ياصباحي .. وش بلاك !؟
قول ..
وش عنّي خذاك ..!؟
آآآه منك ياصباحي ..
أنت مثلي .. تحتريها ..!!؟
صباح من نوع ( فاخر ) !
صباحك خير
صباحك غير
صباح الدفتر الوردي ..
صباح الحلم ..
صباح النور ..
../ صباح الجامعة والسور !
صباحك آآآه مايمدي !أنا وحدي !
أتمتم ... نوووور !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقّت الساعة ..
ألم .. ساعة
وجع .. ساعة
تعب .. ساعة
صباحك : قمـّة اوجاعة !
صباح الضحكة لاطارت !
وماصارت !
صباح البسمة لامسّت نسيم الصبح !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ّ ) ! في نورك ..
صباحي مات ( بالشيلة ) !
وياويلة ..
إلا من .. شاف ( تايورك ) !!
صباح ( الحر ّ ) و ( الزحمة ) !
صباح ..
وأطلب الرحمة !
صباحك أنفاسك العذبة ..
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميّال ) !
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي !
صباحك ( توت ) لا ( ياقوت ) ..
صباح ( الموت ) بعيونك ..
و(صبحك بالعيون ) .. الموووت ..
صباحك / غير !
صباحك / خير !
صباح النور .. / والبللور .. / والمرمر ..
صباح الخير .. / والنويّر ... / والكادي ..!
" صح أنا أحبك كثير " !!؟
هذا أنتي ..!
ماتغيرتي كثير ..!!
تاخذين " الصبح " من كفه !
ومن كفه أطير !
وتقلبين الريح مشهد : من مواويل وعبير !
وهذا أنتي تسأليني : صح أنا وحدي الأميرة ..!
وانت لي وحدي .. الأمير !!؟
ماتغيّر أي شي !
" بس أنا أحبك كثير " !!!
كثر ماهي سوّرت هاك المواني
.. / هالأماني !
كثر ماغنت بك اعروق ومحاني !
كثر ماقلت لغيابك ..
" بس ثواني " !
كثر ماناحت على الأغصان .. ورقا !
وكثر ماقلت بخفوقك :
" لازم ابقى " !
كثر دمعي
كثر جرحي..
../ كثر ماني فيك أشقى !
كثر ماحسك وانا غايب .. معايا !
كثر مانمتي ..
ورى هاك الحنايا ...!
كثر ماني أنكسر عند ... الزوايا !
كثر ماني أبتسم !
لاجيت اضمك ..!!
وكثر ماني أنطوي .. لاعشت همك !!
وكثر ماني آتشتت ..!
لاجل ألمك ..!
كثر ماغنيت لك .. " يالله تعالي " ..!
نوريني .. سود بعدك .. !
هالليالي ..!
كثر ماهزيت لك غصن الشعور ..!
كثر ليل ..!
وكثر نور ..!
وكثر ماقلتي : " تجي مره نطير " !
نرسم الدنيا مواويل وعبير ..
وآنا بس وحدي " الأميرة " !!
وأنت وحدك لي " أمير " ..!
وكثر !.. ما "احبك كثير " ..!!!
كيف لارحتي أطالع بالهدايا !!؟
والزوايا ..
تنده المنحوس هذا ..!؟؟
والمرايا ..
تحترق ليه ؟ ولماذا ..!؟؟
و كيف ابقوى الإنتظار .....؟
إنتظار ..!!؟
يعني شنهو .. إنتظار ..!!؟
كلمه تجمع من خليط المفردات البؤس كله ...!!
كلمة تعني ..
إحتضار ..
وإنهيار ..
وإنكسار ..
وكل لحظاته .. مرار ....[/font]
[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .
[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )
[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .
[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }
[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك
[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك
[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.
قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]
دام .. المشاعر .. يا حبيبي , رقيقه ؟
و القلب خان أحبابه اليوم / .. صانك .
بردان ؟؟ شبّ إحساس " قلبي " حريقه
إدفـا عسى تكسب ( دفاك , و رهانك )
" سيفك " إذا خان الرفيق بـ رفيقه ,
يعنـي أشيلك , لو تعثَّر .. [ حصانك ] .. .
لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :
دام " القوافي " في بحورك ../ غريقه
( شاعرك ) يبدع و إنت إطلق عنانك
بـ أكتب قصيدي فيك وهذي الحقيقه
ياللي تِهِز [ أبيات شعري ] .. كيانك
تعال الشوق دمَّرني حبيبي والصبر ذايب ..
حطبت الحُب من قوّة غيابك و إنكِسَر لي فاس !
تعال وقول يا ماخذ جميع أشيائي وش جايب ؟!
ترى ملّيييت من حبر القلم و معاند القرطاس !!
عيونك نامت بـ عيني وظنِّي للأسف / خايب !!
