المساعد الشخصي الرقمي

مشاهدة النسخة كاملة : هل تسمح لأختك بذلك؟؟ وهل تسمحين لنفسك بذلك؟؟

..::" or8t blot"::..
29-05-2007, 01:06 مساءً
مرحبا .. كيفكم..


تمني انى اعرف رائيكم بكــل صراحــــــــــه ..
كل عائله تختلف عن الأخرى .. وكل عائله عادات بيتهم تختلف عن البيت الآخر..

ولكل عائله رأي مختلف .. إلخ..
المهم ..
هنا فتيات يخرجن مع رفيقاتهن (وليس مع أهلهن) إلى الأماكن العامة ...
اممم
مثلاً للذهاب إلى التسوق . او القهاوي الخاصه بالعلائات ... او للتمشي او غيـــــــــــــرهــــــــــــــــــــا
ونحن نود مناقشته هو..
رأي الأخوة والأخوات..
طبـــعا المـــوضوع عـــام للجميـــع سواء شباب او بنـــات وكل منه له اســئـــلته ... وانتم اننا نجاوب بكل صراحه..
وانا لم أذكر رائي ابغا اسمع ارائكم انتـــم ,,,, واشوف تصويتكم اوكيــــــــــه ,,
تفضـــلوا ....

سؤال الأخوة الشـبــاب ...
هل تــسمح لأختك الخروج مع رفيقاتها ؟؟ولماذا؟؟
وان كت توافق له يكون بشكل دائم او بحسب ...
مارأيك في منظر الفتيات في الأماكن العامة( يعنـــي شـلــة بـنات )
كانظرة شاب ؟؟؟


وسؤال للأخوات البــنات ..
مارأيك في الخروج مع رفيقاتك والخروج مع أهلك ..؟؟؟
وهل سوف يكون بشكل دوري خروجك ......
هل تحسين بأمان مع رفيقاتك أم مع أهلكِ اكثر ؟؟ولماذا؟؟


أتمنى من الجميع المشاركة ومناقشة الأمر,,,,,

..::" or8t blot"::.. :)
ZEZOO
29-05-2007, 01:15 مساءً
تــسمح لأختك الخروج مع رفيقاتها ؟؟ولماذا؟؟

لا ..

لأنـي لا أعـرف أخلاق وعادات رفـيـقـاتـهـا ...

فـقـد تـكـون فيهم السـيـئـهـ التـي تـجـلـب الـمـشـــــــــاكـل


مارأيك في منظر الفتيات في الأماكن العامة( يعنـــي شـلــة بـنات )
كانظرة شاب ؟؟

بـصـراحـه نـظـرتـي الخـاصـه واللي شايـفـهـا في مـجـتـمـعـنـا

الـلـبـس الـخـارجي للـبـنـات هو الـمـقـيـاس الأسـاسـي ..!

فـمـثـلا إذا كـانـوا لابـسـات عـبـايـات وسـيـعـهـ و ع الراس ومـتـسـتــريـن

فـشـي عادي جدا وجودهـم بأي مـكـان وأي وقـت ..



مشكـورهـ اختي ع الموضوع المـهـم ..

وأتمـنـى يـكـون ردي بـحجـم المـوضـوع

تـقـبـلـي مـروري .. :)
مجنونها
02-06-2007, 05:22 صباحا
هل تــسمح لأختك الخروج مع رفيقاتها ؟؟ولماذا؟؟

لاأسمح...لأن الشرع أولا يمنع خروج المراءة من بيتها لغير حاجة وثانياً مثل ماتفضل أخوي زيزو لأعلم أخلاق

صديقاتها ..



مارأيك في منظر الفتيات في الأماكن العامة( يعنـــي شـلــة بـنات

نظرتي لهم على حسب الشلة إن كانت تلك الشلة متعرين عن الأخلاق للمرأة المسلمة المتلبسين بعباءات التبرج

فنظرتي لهم نظرة إشفاق وتعجب لأنهم لايدركون مايفعولنه .

وإن كان تلك الشلة بخلاف الشلة السابقة والمغايرة لهم فنظرتي لهم نظرة اعجاب وتفاؤل بجيل المستقبل القادم .


