مســلسـل أســـــــوار ...؟

[الموسيقار]

السلام عليكم ورحمه الله وبركاته..

حقيقه في بالي موضوع قد تستغربون من الفكره والطرح

لكن مثل مانعرف اننا اجتمعنا في هذا المنتدى لنستفيد من بعض بآرائنا وطروحتناا

قد لاتكون آرائنا لها صوت عند المسؤلين ومع الاسف..


لكن اقل شئ ان نكون شاركـ في الاحداث المعاصره لو بكلمه..


اول شئ انا صراحه ماأتابع التلفزيون بتاتا

الا بالمباريات او مسلسلات رمضان واستغفر الله..


لكن لحظت على من اجلس معهم متابعتهم لمسلسل

اول الامر لم اكن اريد متابعته عشان مايشغلني عن المنتدى هع

لكن صراااااحه جذبتني فكرته وجرأته وتراااابط الاحاداااث فيهـ ..


تابعت وهو للحين ماخلص وبتابع لآخرهـ نشوف (اتبع الكداااب لحد البااب) !


وطبعا المسلسل يعرض على احد القنواات المستقله

لانه من الامعقول ان يطرح بالشاشه السعوديه


لقوه طرحه وجرأته ..
وظهور مشاهد اقل ماتوصف بالعُري,,!!

والادهي والامر في الموضوع انه يصور الشعب السعودي بتلكـ الصفات البشعه والمقززهـ ..


أعلم ان هناكـ اشخاص منكم تعتقد بأن مثل هذهـ الاعمال هي التي تفيد المجتمع


لكن هذه فائدهـ الموضوع..

هل أنت مؤيد او معارض لما يدور في أحداث المسلسل او لا يهمكـ ...؟


انتظر اجاباتكم وتعليقكم ومشاركاتكم.,.



اخوكم الموسيقـــــــــــــاار,,

[乂..Lady Italy..乂]

.
.

ووعليكووومـ السلامـ والرحمهـ

شووف ياابيهـ أنا تابعت المسلسل من قبل ع قناة الديرهـ ^_^

مسلسل قووي ونااقش اشياء موجودهـ في مجتمعنا محد تطرق لها من قبل ..!

خااصهـ العلاقهـ بين ميساء وسائقها وهذي ظاهره موجودهـ في مجتمعنا صحيح مو فـ شكل كبير بس موجودهـ بس للأسف نكابر ووننكرها سمعنا ونشوفنا بس إنا مجتمع ينكر واقعهـ ..!!

مجتمع يحب يظهر فـ مظهر المجتمع المتمسكـ بدينهـ أكثر من غيرهـ وإنهـ مجتمع متمسكـ فـ عادتهـ وتقاليدهـ وإنا أحسن ناس ..!!


وحتى قضية الزواج من أجنبيهـ الكل شاايف كيف بعض الرجال السعوديين يصدون عن زوجتهـمـ بمجرد زواجهـمـ من أجنبيهـ وبتعبير أصح " ينلحس مخهـ وراها " ..!!

.
.


أنا أخذت هالجانبين من المسلسل مع إن فيهـ جوانب ثاانيهـ بس مستعجلهـ وإن شااللهـ لي باكـ ^_^


بس كمان حبيت أذكر إن المسلسل ناقش القضايا السيئهـ في مجتمعنا أكثر بكثير من الجوانب الإيجابيهـ فممكن هالشي خلا الكثير يعتب ع المسلسل !!

.
.


يعاافيكـ ربي ع هالموضوع :)

لان جد المسلسل عامل زحمهـ وهو ماعرض في رمضان اجل كيف لو عرض :cool:

مااننحرمش

بـرـرـرب
.
.

[الموسيقار]

نعم أحسنتِ خيتو ..

في تعليقكـ ومداخلتكـ ..

نعم لا ننكر انها في مجتمعناا ولكن أتت على شكل العموم

والمسلسل بوجهـ نظري عمم الاحداااااااااااث كثيرا !!

