ساحبه جلنط
07-12-2006, 01:15 صباحا
الى كل سحليه ناشبتن بحلق أهله وما تصرفت :أمـانـي: :l6:
مع انهم حاطين معه أخته مجانا (لترويج البضاعة المتحرجمة في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة
(المغازل ،الترقيم،التميلح اللي ماله سنع،الترزز بالاسواق .الخ )
للاجابة على هذا السؤال اليك مايلي :
أهم نقطة :نشني [فقط الأعضاء المسجلين والمفعلين يمكنهم رؤية الروابط] على العجوز اللي حاطة عينتس على ولده ثمن نفذي مايلي :
1- خلتس مع أمتس لاتروحين مع البنات وتنهيبلين اصبري عنهن كم شهر لين تتم العملية [فقط الأعضاء المسجلين والمفعلين يمكنهم رؤية الروابط]
2- امشي وانتي حاطة راستس بين كتوفتس لاترفعينه أبد حتى لو يصير كله صعارير [فقط الأعضاء المسجلين والمفعلين يمكنهم رؤية الروابط]
(خلي الفكس دائما في متناول اليد ) علشان يقولون مؤدبة ومب متكبرة . خخخخخخخخخخ
3- كلمة خالة خليه على لسانتس وخاصة لأم التمساح علشان تحس بنوع من التميز عن بقية العجز .
لامانع تنادين وحدة ثانية بخالة علشان إذا مانجحت الخطة مع العجوز تنجح مع العجوز الثانية اتبعيها
كخطة احتياطية (يعني استبنة )
4- إذا بدت أمتس تتكلم انغزيه بكوعتس علشان تدخلتس بالموضوع حتى لو مالتس داعي تطبيقا للمثل
(كثر الدق يفك اللحام) أدري إن المثل ماله داعي بس مالقيت غيره
5- اخوانتس الصغار لاحقيهم وطامري وراهم وين مايروحون حتى لو مهب عادتس بس تصرفي معهم
كأنتس أمهم لأن هذا يوحي بما لايدعو مجال للشك عند العجوز بأنتس حريصة على ذريتس
6- مهما أكلت أمتس من أكلة زينة خليه تقول :نفس الاكله اللي تسويه بنتي
(حتى لو الاكل من المطعم الصيني أو المكسيكي)
7- اذا جيتي بتمدين ايدتس جعله الكسر (خربته) اعبطي خشتس وتويجعي
( مهب قوة علشان مايقولون جواره)
وخلي أمتس تقول : قايلة لتس وأنا أمتس لاتنظفين جدران الفلةالخارجية بس أنتي الله يهديتس ذابحتس
النظافة (جعلي ما أبكيتس أجل بتنظفين جدران الفلة نظفي غرفتس قبل اللي تقولين ثايرة به قنبلة ذرية )
8- دايم ارتزي [فقط الأعضاء المسجلين والمفعلين يمكنهم رؤية الروابط] كأنتس بالعة قصبة علشان ماينقص من طولتس ولا سنتيمتر (للقصيرات) <<<< مجررررربه خخخخخخ
9- اذا تكلموا الحريم عن أي عرس اكتمي نفستس :oo25: لين تحمر خدودتس علشان يقولون البنت تستحي
ومالنا حق تكلمنا عنده (بس لاتكتمين نفستس مرة أخاف تروحين به وأصير قتلت نفس بغير حق) خخخخخخخخ
10- مهما كان موضوع الحوار حماسي لاتبدين رأيتس وخليتس مثل الطرما لأن اللقافة تجيب أجل الخطة
11- شعرتس افرديه لين يتحسحس لاتخلينه طاير وشوشة مهما كانت الموضة لأن العجز مايدورون
الا اللي شعورهن ناعمة والا ياعمري اللي شوشهن طايره ماحد يلتفت يمهن .