أخوكـ: «®°·.¸.•°°·.¸¸.•°°·.¸.•°®»مجنونها«®°·.¸.•°°·.¸¸.•° °·.¸.•°®»
اسمهان
03-06-2007, 05:25 صباحا
مارأيك في الخروج مع رفيقاتك والخروج مع أهلك ..؟؟؟

مافي مشكله إ يه اذكانوا محترمات واماكن عامه....

وهل سوف يكون بشكل دوري خروجك ......

اكيد لا.....
هل تحسين بأمان مع رفيقاتك أم مع أهلكِ اكثر ؟؟ولماذا؟؟
انا لا اخرج مع رفيقاتي الا بوجود اهلي معاي..

اذا كنت باخرج مع رفيقتي تكون هي العزيزه علي وأكون عارفه أخلاقها
واكيد بحس بامان خصوصا ان اهلي معاي



مشكوره اختي ورقه على الموضوع الشيق

دمتي بخير وعافيه................
سحر الانوثه
04-06-2007, 02:06 مساءً
مارأيك في الخروج مع رفيقاتك والخروج مع أهلك ..؟؟؟

أنــا كــثير اطلــع.. مع صاحبــاتي...بــس لامـاكن عـامه..طبعــاً....ومـا اطــلع الا مع صـاحباتي الي اعـرف اخلاقهم ....والي يكونـوا مني مقـربـات...بس مــا احب اطـلع مـع شــلة كبيـرهـ..
غــاالبــاً..نكون 4 بـنـات او اقــل...

والطـلوع مع اهــلي...طبعــاً...أطـــلع مع اهـليأكـــثر من ما اطلــع مع صـاحبــاتي....



وهل سوف يكون بشكل دوري خروجك ......

طــبعــــــــاً...لا ....


هل تحسين بأمان مع رفيقاتك أم مع أهلكِ اكثر ؟؟ولماذا؟؟

طــبعــــــــاً...مع اهــلي....لانو محد راح يــتــجــرأ....يتعــرض لي بــسوء......وفي اكـثر من ســبب..:)..




×××××××××

يســلموووقلبـي عـ المـوضوع الـرائع.....:)
أمـانــي
05-06-2007, 04:42 مساءً
مارأيك في الخروج مع رفيقاتك والخروج مع أهلك ..؟؟؟

كلها لها حلاوتها ونكهتها الخاصه
مع اهلي شعور جميل وممتع لمن تلاقي كل الأهل مع بعض ولمه حلوه
صراحه فرحه لاتوصف بجد تحسين الحياة حلوه بوجودهم

وهذا لا يعني انها تغني عن طلعه مع صاحباتها
لان مثلما قلت كل وحده لها حلاوتها الخاصه
الطلعه مع صاحباتي جدا ممتعه وحلوه وانا طبعا اتكلم عن الطلعات
الي ماعليها غبار فوالله لمن تكونين طالعه مع بنات عارفه اصلهم وفصلهم واخلاقهم
تكونين مرتاحه للاخر بعكس لوكنتي شاكه باخلاقهم راح تكونين خايفه طول الوقت
وش ممكن وحده منهم تسوي او غير

وطلعت البنات في الاماكن العامه الغير مشبوهه
احس البنت لها حق بالشي هذا


وهل سوف يكون بشكل دوري خروجك ......

اذا تقصدين الاهل فهي والله اظاهر مره في العمر
خخخخخخخخخخخخ
مشكله ان ماعندي اخوات كل بيتنا عيال

واذا تقصدين صاحباتي
فهي مو دوريه هي على حسب الظروف
يعني متى ماسمحت لنا الظروف

هل تحسين بأمان مع رفيقاتك أم مع أهلكِ اكثر ؟؟ولماذا؟؟

هو الاهل اكيد اامن لان بيكون معك ابوك اخوك
يعني لو ابسط شي يصير هما معاك وبجنبك




تسلمي ياحلوه على الموضوع جدا جميل
وواقعي في الايام هذي
MaStEr Boy
06-06-2007, 01:56 صباحا
شكرا ورقة على هالموضوع الحساس


هل تــسمح لأختك الخروج مع رفيقاتها ؟؟ولماذا؟؟

لا ما اسمح لا للسوق ولا غيره

ممكن اسمح بوقت قصير انها تجيب زميلاتها للبيت او هي تروح لزميلاتها ويكون بالبيت

اكيد بعد ما تتعرف الوالدة>>الله يخليها ويطول بعمرها

على زميلات اخواتي وهي راح تعرفهم زميلات صالحات ولا لا...