أظن ترجع وما ترجع أظن وما يجيني نعاس !
أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس !!
مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !
أنا عقلي على درب الجروح فـ غيبتك سايب ..!
أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !
شِرَق هذا الفراق اللي كِسَرني حزَّة غروبك
بغيتك وإستحَت عيني من الغلطات صدقني !
كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!
كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !
حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني
غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..
أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني
إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !
غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !
ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!
واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !
لذلك قلت في نفسي أبي أبعد عن دروبك ..
شِرَق هذا الفراق اللي كِسَرني حزَّة غروبك
بغيتك وإستحَت عيني من الغلطات صدقني !
كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!
كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !
حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني
غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..
أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني
إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !
غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !
ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!
واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !
لذلك قلت في نفسي أبي أبعد عن دروبك
تأكد غيبتي هذي عشانك إنت ... صدّقني !
قلتي :
" أحبك " ..
من بعييد و ...... / ضعت !
شوفي عاد , لو من قريب ؟؟
ماتغيب
أحلام ( قلبي ) في وجودك
لك - أسلِّم نفسي
- أربطني بـ قيودك
.. جابك الله
مدري لي جابك : نصيب :
المُهم أسمع " أحبك " .
من لسانك . . .
غير [ صح الله لسانك ]
هو { مكانك .!
ليه يبكي ؟؟
إن مشيتي من مكانك ؟!
إحتملت . . . وقلت / ما أسمَع :
قلتي من ثاني , " أحبك ..!"
رحت ساعتها من الدنيـ يـ يـ يـا
إلى .. ساحل عيونك .
و
ما رجعت !
( الوطن ) , حضنك ,
وأنا من غير أحضانك – غريب
يعني من صجِّك ؟
سكوت ..!
ما أبي أكثر ألجِّك ,
قولي بسمعها : " أحبك "
وبعدَهَا يمكن ... أموت
قلتي : ساهي
قلتي : لاهي
وآنا ساكت ..!
عاجز / أستوعب كلامك
وماهو ( تقليل إحترامك ) !
بس - عيونك
من عيونك -
[ ما قدر أي شي ياخذني مِنْهَا ]
^ الملاهي , رمش عينك
والطفل ..
كان ^ إنتباهي !
ايه داخل في عيونك , ما طلعت
الله لا يبعدني عَنْهَا ..
جاع شوقي ,
لكن بشوفك , شبعت !
منجرح صبعي وإذا " ودِّك " يطيب ؟؟
بطلبك بس شي واحد ما ( طمعت )
قولي
" أحبك "
بصوت عـاااااالي
ما سمعت ..!
ما تغيَّر شي .. لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه
[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد خارج حدود [ المدينه ]
ليه مستغرب كلامي ؟؟ وليـه أعطيـك الأمـان ؟؟
وليه تَكْذِب في كلامك ! العـذر وينـك ووينـه ؟
ما ألومك .. كان " قلبك " ثارت أمواجه و / خان
الخطا منَّي , لأني صرت فـي بحرك ( سفينـه )
والسؤال اللَّي كتمته ..؟ وما نِطَـق فيه اللسان
{ كيف إيدك إطعنتني وآنا أحْسِبْهَـا أمينـه ..؟ }
جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .
يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينـه ]
عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه
طاب خاطر قلبي منِّك .. وهذي الفرقى رهان
حتَّى لو قلبي يحبك . / ربِّي .. بفراقك يعينـه !
تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه
كنت تخطي .. وكنت أسامح .. مرَّه : مرتين : وثمان !
أدمح الزلـه عشانك .. وأكتـم أنفاس .. الغبينـه
كنت أحبك, كنت أعزك والغلا فيني جبـان
خاف تزعل لو , ألومك , ضعت ما بينك وبينه
في عيون الناس " عادي " بس في عيني ؟ / جنان
وكان قلبي من يشوفك تفضحه . . نظـرة حنينـه . .
ماني أوَّل من يحب .. ومنتَ آخر شخص .. خـان !
المحبه في زمانك ؟ بحرها ^ من غيـر مينـه ^
الفشل .. كان النتيجه وأعتقـد آن الأوان ,
أبني - مستقبل حياتي . و - أنسى قصتنا الحزينه .
خطوتي الأولى ( غيابك ) راح أطبّقها عشـان :
" يبكي قلبك لا فقدني والندم .. يملـي سنينـه "
جاي تسأل عن مكانك !! هو { بقى فيني مكان ؟ }
الله يرحمها المشاعر .. اللي كانت لك رهينـه .
قلت لك قلبي [ مدينه ] فيها لك :: حشمـه وشـان ::
لكن إنتَ الحين – أغرب .. شخص ! في هذي المدينه
ماخطيت !