12- إذا أدلت العجوز (أم المتوهق [فقط الأعضاء المسجلين والمفعلين يمكنهم رؤية الروابط] ) بأي رأي سواء كان سياسي أو وطني أو اقتصادي وافقي عليه
حتى لو هو ماسخ وماله داعي مثلا تقول العجوز:أمس بوش متقهوي عندنا قولي له :وليش ماعلمتينا
ياخاله نجي نعاونكم
13- بالعروس لاترقصين :l5: اربضي واقضبي ارضتس واعتبري الرقص عيب وشق جيب <<<< من بطيه خخخخخخخخ
14- اذا جا طاري السوق [فقط الأعضاء المسجلين والمفعلين يمكنهم رؤية الروابط] وطبعا هو لازم يجي الطاري لأنه ملح الجلسة عند الحريم
خلي أمتس تقول (الله يعظم أجر أميمتس) بناتي مايطلعون للسوق أغراضهم أبوهن يجيبه <<<< ادري ان الصاروخ شق المريخ وانتي شكلتس مقطعه السوق تقطيع وعاده بلاطه بس لزوم الخطه خخخخخخخخخ
(((((((احتمال وارد الحدوث))))))
ممكن تكون العجوز منشنة على بنت غيرتس لكن بعد النقاط السابق ذكرها
بتصرف النظر عنتس وعنه (أمزح لاتصدقين ) الحين بتكون العجوز وقعت باالفخ
نرووووووووح للتمساح الحين
اهجدي في بيت أهلتس ولاعاد تطلعين واذا جاء المعرس بيشوفتس
خلي أبوتس يقول له : والله ودي تشوف البنت بدون ماتدري علشان تأخذ راحتك وانا عمك وبعدين تشوفه
على الطبيعة علشان ماتقول بعدين غشيتون ايه هين ياالشايب لو يحصل حطيت بداله هيفا وهبي
والا أليسا والا نانسي عجرم مطيرات عقول عيالنا وقبل يجي اليوم اللي بيشوفتس به بحوالي اسبوع أو أكثر (على حسب شين وجهتس ) ادهري من مشغل لمشغل(صبغه ،فرد،تنظيف بشره،الخ) لاتخلين على روحتس
قاصر
ولما يجي المعرس خلي أخوتس ياقف بجنبه عند الدريشه علشان مايطول بالتبحلق ويبان المستخبي وذلك
تطبيق لنظرية اللمحة ذبحة بعده عاد وشلون بيشوفتس هذي عليتس مب كل شيء بعلمتس اياه دبري عمرتس بس
خلي أبوتس في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك )
ترا (البنت حوسة ) مع انتس طاقتن كل زينتس بس يعني اني في هاللحظة الولد بينط على راس أبوتس وبيمطخه
لين يشفط مخه ويقول موافق موافق موافق موافق موافق موافق هههههههههه
وبيقول متى العرس ياعم (اللهم ارحمه فقد كان ولدا بار بوالديه )
عاد الله يوفقتس ولاتنسينا من حلاوة العرس والهداياء
واياني واياتس تعلمين الولد من اللي معلمتس هالعلوم
??????????? تحذير ???????????