مارأيك في منظر الفتيات في الأماكن العامة( يعنـــي شـلــة بـنات )
كانظرة شاب ؟؟؟

والله مثل ماتفضل البعض

اكيد من الشكل الخارجي

اذا كانت لابسة لبس غير محتشم فهذي بنت وللأسف ما وراها رجال

اما اذا كانت محتشمة فاعجب بالبنت واهلها اللي ربوها احسن تربية


شكرا ورقة مرة اخرى

وتقبلي مروري

بقـ ذكريات ــايا
Streets Boy
11-06-2007, 12:17 صباحا
,

,



أهـــلــيــنـ ورقــهــ :)


,

وأنــا أفضـل إنـي أتـكـلـم بشـكـل عـام عنـ الأجـابهـ للـسـؤال الأول


مـنـ وجـهـة نـظـري وبالنـسبـة لي كـل شي يـتـوقـف عـلى علاقـتي فيهـا ( أختـي , بنـتي , زوجتي ..ألخ )


ومـدى ثقـتـي أنـا فيـهـا وبـعقـلهـا ولأي حـد أشـوف بـنظـري تـقـدر تـتصـرف لـوحـدها


وتـربـيـتها وكـيف تـقـدر تفـرق بـينـ الصح والغـلـط واللي ينـفـعها ويـضرهـا والشـي هذا


يعـتمـد على عـقـلهـا قـبـل عـمرهـا لأنو فيهـ بنـات بالعـشـريناتـ ماتقـدر تسـتغنـي عنـ امهـا


وماتعـرف تتـصـرف مـنـ دونـهـا والعـكـس صـحـيـح ...


(( يعنـي مقيـاسـي لكـل بـنـت يختـلـف عنـ غـيرهـا ))



,


مارأيك في منظر الفتيات في الأماكن العامة( يعنـــي شـلــة بـنات )
كانظرة شاب ؟؟؟


نـظرة عـاديـه جـداً بحـكـم اخـتـلاف التـفـكـير والتـربـيـة


يعـنـي الشـكـل الخـارجـي مايعـطينـي أي أنطـباع إنـ كـانوا صالحـينـ أو لا


اللـي أحـكم عـليـهـ تـصرفـاتـهـم وأفـعالـهـم وبــس ...


,


..::" or8t blot"::..


ألــف شــكر لـكـ عـلى المـوضـوع مـع إنـي اسـتغربتـ


مـنـ بـعـض الآراء بس شي طـبيـعي


ويـاليـت نـشوف وجهـة نـظـركـ بالمـوضـوع وتـقبـلي مـروري ...




,

,


:street:
SwEeT Gi!rL
11-06-2007, 07:16 صباحا
اولاً::

ورقة بلوت مشكووره من جد على هالموضوع الممتاز والرائع بل اكثر من رائـع

موضوع واقعي ويهمـ الاغلبيه منــا


ثانياً::

انا شفت الردود بصراحه استغربت من بعضها

وخاصة اني كنت أخذه عنهم فكرهـ ناس مثقفين وفاهمين الحياة صح

لكن هاذي وجهات نظر و أحترمها


المهم


وسؤال للأخوات البــنات ..
مارأيك في الخروج مع رفيقاتك والخروج مع أهلك ..؟؟؟
وهل سوف يكون بشكل دوري خروجك ......
هل تحسين بأمان مع رفيقاتك أم مع أهلكِ اكثر ؟؟ولماذا؟؟

بصراحه الخروج مع صديقاتي احلى من ألف طلعة خصوصاً

اذا كانت مع زميلاتي المقربات للقلبي يعني ذاك اليوم يكون يوم المنى << اكون طايره من الفرحه