لما أهديتك وفاي ..
وبيدي سلَّمتك حناني
وإنت تطعنـّي بغيابك ،
ومايهمّك لو
( أعاني ) !
ومادريت ،
إنـّها غلطة وكانت ..
لمّا كل أحلامي هانت ،
وانّي كنت أرسم أماني
تنتظرك تفك بابك ..
منّها : إنّا بنعيش ..
ولازم ٍ يجمعنا بيت
وانّني أُم .. لـْـ عيالك ،
وإنت .. بتخبيني فيك !
ولا جنيت ..،
إلا وهم من كل عهد
كنت تزرع شوك فيني ..
بس ما يثمر أبد !
والصبر مني تعذّر ،
مَلْ من قلبي و ..
صد
!
وماتوقعتك تبيني ..
غير " محبوبة " ياعيني ،
أشهق بـكل المحبة ..
وأزفر آهاتي بـ يديك !
لاتجرّحني بوعودك !
دوم تخذلني وتنسى !
ورغم هذا بوقت حزنك
[ لك يكون القلب مرسى ] ،
ولا أصد .. ولا أبيع ..
و لا أكابر !
شوفني والله مااقسى !
حبّني ..
وإجرحني أكثر !
غيب ، وتمادى وأهجر ..
وآنا أوعد قلبك انّي :
دوم بتماسك وبصبر !
أحبك" آخر اخباري..
وآخر ماورد بالكف..
"أحبك" وابعد حدودي..
سلام وأقربه نظره..
"أحبك" بأول إحساس..
داعب مهجتي ماكف..
"أحبك" إيه أنا "أحبك"
بقلبٍ ماعرف يكره.!!
هذي فنه اشواقي..
أبعثرها قصيد وحرف..
أجيك ململم "جروحي"
وصوتي تخنقه "العبره"
أجيك بخاطرٍ مكسور..
وعين ماتغض الطرف..
أجيك "بلهفتي" وينك.؟!
فؤادي ماحمل صبره..
أبيك تسابق شمسي..
بعد من الصفر للألف.!!
بحط ايدي على خدّي..
واقول امتى يجي بكره.!!
بكحل ناظري بشعة..
جبينك يالغرام العف..
ويسعد لي صباح الّي..
تصبحبك على الفطره..
أنا ادري ماعرفتني.!!
تشابه في سماك الصنف..
صوابع ايدك بكفك..
واذا هي تختلف قدره..
أنا ادري في البشر عمله..
رخيصه في بنوك الصرف..
أنا اعرف في البشر معدن..
ثقيل يرجح الصخره..
سألتك باللذي زانك..
أنا ويني بذاك الصف.؟
أشوف المعجبين كثار..
واخاف تطول النطره..
رجيتك لاتجي بدافع..
مايسمى "العطف"
تراي مااملك إحساسي..
إذا قلبي بدا يشره..
"هذي آخر اخباري"
وآخر ماورد بالكف
وانت وشهي اخبارك.؟
عقب الّي سبق ذكره.!!
تعال ووقع بجرحك أناقلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني
زمن فيه الأنا تقتل مشاعر بين روح وروح
وعلى كثر الألم منها صار الفرح مجـفيني
شوف الواقع المؤلم يعشق شوفة المجروح
رسخ في داخلي كلي ووده حيل ينهيني
مخرج..
جمعت حروف هالدنيا ورحت اركض أناديها
بسمّعها كلام غير واصارحها أنا بحبّي
رميت كل همومي وغمضت وكل همّي
الاقيها وقلبي ممتلي فرحه
ولهفه..وشوق متعبني
وكان الجو بارد حيل
وكانت ترتجف ايديها
وهمست..انا موجود لكن مادرت هي بي..
ضحكت وكنت احسب أنا الّي بس يعنيها
وأنا الّي بس بتحبه..وأنا الّي يهمها قربي
لكن للأسف خابت حلوم كنت بانيها
على حبٍ توقعته بينوّر دربها ودربي
اثاري بقلبها غيري تداريه ويداريها
واثاري بقلبها ياناس حبٍ كان متخبي
قالت لي..تحبه موت وهو بالحيل يغليها
وقالت لي..أخاف الحب تكفى خلك بجنبي
سكت وسالت دموعي ومنديلي يخبيها..
بطيبه قالت..انت اش فيك.؟
قلت..البرد لاعب بي
ماابيها تعرف بحبي واني ميت فيها
خلاص الله يسعدها وأنا بيعينني ربي
راقت لي أتمنى تعجبكم’,. [/font]
التعديل الأخير تم بواسطة : همس الوداع بتاريخ 07-06-2008 الساعة 11:46 PM.
07-06-2008, 10:32 PM
’,. أنـــا قلبـــي كتاب جروح ’,.
[/font]