ابعدي عن أمهات العيال اللي متعلمات راعيات الشنطة مثل لون الجزمة
لأن هذولي يبيلهم خطط بعيدة المدى
""""""" نصيحه """""""
رفيقاتس بيلاحظون التغيرات المفاجئة اللي صارت لتس
فانتي قولي لهم :انتس خلاص انسانه عرفتي درب السنع والعداله
مع تمنياتي بحياة سعيدة وادعو لنا بالتوفيق بين (راسين بالحلال) [فقط الأعضاء المسجلين والمفعلين يمكنهم رؤية الروابط]
والله الله بالردوووووووووود السسسسسسنعه ،،،
واستروا ماواجهتو من تنسيق بالالوان ههههههههههههههههههههه
مع تحيات الخطابه ساحبه جلنط خخخخخخخخخخخخخخخخخخخخخخخخخ
مع انهم حاطين معه أخته مجانا (لترويج البضاعة المتحرجمة في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة
(المغازل ،الترقيم،التميلح اللي ماله سنع،الترزز بالاسواق .الخ )
للاجابة على هذا السؤال اليك مايلي :
أهم نقطة :نشني [فقط الأعضاء المسجلين والمفعلين يمكنهم رؤية الروابط] على العجوز اللي حاطة عينتس على ولده ثمن نفذي مايلي :
1- خلتس مع أمتس لاتروحين مع البنات وتنهيبلين اصبري عنهن كم شهر لين تتم العملية [فقط الأعضاء المسجلين والمفعلين يمكنهم رؤية الروابط]
2- امشي وانتي حاطة راستس بين كتوفتس لاترفعينه أبد حتى لو يصير كله صعارير [فقط الأعضاء المسجلين والمفعلين يمكنهم رؤية الروابط]
(خلي الفكس دائما في متناول اليد ) علشان يقولون مؤدبة ومب متكبرة . خخخخخخخخخخ
3- كلمة خالة خليه على لسانتس وخاصة لأم التمساح علشان تحس بنوع من التميز عن بقية العجز .
لامانع تنادين وحدة ثانية بخالة علشان إذا مانجحت الخطة مع العجوز تنجح مع العجوز الثانية اتبعيها
كخطة احتياطية (يعني استبنة )
4- إذا بدت أمتس تتكلم انغزيه بكوعتس علشان تدخلتس بالموضوع حتى لو مالتس داعي تطبيقا للمثل
(كثر الدق يفك اللحام) أدري إن المثل ماله داعي بس مالقيت غيره
5- اخوانتس الصغار لاحقيهم وطامري وراهم وين مايروحون حتى لو مهب عادتس بس تصرفي معهم
كأنتس أمهم لأن هذا يوحي بما لايدعو مجال للشك عند العجوز بأنتس حريصة على ذريتس
6- مهما أكلت أمتس من أكلة زينة خليه تقول :نفس الاكله اللي تسويه بنتي
(حتى لو الاكل من المطعم الصيني أو المكسيكي)
7- اذا جيتي بتمدين ايدتس جعله الكسر (خربته) اعبطي خشتس وتويجعي
( مهب قوة علشان مايقولون جواره)
وخلي أمتس تقول : قايلة لتس وأنا أمتس لاتنظفين جدران الفلةالخارجية بس أنتي الله يهديتس ذابحتس
النظافة (جعلي ما أبكيتس أجل بتنظفين جدران الفلة نظفي غرفتس قبل اللي تقولين ثايرة به قنبلة ذرية )
8- دايم ارتزي [فقط الأعضاء المسجلين والمفعلين يمكنهم رؤية الروابط] كأنتس بالعة قصبة علشان ماينقص من طولتس ولا سنتيمتر (للقصيرات) <<<< مجررررربه خخخخخخ
9- اذا تكلموا الحريم عن أي عرس اكتمي نفستس :oo25: لين تحمر خدودتس علشان يقولون البنت تستحي
ومالنا حق تكلمنا عنده (بس لاتكتمين نفستس مرة أخاف تروحين به وأصير قتلت نفس بغير حق) خخخخخخخخ
10- مهما كان موضوع الحوار حماسي لاتبدين رأيتس وخليتس مثل الطرما لأن اللقافة تجيب أجل الخطة
11- شعرتس افرديه لين يتحسحس لاتخلينه طاير وشوشة مهما كانت الموضة لأن العجز مايدورون
الا اللي شعورهن ناعمة والا ياعمري اللي شوشهن طايره ماحد يلتفت يمهن .