لاني بشوف صديقاتي اللي بمكانه خواتي وأنتم شفتوا طلعتنا بالعدسه يعني من جد ونااسه لامثيل لها:s:

وبالنسبه لأهلي لأجد هناك سبب يجعلهم يرفضون لان ثقتهم فيني كبيره والحمد لله

وهم ماقالو لي روحي اماكن مشبوهه اواماكن ممنوعه بالعكس بروح مكان عام فيه الاف من الناس

أما السوق مأعتقد يوافقون وانا ماجربت من قبل لان السوق بطبيعتنا كل وحده تروح لحالها مع اهلها

وبالنسبه تمشي ومقاهي وقهوات عوائل مجتمعنا (بالقصيم) خصوصا مافيه شي من هالنوع

يعني قرية المراجيح وتخب خخخخخخخخخخخخخخخخخخ :biggthumpup: <<<ياربي وكثر اعاني

اما كل وحده تروح للثانيه في بيتهم هذا شي عادي اتوقع عند كل العوائل الا ماندر

واهلي عارفين صديقاتي وعارفين اهاليهم وانا اساسا مأصادق اي بنت او أطلع مع اي بنت

مأطلع الا مع صديقاتي القديمات الي اعرفهم ويعرفوني زين ولا استغني عنهم في بعض الحالات


وبالنسبه للأمان أنا بكل الحالتين مرتاحه ومبسوطه سواء مع اهلي او زميلاتي

::

::

تقبلوا رأيي
ـالـقـلـب ـالـ ح ــنــون
11-06-2007, 07:51 صباحا
السلااام علييكم ورحمة الله وبركااتهــ

وسؤال للأخوات البــنات ..
مارأيك في الخروج مع رفيقاتك والخروج مع أهلك ..؟؟؟
وهل سوف يكون بشكل دوري خروجك ......
هل تحسين بأمان مع رفيقاتك أم مع أهلكِ اكثر ؟؟ولماذا؟؟

شووفى انا عنى بما انى فى مصر
فشى طبيعى انى اطلع لوحدى او مع صحبااتى مااافيها اي مشكله
بلعكس اغلب طلعاااتى مع بنااات والطلعه مع اخوااانى مررره حلوو وفيها بسطه اكثر بس المشكله انهم مو داايما يخروجوو معااك فلازم ارووح مع صحباتى

والخرووج مو دايما يعنى لمن نطفش لو عندنا مشااوير يعنى من فترره لفترره

فى الاماان طبعاا مع الاهل لانه محد يتجرا اصلا انه يقوول شى او يسووى شى لمن اكوون مع اهلى اما لمن نكوون شله بناات لازم تسمعى كل شووى كم كلمه بس مداام احنا محترميين وواثقيين فى نفسنا فما يهموونا

يسلموو ورقه بلووت على المووضوع
يعطيك العاافيه
الأمير الشاعر
13-06-2007, 05:38 صباحا
هل تــسمح لأختك الخروج مع رفيقاتها ؟؟ولماذا؟؟
وان كت توافق له يكون بشكل دائم او بحسب ...

نعم اسمح لها بالخروج

طبعا لعدة اسباب
اولها : لاني اثق باختي واثق بتربيتها
ثانيا : نحن في زمن لا يخفى شيء لا عن الكبير ولا عن الصغير
فلو كانت البنت ضائعه فلن يمنعها الخروج من البيت عن الضياع
فكم من بنت ضاعت وهي مسجونه بين اربع جدران
وانا استغرب من بعض اراء الاعضاء التي ما زالت تقبع تحت تاثير العادات والتقاليد التي انتهى زمانها

هذا من وجهت نظري


مارأيك في منظر الفتيات في الأماكن العامة( يعنـــي شـلــة بـنات )
كانظرة شاب ؟؟

باختصار
انا لا احكم عليهم من مظرهم بقدر ما احكم عليهم من تصرفاتهم

::
::
::

..::" or8t blot"::..

