عندما تكتب تأتي اليك الحروف مهرولهـ
وتكتبها بحس مذهلـ
اسجل اعجابي الشديد بكـ
ماعندي اسئلة معينه بس حبيت ارحب في شاعر راقي
تمنياتي لك بدووووام التوفيق والسعادة
الله يطول بعمرك وبيض الله وجهك على كلامك الطيب ومجملتك الرقيقه لا خلا ولا عدم
اعجابك شرف الله لا يحرمني منه وان شاء الله اكون دائما عند حسن ظنك وظن الجميع
بصراحه اسمك رائع هههههههههههههههههه حلاتي بضحتكي وذكرني بصديق عزيز على قلبي شاعر مسكين تأذى من مقالاتي كثير فانا والله من كثر ما احبه ما اذكر اني كتبت مقاله ما تطرقت له فيها
[quote=المهــــــات;407081][color=#CC9966][size=5][align=center]السلام عليكم ورحمة الله وبركاته
حياك الله ومنور منتدانا
يا مرحبا ومسهلا يالمهات وابرك الساعات والمنتدى منور باهله يالغاليه
س1 :- متى تثور قريحتك الشعريه ؟؟؟
اي الاوقات
والاجواء
...............
مثلن اقصد
تفضل ... المساء مع الاضاءه الخافته .... الشتاء .... البر ؟؟؟؟
او ان الشعر معك عااادي حتى لو مو صافي الذهن ممكن تكتبه ؟؟
يثور في اي لحظه ووقت واي مكان وزمن ؟؟؟
........
والله يالمهات انا ما لي اجواء معينه اطلاقا ولكني لا اجبر نفسي على الكتابه احب ان اكتب باريحيه متى ما اتى الشعر واحيانا سبحان الله يقعد الواحد شهور وبعض الاحيان يمكن تمر سنه ما كتبت حرف واحد واحيانا كل شهرين قصيده كله يعتمد على قوة الموقف ومدى تاثري فيه ولكن عندما يحضر الشعر يحضر ولا يهمه لا اجواء ولا ازمان على سبيل المثال كنت مره مسافر للعمل وكنت راكب قطار بين لندن ومدينه اسمها بيسنقستوك عندي اجتماع وازعاج صوت القطار وهزهزه ماهو من قطارات اوربا الحديثه السريعه الهاديه وجاني اتصال ان لي امسيه مهمه في وزراة الدفاع مجرد وصولي وانا ما عندي ولا قصيده وطنيه حاولت الاعتذار لكن الرجال اصر قلت خلينا نشوف سكرت منه قعدت عشر دقايق موقف القطار سبحان الله طلعت قصيده وطنيه فكاهيه بكل اريحيه وما وصلت المدينه الا انا مخلصها وداق عليه ومسمعه اياها بس بسبب تمديد السفره وجدوله وظروف معينه من وزراة الدفاع اظطررنا لتاجيل الامسيه ومن تاجيل لتاجيل لين ما الغيت
س2 :- هل الالهام يعتبر شي حقيقي في الشعر ؟؟؟
طبعا الالهام هو مصدر الابداع يعني عشان تكتبين شي مميز لابد من الالهام وسؤالك حساس جدا ومهم لان الغالبيه تتلخبط ما بين الموهبه والتمكن والالهام وعشان نبسطها عشان يكون الانسان شاعر لابد ان يكون موهوب والموهبه هذه من الله
عشان يكون شاعر مبدع لابد ان يكون موهوب ومتمك والتمكن هذا ياتي من الاحتكاك والخبره والتجربه يعني لازم يكثف قرايه ويحتك بشعراء افضل منه ويستفيد من غلطاته ويحاول انه في كل نص يكون افضل من الي قبله
عشان يكون مميز لابد من توفر الالهام بافكار جيده بعلبات شعريه حلوه بخفه دم معينه بجزاله معينه والشعراء يختلفون ففيهم الجزل والي تكمن قوته في الجزواله وفيهم العذب وفيهم الرومنسي وفيهم الفكاهي يعني هيك شي يا خيتووووووووووو
س3 :- هل مر عليك يوم عجزت فيه تكتب كلمه واحده رغم ان الخواطر شديده والعبارات مزدحمه في خيالك
؟؟؟؟؟؟؟؟؟؟؟
وايش هو سبب عجزك عن الكتابه ؟؟؟ شدة الحزن ؟؟؟ او الاحباط ؟؟
اييييييييييييييييييه ياما ياما ياما بس مو بسبب الحزن ممكن الاحباط ممكن النفسيه وانا احد عيوبي اني مزاجي جدا في الشعر والاعلام يعني مره كان عندي رحله ايام ما كنت اكتب زاويه بالهنا والقافيه وباغيب لمده شهرين والمحرر كل شوي يدق علي يسالني وين موادك وكنت لازم اعطيه مواد لده شهرين متخيله يعني كل زوايه تاخذ وقت وجهد وتفكير وخصوصا انك تبين تكتبين شي فكاهي لكن هادف وحساس يعني هي شعره معاويه الي لازم ما تنقطع وقعد يدق ويدق قلت له ما لك الا اني اعطيك زوايا لمده شهرين قبل ما اسافر ويوم السفر بعد ما جهزت شناطي وقررت الانتحار لانه بيذبحني وما كتبت شي طفيت جوالاتي وقعدت لوحدي ومسكت المجلات والجرايد وقعدت اقلب واقلب لين ما سهلها ربي وكتبت المواد وكان تحدي كبير مع نفسي لاني كنت احتاج اكتب 12 زاويا في خلال ساعات والحمدلله رك سهلها ولكن احيانا الفكره براسك سواء كانت قصيده او مقاله وتقعد في راسك سنتين ماالله كاتب لها
العرض العادي