12- إذا أدلت العجوز (أم المتوهق [فقط الأعضاء المسجلين والمفعلين يمكنهم رؤية الروابط] ) بأي رأي سواء كان سياسي أو وطني أو اقتصادي وافقي عليه
حتى لو هو ماسخ وماله داعي مثلا تقول العجوز:أمس بوش متقهوي عندنا قولي له :وليش ماعلمتينا
ياخاله نجي نعاونكم
13- بالعروس لاترقصين :l5: اربضي واقضبي ارضتس واعتبري الرقص عيب وشق جيب <<<< من بطيه خخخخخخخخ
14- اذا جا طاري السوق [فقط الأعضاء المسجلين والمفعلين يمكنهم رؤية الروابط] وطبعا هو لازم يجي الطاري لأنه ملح الجلسة عند الحريم
خلي أمتس تقول (الله يعظم أجر أميمتس) بناتي مايطلعون للسوق أغراضهم أبوهن يجيبه <<<< ادري ان الصاروخ شق المريخ وانتي شكلتس مقطعه السوق تقطيع وعاده بلاطه بس لزوم الخطه خخخخخخخخخ
(((((((احتمال وارد الحدوث))))))
ممكن تكون العجوز منشنة على بنت غيرتس لكن بعد النقاط السابق ذكرها
بتصرف النظر عنتس وعنه (أمزح لاتصدقين ) الحين بتكون العجوز وقعت باالفخ
نرووووووووح للتمساح الحين
اهجدي في بيت أهلتس ولاعاد تطلعين واذا جاء المعرس بيشوفتس
خلي أبوتس يقول له : والله ودي تشوف البنت بدون ماتدري علشان تأخذ راحتك وانا عمك وبعدين تشوفه
على الطبيعة علشان ماتقول بعدين غشيتون ايه هين ياالشايب لو يحصل حطيت بداله هيفا وهبي
والا أليسا والا نانسي عجرم مطيرات عقول عيالنا وقبل يجي اليوم اللي بيشوفتس به بحوالي اسبوع أو أكثر (على حسب شين وجهتس ) ادهري من مشغل لمشغل(صبغه ،فرد،تنظيف بشره،الخ) لاتخلين على روحتس
قاصر
ولما يجي المعرس خلي أخوتس ياقف بجنبه عند الدريشه علشان مايطول بالتبحلق ويبان المستخبي وذلك
تطبيق لنظرية اللمحة ذبحة بعده عاد وشلون بيشوفتس هذي عليتس مب كل شيء بعلمتس اياه دبري عمرتس بس
خلي أبوتس في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك )
ترا (البنت حوسة ) مع انتس طاقتن كل زينتس بس يعني اني في هاللحظة الولد بينط على راس أبوتس وبيمطخه
لين يشفط مخه ويقول موافق موافق موافق موافق موافق موافق هههههههههه
وبيقول متى العرس ياعم (اللهم ارحمه فقد كان ولدا بار بوالديه )
عاد الله يوفقتس ولاتنسينا من حلاوة العرس والهداياء
واياني واياتس تعلمين الولد من اللي معلمتس هالعلوم
??????????? تحذير ???????????
ابعدي عن أمهات العيال اللي متعلمات راعيات الشنطة مثل لون الجزمة
لأن هذولي يبيلهم خطط بعيدة المدى
""""""" نصيحه """""""
رفيقاتس بيلاحظون التغيرات المفاجئة اللي صارت لتس
فانتي قولي لهم :انتس خلاص انسانه عرفتي درب السنع والعداله
مع تمنياتي بحياة سعيدة وادعو لنا بالتوفيق بين (راسين بالحلال) [فقط الأعضاء المسجلين والمفعلين يمكنهم رؤية الروابط]
والله الله بالردوووووووووود السسسسسسنعه ،،،
واستروا ماواجهتو من تنسيق بالالوان ههههههههههههههههههههه
مع تحيات الخطابه ساحبه جلنط خخخخخخخخخخخخخخخخخخخخخخخخخ