الف شكر على الموضوع

دمتيـ كما تحبينـ
..::" or8t blot"::..
13-06-2007, 09:38 مساءً
صراحه اكوووس رد


الأمير الشاعر & ستريت


تسلموون على هالدرر والله :حب:
jnon al5ref
13-06-2007, 10:29 مساءً
مارأيك في الخروج مع رفيقاتك والخروج مع أهلك ..؟؟؟
مع رفيقاتي انبسط واحكي مع يلي بعمري ونشوف السوق ونتسوق
مع اهلي
عادي بنبسط بس مو كثير

وهل سوف يكون بشكل دوري خروجك ......
لا
هل تحسين بأمان مع رفيقاتك أم مع أهلكِ اكثر ؟؟ولماذا؟؟
انا دائما احس بأمان بس مع اهلي اكيد اكثر لأنه في حال حد قلل ادب اخوي يربيه هذا ان استرجى يقلل ادب
جنون الخريف
جــــ^نـــــ^ــــــون
14-06-2007, 04:24 صباحا
كح كح كح .......

أولا اهااانيج على الموووضوووع الحسااااس هذااا

بالنسبه للرد على اسئله .... كح كح كح ....

مارأيك في الخروج مع رفيقاتك والخروج مع أهلك ..؟؟؟
- طبعاااا مع اهلي لانه كف على ويهي اذا طلعت مع رفيجااااتي .....

وهل سوف يكون بشكل دوري خروجك ......
- طبعااا مافي لا بشكل دوري و لا مؤقت لانه مااااااااااافيش ...

هل تحسين بأمان مع رفيقاتك أم مع أهلكِ اكثر ؟؟ولماذا؟؟
- اذا مع اهلي ما احس بامان تبين مع رفيجااااتي .... انااا اقوول مع الاهل اماااان ... لان لولصااار شي هم حووولي مو مع رفيجاااتي و اتوهق فيهم .... كح كح كح

و الى ابداااااااع جنوووووووووني جدييييييييييييييد ...

جااااااااااااااااااااااااااو
حلا الورد
22-06-2007, 10:43 مساءً
ورقه بلوت احب اشكرك على هالموضوع الرائـــــــــــــــــــــــــــــع

ومستغربه بصراحه من ردود بعض الاعضاء الا انه فيــــــــــه ردود رووووعه مثل ستريت وسويت والامير الشاعر

بصراحه مدري شقول مع احترامي للجميع يعني هل مساله المنع اثبات للرجوله او خوف عليها او غيره من الاسباب الكثيييييره
وطبعا كل شئ مايتم الا بموافقه الام والام اصلا مستحيل توافق بدون ماتعرف اخلاق صديقات بنتها او اللي بتطلع معاهم و اغلب اللي نشوفه يطلعون الصديقات وكل وحده مع اهلها او اخواتها



مارايك في الخروج مع رفيقاتك والخروج مع اهلك ؟
الخروج مع صديقاتي وناااسه لابعد الحدود ولله الحمد اللي طلعت معاهم كلهم من ديرتي وامي تعرف امهاتهم ماحصل اني طلعت مع وحده الا وامي تعرف امها << يعني كل ماتخاوي وحده تعرف امها عليها وعلى اهلها
واغلب الشئ يطلع احد كبير معاي وهالشئ انا اللي ابيه وانا اللي اطلبه ويفيدني بشئ الامور سواء ان خلصت فلوسي رحت للي اكبر مني هع هع او صارلي شئ لاسمح الله رغم اني مااعارض طلعه البنت مع صديقاتها ابدن سواء احد معاها او لا دام اخلاق البنات اللي بتطلع معاهم معروفه وعاد يلا من طلعه او لمكان عاااام
ثانيا كلها ساعه ساعتين ويردون

وهل سوف يكون بشكل دوري خروجك
والله متى ماسمحت الظروف

وهل تحسين بالامان اكثر مع رفيقاتك او مع اهلك ؟ ولماذا؟
وش امانه حنا بارض السعوديه موب امريكا << فاهمه غلط
وغير كذا بمكان عام بس وبالنسبه مع اهلي << يعني من كثرهم انا وابوي وامي اللي نطلع بس صدز امان بس مو وناسه عاااد كثر مااكون مع صديقاتي اما طلعات الاهل مثل بنات عمي وغيرهم فهذي مااطيقها كل وحده تعتب بحجاب الثانيه يعني يامع ابوي وامي يا مع صديقاتي يابلا

