زوجي الذي كان صديقي!! - الصفحة 2

**عــالـي مــ,,,ـتـIgهـ** · 11-06-2008, 04:34 PM

الجزء الرابع
(1)
وفي اليوم التالي اتصل والد عصام وطلب منه مقابلته في المطار ... وذهب عصام الى المطارلمقابلة والديه ..
في المطار ..
هلاااااا بالغالين أهلي يالله ان تحيهم .. هلا بأمي وأبوي ..
ابو عصام : هلا بك ياوليدي ..
ام عصام : هلا بنظر عيني .. وراك نحفت يمه انت ما تاكل زين ؟؟
عصام : لا يمه ولكن هم الدراسة يمكن مأثر علي .. يله خلونا نروح السيارة ..
في السيارة ..
ابو عصام : كيف حالك.. وكيف أمورك ؟؟
عصام : والله الحمد لله كل الامور طيبه .. ولكن الغربة متعبتنا شوي ..
أم عصام : كيفك يمه وحشتني والله ..
عصام : وأنا أكثر .. كيف الرياض والسعودية و خوالي و أعمامي كلهم ..
أبو عصام : والله كلهم بخير .. ويسلمون عليك .. وعلى فكرة عمك عبدالله جاله ولد ..
عصام : ما شا الله .. مبروك والله لازم أكلمه .. والله اني مقصر معهم وما أكلمهم كثير يمكن مرة أو مرتين من جيت هنا ..
أم عصام : يا وليدي بنت خالتك أمل بتتزوج الصيف الجاي ..
عصام : ما شا الله وش هالاخبار الحلوة اللي جايبينها معكم ..
أم عصام : من اللي قالك ان هذا خبر حلو حسبتك بتزعل لما أقولك .. حرام والله كنت أتمناها لك ..
عصام : كل واحد بياخذ نصيبه ..
أم عصام : وانت يمه منت بناوي تتزوج ؟؟ أبي أشوف عيالك قبل لا أموت ..
عصام : بعيد الشر عنك يمه بعد عمر طويل ان شا الله ..
أبو عصام : أمك صادزة ياوليدي .. لازم نفرح فيك ..
عصام : ان شا الله يبه يصير خير .... يله نزلنا هذي شقتي في هالعمارة ..
في تلك الاثناء عند وصول عصام وأهله كانت سحر تراقب من النافذة لترى أهل عصام ..
سحر : يا حليلهم شكلهم طيبين زي ولدهم ..
بدأت سحر تفكر بعد رؤية أم عصام من الاعلى في طريقة للوصول اليها ومن ثم الوصول الى قلبها .. لاجل ان تكسبها وتحببها الى قلبها وبدأت في التخطيط ..
في الشقة ..
عصام : تفضلوا حياكم ..
أبو عصام : ما شا الله شقتك حلوة .
عصام : مشكور يبه .. الحين انتوا ارتاحوا وأنا بروح أجيب لكم عشاء ..
أم عصام : لا يمه خلاص حنا تعشينا في الطيارة .. أنا بدخل أنام ..
عصام : على راحتكم ....
في الصباح ..
يخرج عصام ووالده الى المستشفى لعمل الفحوصات اللازمة وتبقى والدته نائمة في الشقة.. وفي تلك الاثناء كانت سحر تنظر من النافذة ..
سحر : وين أم عصام ؟؟ شكلها مبرايحة معهم .؟؟ والله فرصة اني أتعرف عليها ..
وبعد حوالي الساعة ..
جرس الباب يدق .. تنهض أم عصام لترى من الذي يطرق الباب ..
أم عصام : مييين ؟؟؟
سحر : افتحي يا خالة أنا جارتكم ..
أم عصام : منو هذي الحين ..
وتفتح أم عصام الباب .. فإذا بها ترى تلك الفتاة الجميلة .. التي تبتسم لها ..
سحر تقبل أم عصام على رأسها : كيف حالك يا خالتي الحمد لله على السلامة ..
أم عصام : الله يسلمك ..من انتي ؟
سحر : أنا جارتكم .. ساكنة جنبكم في هالشقة سمعتكم البارح لما جيتوا وحبيت اني اسلم عليكم ..
أم عصام : انتي سعودية ؟؟
سحر : ايه ..
أم عصام : تفضلي يا بنيتي لا توقفين على الباب ..
تدخل سحر وكلها أمل ان تلقى اعجاب أم عصام بها ..
أم عصام : كيف حالك يابنيتي ؟؟
سحر وهي تحاول أن تكون لبقه في كلامها مع أم عصام : الحمد لله ..
أم عصام : انتي هنا مع هلك ؟؟
سحر وكأنها صفعت على وجهها : اييه أكيد بكون مع هلي ..
أم عصام : تدرسين ولا جايين تتمشون ؟
سحر : لا والله جايه أدرس .. خالتي خليني أقوم أسويلك فطور ..
أم عصام : أي والله يا بنيتي والله جيعانه .. بس ما قلتي لي وش اسمك ؟
سحر : أنا اسمي سحر ..
أم عصام : عاشت الاسامي ..
وتذهب سحر الى المطبخ وتحضر الفطور لام عصام بجد واجتهاد وكل شوق ان تتذوق من يدها شيئا وتمتدحها ..
سحر : تفضلي ياخالتي ان شا الله يعجبك ..
أم عصام : بسم الله ..
وتبدأ أم عصام بالاكل وسحر تنظر اليها خوفا من ان لا يعجبها ..
أم عصام : ما شا الله شكلك طباخة ..
