أجامل وابتسم واضحك ولكــــــن!!!!!!......

[قناص سدير]

أجامل وابتسم واضحك وأنا في داخلي مقهور

أحاول اكتم أحزاني ورا صدري واخبيها

****

أحاول اكتم همومي واخبيها وأنا مجبور
وأحاول قد ما أقدر أبعد عن حراويها


****

لو إني كنت بنطقها مع إنها واقفة بالزور
ولكن لازم اكتمها ولا ابين معانيها


****

ولو بعض البشر تدري وتكشف خافي المستور
أببلش في شماتتها وابتعب من حكاويها


****


طبيعة ما تفارقهم طبيعة من قديم عصور
ورا حكي القفى تطرد وتنبش في خوافيها


****

وإذا طاح الرجل مرة وصار من الزمن مكسور
تجيله طعنه بظهره تفاجئ مادرى فيها


****
تفاجئ مادرى باللي بيصير ومن وراه يدور
وخابت هقوته فيهم بعد ماكان هاقيها


****

لجل هذا كتمت الهم في صدري وأنا معذور
همومي في وسط قلبي اخبيها واخليها


****


واذا زاد الحزن فيني كني وحيد بعالم مهجور
كأني بدنيتي وحدي وكل الناس جافيها


****

واذا ودي أبوح بهم أبد ما اكتبه بسطور
همومي بس في نفسي ألحنها واغنيها


****

مصير الهم يترحل وأعيش بدنيتي مسرور
مصير الهم ينساني ونفسي مايعنيها

****

مصير القلب لو يظلم يجي يوم ويشوف النور
مصير الناس تتبدل وتتغير مماشيها

****

اذا صار الذي ودي أبيح خافي المستور
واخلي الناس تدري بي وبهمومي أبكيها


****

ولكن بكتم همومي واخبيها عن الجمهور
وطبع الهم ما يهنى بغير ضلوع راعيها

[بآربي>أميره بذوقهآ]

اذا صار الذي ودي أبيح خافي المستور
واخلي الناس تدري بي وبهمومي أبكيها


****

ولكن بكتم همومي واخبيها عن الجمهور
وطبع الهم ما يهنى بغير ضلوع راعيها



صـــح الله لســـآن قـآيـلـهــــــآ ..

كلماااااااتـــ بقمـــة ألروعــــه ..

مشكـــور أخــوي علىآ ألطرح الرآئـــع ..

[قناص سدير]

يسلموو على المرور الرااائع باااربي
منوورة