مساء / صباح اليخر


أخواني أخواتي أعضاء المنتدى


قصيدة ( العبايه ) للشاعر ناصر البراق


نالت على إعجابي فأحببت أن أنقلها لكم ..





العبايـة عولموهـا وانفثـوا فيهـا السمـوم
من ملاهي الرقص جابوافكر تخصير العبـاة
ضيقو صـدر العبـاة وسعوطـرف الكمـوم
ونزلوها لين وصلـت اّخـر اكتـاف الفتـاة
بانت انحور الصبايا وانكشف شكـل الهـدوم
والغبية تحسـب انهـا زايـده زيـن وحـلاة
والبراقـع دلعوهـا ليـن عـام الخـد عـوم
لازم القرضه توسع والكحـل يلقـى الحيـاة
طوروا شكل النفاب وصارت الدعـوه علـوم
صـار شفـاف يوضـح خدهـا ويالشـفـاة
واخر الصرعةلثـام يفتـن الرجـل العـزوم
والفتـن قالـوا ضلالـه للقلـوب المؤمنـات
وش علامك بنـت حـوا تستبيحيـن السلـوم
ومع خيلك يا شقرا بعضكـم جنـس البنـات
قاهرتهـم هالعبايـة مايـبـون السـتـر دوم
جدهم علمـان يعنـي لا صيـام ولا صـلاة
حطوا ان البنـت سلعـة وغلفوهـا بالهـدوم
وارفعوا شعار ينـادي للحقـوق الضايعـات
من ضلمها والبدو لاصاحـت الحرمـه تقـوم
قايمه تحت المعادي لجـل عيـن الشامخـات
من ظلمها يوم قام المعتصم مـن عـز نـوم
وقال وين الكافـر اللـي يستبيـح المسلمـات
ثم ذبح لجل شعرتها من العـدو كثـر النجـوم
قال هـذا حـق منهـو يستـدل الطاهـرات
نكسوا ذاك الشعار ... ولملموا باقـي السهـوم
يكسر الخاطر سهمكم لاضرب في مدرعـات
بيتكم لا صار مبنـي داخـل البيـت مهـدوم
وبيتنا صوم وصلاة وحج واشهـد و الزكـاة
اتركيهـم يابدويـة وخلـي الـلايـم يـلـوم
وسعي خصر العبايـه واكرمـي بالمكرمـات
وان رفعتيها لراسك اصبح الـراس محشـوم
العبايه فوق راسك حشمـه وطيـب وثبـات
وماعليك من اللئيمـه تحـاول تقلـدك يـوم
لبست البرقع ولكـن حـن عـرق الماجـدات
بحنكها الفين دقه مدري الـف مـن الوشـوم
او ترى الفيـن هكـري يكتبـون الذكريـات
ولابغت تكتب قصيدة قافها هـو قـاف يـوم
(يوم يابا) (يوم يابا) جاك عـرق الراقصـات
جت تقول إني بدوية قلت أنتـي وجـه بـوم
اعقبي منتي بدوية انتي جـزء مـن الحصـاة
يابدوية لايغرك بعـض غربـان(ن) تحـوم
انتي فوق الكل انتـي فـوق روس النايفـات
انتي يوم الحرب دارت والمعارك قـوم قـوم
عانقت عزوات اخوك صوت ضرب المرهفات
ان حدوا من بيننـا أو طولـوا حـد العقـوم
يابدوية طبعي أرقـى فـوق كـل الطايـلات
احذري يابنت منهـم طبعهـم نفـث السمـوم
عولمتهم لو أعرفهـا طلـع معنـى الشتـات
ضيقوا صدر العباة... و وسعوا طرف الكموم
وبيجي يوم ونشوف شقوق في وسـط العبـاة




وسلامتكم



أتمنى تنال على إعجابكم