وبالنسبه لنمظر شله بنات كم من وحده لابسه عبايه راااس ولو عليها تلبس عبايه كتف ومثل ماقال ستريت والامير تصرفاتها هي اللي تخلي الواحد يحكم عليها ويمكن وحده طاقتلك هالعبايه عالكتف بس تمشي بحالها
وهالشئ مو لكل وحده تلبس عبايه كتف او تلبس عبايه راس لا فيه من كذا وفيه من كذا

وهذا رايئ بالموضوع << تفلسفت واااجد

تقبلي تحيتي

حـــــ الورد ـــــــــلا
الـــغـــلا
27-06-2007, 06:16 صباحا
.

.

.

تسلمينـ ورقهـ :)

موضــوعـ حلــو ومـن جد يستــاهلـ نقــاشـ :)


.............................


مارأيك في الخروج مع رفيقاتك والخروج مع أهلك ..؟؟؟

واللــهـ مع صديقاتي ولا اهلي كلوو واحــد اهمـ شي الونـاسهـ :) بسـ اذا بطــلع اكيد اكون لبنـات عارفتهمـ

> عشرة عمر < وعـارفـهـ اخـلاقـهـمـ :)يعني مو اي احــد

وبالنسبهـ للاماكنـ الـعامــه ماشوووفـ اماكـنـ عندنــا :همسة حنين:

يعني بالبيتـ ويكفي :)

...........................

وهل سوف يكون بشكل دوري خروجك ......

لا طبعا بسـ اذا مناسبهـ لازمـ نجتمعـ :)

هل تحسين بأمان مع رفيقاتك أم مع أهلكِ اكثر ؟؟ولماذا؟؟

اكيد اهلي :)
لانـهـمـ يبوونـ الخير لي وحتى الصديقات بسـ مو كلهمـ طبعــاً :)


.............................


مشكووورهـ
.

.

.
دمت بود
الغــلا

:)
p!nk
21-08-2007, 03:08 صباحا
الله يعطيج العافيه ع الموضوع المميز :)
وحدة بالدنيا
23-08-2007, 07:26 صباحا
مارأيك في الخروج مع رفيقاتك والخروج مع أهلك ..؟؟؟

أنا بصراحة ماقد طلعت مع صديقاتي لأنو مافي مكان أصلن يستاهل نطلع له بعنيزة

بس عادي نزور بعض في بيوتنا ولازم تكون أمي تعرفه أو حتى أبوي يعرف أبوه

وأذا سافرنا لخوالي عادي اطلع مع بنات خالتي لحالنا لمطاعم وأسواق بعد إذن أمي

طبعن والشكل خارجي للبنت لازم يكون محتشم بس مو دليل على أخلاقها ..

والطلعة مع أهلي وناسة بس مو كثير نطلع ..


وهل سوف يكون بشكل دوري خروجك ......

أكـــــيـــــد لأ ..


هل تحسين بأمان مع رفيقاتك أم مع أهلكِ اكثر ؟؟ولماذا؟؟

أكـــيـــد مع أهلي لأنو محد يتجرأ علي بكلمة ...




مشكوووورة أختي ورقة موضوع يستحق المناقشة

لاعدمناكـ يالغلا ..




تقبلي مروري ورأيي ,,
شمعه
30-08-2007, 02:28 صباحا
هااااااي موضوع حيل حلو مشكوره

مارأيك في الخروج مع رفيقاتك والخروج مع أهلك ..؟؟؟

لا والله لما أكون مع رفيقاتي وااايد أحسن

بس أهلي أحس الطلعه رسميه حيل

وهل سوف يكون بشكل دوري خروجك ......

لا طبعا

هل تحسين بأمان مع رفيقاتك أم مع أهلكِ اكثر ؟؟ولماذا؟؟

أكــــــــــــــيد مع الأهلي لأنا محد يقدر يتكلم كلمه وحده


وثـــــــــــــانكس

من شمعه