وهذا المحزن مع الاسف ..!

شاكراً لكـِ عزيزتي

روعهـ تعليقكـ ومشاركتكـ وابداء رايكـ الكريم هناا..

كل الشكر وعظيم الامتنـــــــان..


لاخلا ولاعدم


الموسيقـــــــــاار ..

[طفلة الغرام]

هل أنت مؤيد او معارض لما يدور في أحداث المسلسل او لا يهمكـ ...؟


اولا ::مشكـــــــــــور يا الغلا ع الموضوع القميل هع

ثانيا::احب اقولكـ من الحين اني بتفلفس عليكم هع هع <<<استحملوها خخخ


انا بصراحـــــــهـ تابعت البرنامج وعجبني لاكـــــــــــــ!ــن

ميساء ودورها انها تدخن وتحب السواق وتطلع معاهـ...

هذي اشين شي في المسلسل


..يعني ايش قلووا الشباب ما لقت تتعلق الا في سوااقهم..خخخ<<اسكتي تكفين ههههههههههه

وزواج ابوهم من الاجنبيهـ هذي منتشرهـ وبقووهـ بعد في السعوديهـ ...خخ

والبرنامج فكرتهـ حلوهـ وكل شي حلووو بس ميساء ودورها مو حلوو خخخ


..^..


واسفين ع الفلفســــــــهـ..هع

و

و

و
سي يووو...هع

[الموسيقار]

ايو والله خيتو طفله


هالحلوه بنت الي منب قاايل

مالقلت الا السوااااق وانا الي متاابع المسلسل لعيونهاا مادرت عني <<<بانت الفضاايح

خخخخخخ

يعطيكـ الف عافيه خيتو

شاكرا لكـ روعهـ حضوركـ وتنويرنا بفلسفتكـ الحلوهـ

علنا مانعدمهاا يارب هع


كل الشكر وعظيم التحاايا

دمتي بخير

الموسيقــــــــار

[جُ ـنونْ أنْثىَ]

اخي الموسيقار

اشكرك على المبادره على طرح الموضوع

لانه من جد موضوع يحتاج للنقاش

وانا اول وحده معارضه المسلسل ولا تابعته الا الحلقات الاولى

بس يوم شفت السخافات الي فيه صراحه

ما اترشف ان مسلسل سعودي يكون بهذي الطريقه

يعني من جد مسلسل فاشل بمعنى الكلمه

يعني من جد كذا البنت السعوديه تسوي القله مو كثير ممكن تدخن ممكن انها تغازل

بس تسوي اشياء ثاااااااانيه

من جد قمه الوقاحه

انا اقول انو فتح العيون المسكره الحين البنت الي فيها خراب راح تخرب

ولا حتى نحكم على اللبس هذا رأي شخصي

ولا وشلون جابو المراه السعوديه با انها مسكره على نفسها يعني بالاحرى دينه

ولاتحب التزين عند زوجها

ولا خالعه يعني مافيه حل اوسط

مافيه بنات ملتزمات بس يحبون التزين

صراحه انا ما اشوفه بس اسمعه من اخواتي الي منهبلين عليه اما بالنسبه لي فأني اعارضه وبشده

لدرجه اني حذف القناة الي تعرض فيه

من كرهي له ومن وقاحته

انا اصلا في قلبي كلام كثير عن هالمسلسل لاني ماكرهت كثره

مشكور اخوي الموسيقار صراحه موضوع اثار ضجه في المجتمع السعودي

واسفه على الاطاله

يعطيك ربي الف عافيه

[الموسيقار]

سكرهـ زياااااااااااادهـ ..



تحيهـ اجلال لعقلكـ وتقدير


من جد كفيتي ووفيتي ولاهنتي..


راي من رايكـ والا ماكان حطيت الموضوع


صرااااحه اعجبت بروعه طرحكـ ووصفكـ خيتو سكرهـ

ولا يهونون خواااتي


الف شكر وجزيل عرفااان

دمتي بروعهـ حضوركـ


الموسيقـــــــار ..

