيح ما تجي ثلاثه لكن بالغصب عشان السندباد توه يتعلم بلوت وابلشنا صرنا نلعب حكم اجباري خخخ
والله ونلعب ونلعب لين جت الساعه 10 الصبح ..
السندباد : والله يا أنا جوعان..
المجروح : كله منك ياخوي لو ما قضيت المويه كان ألحين فالينها بذيك الكبسه ..
مرتاح : اصلاً انا أكرهك ياالسندباد
السندباد و المرجوح : يا روحي يالدلع انت لا تكفى لا تكرهه
مرتــاح : طيب يرحم امكم شوفوا لنا حل ..
امجروح : لو إني بالخبر كان الحين اتغدا في مطعم ماضينا يا لبيييييه بس ..
السندباد : والله لو إني بالديره كان أكل ذيك الجريشه مع شوي لبن من يد امي ..
مرتـاح : والله ياشيخ لو أكل تبن هماني بس أصل الرس . .
قعدنا عاد نضحك .. وبينما كنا نسولف .. إشتد العطش .. وبدأت أجسادنا ترتعش من العطش والجوع
فأشتدت حرارة الشمس .. وبدأنا نخيس من قوة حرارتها ..
السندباد : ياخوي ورا ما نمشي قدام يمكن نلقى لنا مويه طايحه ولا بعير ميت وناكله ..
المجروح : على طاري الأكل فيه شوي بصل وطماط خل ناكل منها ..
وأفتح العزبه ولا لقيت شي ..
السندباد : وش فيك ..
المجروح : ما فيه شي بالعزبه ..
السندباد : من اللي أكله ؟؟
مرتـاح : مهوب انا وطاح مغشي عليه. . . .
صطرناه لين قام وأعترف . . . .
قررنا نمشي لأجل غير معرووف .. ونمشي وكنا نرى الغدير الذي ينبع من الماء
ولكن لا نكاد نصل ثم وقع مرتـاح من التعب الشديد .. ووقعت خلفــه مبـاشره ..
ثم عكرفت لسندباد لكـي لا يكمل المسـيرة ويجد الماء ويحيى ونحن نموت . . . .
ووقعنا مغشياً علينا . . . .
ثم صحيت فجـأة وأرى طائرة مروحيه (هيلي كوبتر )
وقعدت أزاعق وانا محلي يا هوه يا طيار يا ابو الشباب ولم يرد علي ولا دق إشارة عشان ادري انه
سمعني .. وطحت مره ثانيه . . .
فلما فتحت عيناي وجدت نفسي في غرفة بيضــاء .. وحسبت أني بالجنه ..
شوي دخل السندباد مع الباب ودريت اني منيب في الجنه
<<وجهه نحس ذالآدمي . . بل في مستشفى الرس الجديد << يعرفه هع هوع
وعلى قولة السندباد إن الهيلي كوبتر كانت طالعه من الرس تدورنا << إيه هين ..
وسلامتكم..؟
* مآيستفآد من القصـه
1 _ لاعمرك تطلـع من ناس مفهيــه
2_ اٍذا قالو لك تعرف الصحراء الكبرى قل لا
3_اٍذا شفت المجروح كاتب موضوع لا تقراه ازيـن لـك
تقــبــلوا تحيــاتيـ
وبليييز كبير لا أحـد يزعــل لأن الســالفه كلهــأ من نهج الخيــال . . . . << تشكراتي
صديزكمـ
الـ مجــروح . . . .