][ من يسوي سواتي ][

نـــــوآف · #1 24-06-2008, 08:53 مساءً

السلام عليكم ورحمة الله وبركاته
اتمنى ان تنال " عُشر " استحسانكم

يا صاحبي وش فيـك عنـي تخليـت
البارحـة صـدك تركنـي احـاتـي
البارحـة مـدري علامـك توليـت
واورثت فيني ضيم من هـو سواتـي
ان كان ذا عـذرك انـا منـه مليـت
مليـت مـن ضيـمٍ يعكـر سباتـي
وان كان ما تعرف الى منـك اقفيـت
وشلون صـدك قالبـن لـي حياتـي
ابشرك حالـي يعـزي بـه الميـت
وابشـرك صـدك يقطّـع لهـاتـي
وابشرك جرحك لقى له معـي بيـت
يالله عسى تـدرى جروحـك عباتـي
موظـفٍ صـدري غمـاد وتحريـت
كل الطعون اتصيـب منـي مماتـي
وش فيك تهجرني وانا لـك تحاليـت
منـزوع قلبـي بالعـروق ورياتـي
وش فيك تتركني وانـا بـك تغنيـت
وسط الفياض وبيـن نفسـي وذاتـي
بردان .. ضامي .. حالتي يوم صديت
وانت الـذي تملـك دفـاي ورواتـي
من وين مـا عينـي تناظـر تمنيـت
القـاك يـا خلـي تبـسـم وتـاتـي
وعن غيرك امن الغيد بيدي تعاميـت
الله حسيبـك كيـف بيـدي عمـاتـي
سبحـان ربٍ صخـرك واستحليـت
صدر الخفوق اللي ذبح لـك غَناتـي
يكفيـك مـن بـد الغناديـر حسيـت
انك معي حتى وانا في صلاتـي ..!!
ويكفيك ما خطت يدي لـك وسويـت
ويكفيك صدري .. من يسوي سواتي
وسلامتكم
لـ / اخوكم نواف الكناني
دمتم

**AnGeL EyEs** · 24-06-2008, 10:07 مساءً

وَعَلِيكٌمْ السَلامَ
هَلا بَرِيحَةً هَلِي ..

اقتباس:

الله حسيبـك كيـف بيـدي عمـاتـي
سبحـان ربٍ صخـرك واستحليـت
صدر الخفوق اللي ذبح لـك غَناتـي
يكفيـك مـن بـد الغناديـر حسيـت
انك معي حتى وانا في صلاتـي ..!!

الله عَليكْ يـَ نوآف الكناني ..
صَحْ لِسآنكْ مِليُوونْ يـَ ملك الأبيات .,’
وسَلِمَ لنآ اِحسآسٌ لاَمَسْ ذَائِقَتُـنْا بـِ عٌذٌوبَةً ..!
اِمتنآن يَسكُنُ أنآمِلُكْ
وَدِي

التوقيع :

**مس دلوعه** · 24-06-2008, 11:09 مساءً

ان كان ذا عـذرك انـا منـه مليـت
مليـت مـن ضيـمٍ يعكـر سباتـي

صح لسانك
كلمات رائعه
واحساس مرهف

التوقيع :

اعطر و اعذب شكر للمبدعه (( الجارحه )) على التوقيع

**بـاسـم** · 25-06-2008, 12:37 صباحا

ضامي آلود

//

أبدعت يا عذب

كلما قرأت قصيدتك هذه . . . سواءا ً هنا او هنآك

اصاب بداء ( الدهشه )

شهادتي فيك مجروحه يا غالي ~

تقبل مروري المتواضع

**.. ضوى اللـيلـ ..** · 25-06-2008, 03:12 صباحا

وش فيك تتركني وانـا بـك تغنيـت
وسط الفياض وبيـن نفسـي وذاتـي
بردان .. ضامي .. حالتي يوم صديت
وانت الـذي تملـك دفـاي ورواتـي
من وين مـا عينـي تناظـر تمنيـت
القـاك يـا خلـي تبـسـم وتـاتـي

اخوي ضامي الود ..
فاضتـ أبياتكـ العذبهـ بأجمل المعاني ..
صح لسانك شاعرنا وسلم بنانك ..على القصيدهـ الرائعهـ ..
فقد نالتـ كامل الأستحسان وليس عشرهـ ..
أتمنى أن تروينا دائماً من بحر شعركـ العذبـ ..
بأنتظــار كل جديد ..

تحيــــاتي وودي لك ..

أخـتـــــــــــــــك ..

ضـوى

التوقيع :

(الَلهَم بَلْغَنَآ رَمَضاْن وَأَعِنَآ عَلَى صِيَامِهِ وَقْيَامِهِ عَلْى اَلْوَجْهَ آللَذِي يُرْضِيْكَ عَنَآ)

غرور تسلمين يالغلا ومبروك عليك الشهر

**نـــــوآف** · 25-06-2008, 05:14 صباحا

ارحبي يا بنت العم

الله يرضى لي عليك يا رب .. اسعدني مرورك

واحرجني كلامك الجميل

يعطيك الف عافية يا رب

دمتِ

**نـــــوآف** · 25-06-2008, 05:15 صباحا

مس دلوعه

صح بدنك يالغالية

اشكرك ع مرورك

دمتِ

**نـــــوآف** · 25-06-2008, 05:17 صباحا

باااااااااااسم

ارحب ارحب ارحب ..

والله لك وحشة .. حسبي الله ع الثانوية العامة

الله لا يهينك يالغالي .. شرفتني

دمت

**نـــــوآف** · 25-06-2008, 05:20 صباحا

ضوى

حياك الله اختي

الله لا يهينك على تنويرك لمتصفحي

الله يعطيك الف عافية .. احرجتيني

وصح بدنك وكلك يا رب

دمتِ

**مـرتـاح أحـبـگ** · 26-06-2008, 03:27 صباحا

بردان .. ضامي .. حالتي يوم صديت
وانت الـذي تملـك دفـاي ورواتـي

سبحـان ربٍ صخـرك واستحليـت
صدر الخفوق اللي ذبح لـك غَناتـي

\

\

ضـــآمي ـآلود

صح لسانك والله يالغلا وتسلم ايدينك على هالقصيده الروعه

روعة إحساس وقوة معاني وعتب بعذوبة شاعر

يعطيك العافيه ولاخلا ولاعدم

ننتظر جديدك وتقبل مروري وإحترامي

\

\

مرتاح أحبك .,

التوقيع :

ر م ض آ ن يجمعنا