[حلا الورد]

يسلموووو موسيقار عالموضوع الحلو بس بصراحه انا اوافقك الراي و اعجبت بصراحه بكلام خيتو سكـــر زياده << سكر كلامك بصراحه في قمه الروعه وتسلم ايدينك عالرد الحلو
بالنسبه لي انا المسلسل افكاره منحطه بزيـــــــاده مالها داعي يعني مساله ان ميساء تحب السواق يعني ان بنات السعوديه مايختلطون بالرجال او ماشابهه عشان كذا مالقت قدامها الا سواق بصــراحه هذي فكـــره تافهه اما بالنسبه للتدخين وغيره فهذا الشئ ولو كان منتشر بس يظل منتشر بنسبه ظئيييله ومثل ماقالت سكر على التكشخ فهذي الله يرحم صاحب هالفكره وتكمله بعقله يعني حتى الملتزمات ماخلوهم بحالهم << مااقول الا حسبي الله عليهم

تقبل مروري
حـــ الورد ـــلا << وعـــ دودو ـــد
تشاااااااو

[مــلاك الـشوق]

اخي الموسيقار

اشكرك على المبادره على طرح الموضوع وماااااقصرت

لانه من جد موضوع يحتاج للنقاش

وانا اول وحده معارضه المسلسل

كنت بالبدايه معجبه بالمسلسل بعدين اعوذ بالله

صح زواج الاب من اجنبيه موجود وبكثره في مجتمعنااا

وايضا علاقه بنتهم بالسواق موجوده لاكن انا اللي قاااهرني الخلاعه اللي بنت كانت
تطلع فيهااا

وبعدين انا مااشوف فيه رجل لهدرجه انه يرمي زوجته بالبر بعد ماضربهااا
ولا يرمي ولده مستحيل

والله المسلسل جدااا فاشل وياليتني ماتبعته<<<<تحسفت

الموسيقاااااار
مشكوووووووووووور وماقصرت
يعطيك الف عاااااافيه

[cafe-123]

يعطيك الف عافية اخوي الموسيقار على هذا الموضوع

اسف لان اجوبك الان على سؤالك هل انا مؤيد ام معارض على فكرة المسلسل .

لاكن اريد ان اطرح بعض الاسئلة عليكم واتمنى ان احصل على بعض الاجابات

وليس كل الاجابات اذا امكن !

من مما يرفضون الموضوع شكلاً ومضموناً :

س/ هل يوجد في مجتمعنا (( البنات خاصة )) من يكونوا مقيدين من اهلهم وحرصين كحرص زياد المبالغ على خواته ؟؟

إذا كان الجواب نعم . في وقتها ماذا تفعل البنت ؟

مع ملاحظة افعال زيادة الشبابية التي ادت الى خوفه على خواته في الطريقة هذي .

س/ ما يوجد في مجتمعنا (( بنات )) يشربون الدخان وحتى المخدرات بدون علم اهاليهم ؟

س/ ما يوجد في مجتمعنا (( بنات )) يرددون عبارة الغريب استر ؟
(( المقصود فيه السائق أو اصحاب المحلات ))

س/ ما يوجد في مجتمعنا (( شباب )) يحاولون اصطياد البنات عن طريق الهواتف وازعاجهم ؟

س/ ما يوجد في مجتمعنا نساء متحجبات وصاحبة مبادئ وصاحبة منزل في (( العربي )) ؟

س/ ما يوجد في مجتمعنا نساء ترفضن الزواج من اجل العناية في ابويها المسنين ؟

س/ ما يوجد شباب او كبار في السن يتزوجون من الخارج ؟

س/ ما يوجد زوجات يحاولن السيطرة على رجالهم واخذ ما يملكون ؟

س/ ما يوجد في مجتمعنا عوائل تترك بناتهم يخرجون لوحدهم مع السائقين ؟

س/ ما يوجد في مجتمعنا زواج المسيار ؟

ما يوجد وما يوجد ما يوجد كثير من الاشياء لم يتطرق لها الكاتب أو المؤلف .

انا في كلامي هذا ليس مؤيد او رافض للمسلسل لاكن اريد اجوبة لبعض الاسئلة هذي !!

واسف على الاطالة لاكن اعتقد ان الموضوع مطروح لنقاش .

ارجوا ملاحظة اني اقصد في كلامي القلة من القليل في جتمعنا



cafe-123

[StyliSh]

انااا عن نفسي مااتابعته بس اسمع صاحباتي يتكلمووون عنه

بس احس كل حلقه والثانيه قتل اخته وقتل زوجته

احس وربي زودووووها الين طلع باااااايخ

وعلى قووله ديمزز حسن عسيري متخلف وعطووه قلم يكتب

والله ودك من يكسر قلمه ولا عاد نشووف هالتفاهاات

المفرووض ناقشها صح وموو كذا تخلف

موسيقارووو تسلم :)

\

[Broken Heart]

اخوي الموسيقار


بصراحه انا ما اتابع المسلسلات من فتره

بس من كلام الاعضاء واللي اسمعه

ان المسلسل يحكي واقع

يمكن ان الكاتب يشوفه بعينه

اوانه حاب يثير الفوضى بالمجتمع

واللي صاير اكثر بكصير من اللي نشوفه او نسمعه

ومثل ماقالو

ياماتحت السواهي دواهي

واللي قال الخافي اعظم

يعني مايحدد هالعمل الواقع اللي حنا عايشين فيه او غيره

والكلام بالمجال يطول

اعذرني على التقصير


لي باك



تحيتي

[الموسيقار]

الف مليون شكر لكم يالغالين

على روعه طرحكم وآسف على التأخر بالرد

لاني قاصد ان النقــاش يدور بين الاعضاء لنستفيد من بعضنا البعض..

قرأت ردودكم فيها ما أنا اوافقه والقليل معارض (ومحب) له..


ومثل ماقلت بالاول ان رأينا للاسف كمجتمع لن يسمع او لن يؤخذ به

مع اني قرأت ان حسن عسيري يتابع المنتديات ويقرأ مايكتب عن مسلسله!!


لكن نرى وجهات بعض..

وعن اسئلتكـ يالغلا كوفي

كل ماتفضلت بذكرهـ واقع مع الاسف ولكن قليل او بمعنى ادق (نادر وجوده) >>موب اختنا هع


والكـاتب اراد الشهرهـ او احداث الشغب على طرحه لكي يتابع .

وهو بذلكـ صور للكثيــــــــــر فكره سيئه عنا كمجتمع محافظ ..

اكيد بتقول لي انها مشاهد لا تصور مجتمع بأكمله

لكن

لو تتصور اي شخصيه من الممثلين السابقين او ابطال الافلام

اكيد انكـ مصورهـ بعقكـ الباطن بانه ( محب للخير او شرير او مضحكـ او وووو.. )

وهذا شئ مو بيدي او بيدكـ يعني من خلال متابعتكـ يتصوره عقلكـ ..

فما بالكـ بكثير من الشعوب العربيه ( الحاقدهـ ) التي تبحث عن اتفه الاسباب عن السعوديه واهلها ..

فمن المؤكد انهم تصورونا هكـــذا وراح يطلقون على فتيات السعوديه كما صورهم

واكيد ان الاكثريه من الشباب بيكونون بنظر بعضهم انهم غيورين بشدهـ وانهم متحجرون ومتخلفون

وهمهم الشراب والاحقاد في مابينهم..


ااسف على الاطاله

انتظر ردودكم لحين انتهاء عرض المسلسل

مع الشكر لكم جميعا واعظم التحايا القلبيه لسمو تفكيركم واحترامكم لللاراء..

الموسيقــــــــاار ..