سحر في سعادة شكرا يا خاله بالهنا والشفا
أم عصام وقد بدأت بالاعجاب بسحر لما رأتها مهتمة بها وطيبة معها وتحب انت تخدمها : انتي مخطوبة يا بنتي ؟؟
سحر وبسرعة :لا يا خالة ..
أم عصام : والله يا بنيتي أنا ولدي عصام ودي أزوجه و أدورله على بنت الحلال وودي أفرح فيه .. وانتي اشوفك انسانه طيبه وحلوة ومناسبة لولدي ..
طاااارت سحر من الفرحة لانها لم تتوقع ردت فعل أم عصام بهذه السرعة ولكن لم توضح لأم عصام مدى سعادتها ..
أم عصام : ايش رايك في عصام يا بنيتي .. انتي شفتيه ؟
سحر : والله انسان طيب و محترم وما يذكرونه أخواني الا بالخير ..
أم عصام : طيب تقبلين فيه زوج لك ؟
سحر وقلبها يخفق بشدة : بفكر ..
وكان بودها ان تقول موافقة ولكن لابد أن تثقل قليلا حتى لا يفضح أمرها ..
أم عصام : فكري وردي خبر ..
سحر : ان شا الله ... طيب أنا استأذن ياخالة ..
أم عصام : مع السلامة يا بنتي ..
ذهبت سحر وهي فرحة جدا وسعيدة بهذا الحظ الذي جعل أم عصام تطلبها لابنها سريعا ولكن هذه الفرحة لن تستمر؟؟؟
في وقت الغداء بعد عودة عصام ووالدة من المستشفى ومعهم الغداء ..
عصام : كيفك يمه .. ان شا الله نمتي كويس ؟
أم عصام : ايه الحمد .. بس صحيت بدري جتني بنت الجيران وتسليت معها شوي ..
عصام : بنت الجيران ؟؟؟؟من ؟
أم عصام : هذي اللي اسمها سحر .. يا حليلها طيوبه وحلوة .. وكلامها عسل حتى انها سوت لي فطور وكان طبخها يجنن والله انها تستاهل كل خير .. ايش رايك نخطبها لك ؟
عصام في ذهول مما سمع : هاه .. كيف .. وشو ؟
أم عصام : ايه ياوليدي ما أظنك بتلقى زيها ما شا الله عليها زي القمر .. انت تعرف ابوها ؟
عصام : هاه .. ايه أعرفه ..
أبو عصام : اذا كانت البنت تستاهل والله أتمنى انك تتزوجها وانت هنا بعد .. خاصة بعد اللي شفته اليوم من هالبنات في هالديار ما ينفع تقعد عزوبي لازم تتزوج ..
عصام : والله ما أدري وش أقول بفكر في الموضوع ..
دخل عصام غرفته وهو يفكر .. والله انك ذكيه يا سحر قدرتي توصلين لقلب أمي بسرعة .. هاه !!! بس فيه مشكلة وشلون أقول لهم ان ما عندها ابو ..وانها عايشة هنا لحالها والله مشكلة .. خلني أكلم سحر ..
عصام : ألو ..
سحر : هلا عصام .. شخبار الوالد وش سويتوا ..
عصام : الوالد بخير.. سويتيها يا سحر ؟؟
سحر في هلع : وش اللي سويته ؟؟؟
عصام : جيتي للوالدة الصباح هاه ؟؟
سحر في حياء : ايه..
عصام : وش عندك ؟؟
سحر : لا بس حبيت أسلم عليها ..
عصام : تسلمين عليها هاه..
سحر وقد استحت وبدأت تضحك في نفسها : ايه اسلم عليها ..
عصام : ما علينا بصراحة انتي دخلتي قلب أمي بسرعة زي ما دخلتي قلبي ..
سحر في مكر : ومتى دخلت قلبك ؟؟
عصام : من زمان يا سحر وأنا معجب فيك وكل يوم عن يوم يزيد اعجابي فيك أكثر وأكثر ..
سحر : طيب ليش ما قلت لي ؟؟
عصام : ما جا الوقت المناسب عشان أقولك .. وكنت خايف تفهميني غلط ..
سحر : وانت بعد يا عصام .. تراك في قلبي من زمان من أول ما شفتك ..
عصام : يعني تحبيني ..
سحر : ......... ما أدري ..
عصام : ليش ما تبين تقولينها .. طيب أنا بقولها ..
سحر : وشو وش تبي تقول ؟؟
عصام : أنا أحبك ....
سحر وقد اعترتها العاطفة الجياشة والحب الذي جعل قلبها يدق بسرعة و كأنها تنتظر هذه الكلمة منذ زمن بعيد :
وأنا يا عصام أحبك موووت .. وربي..
عصام : طيب يا سحر تتزوجيني ؟؟
سحر في استحياء : ما أدري ؟
عصام : وش اللي ما تدرين ؟؟
سحر : المشكلة أهلك ..
عصام : وش فيهم ؟؟
سحر : ما بيرضون .. لأن ما عندي أهل ..
عصام : أنا سألتك انتي راضية فيني ولا لا ؟
سحر : ..........................
عصام : ليش ما تردين ؟؟؟
سحر : استحي ..
عصام : لا تستحين قولي اللي في قلبك ..
سحر : بصراحة .. انت امنيتي في هالحياة .. وأتمناك اليوم قبل بكرة لاني أحبك وأغليك وأتمنى قربك..
عصام : وأنا بعد يا قلبي ..
سحر : طيب وش بتقول لأهلك ..
عصام : اذا جا الصباح يصير خير .. يله تصبحين على خير ..
سحر : وانت من اهل الخير .. انتبه على نفسك ..
عصام : ان شا الله حبيبتي ..
في الصباح ..
عصام : صباح الخير ..
الاهل : صباح الخير
عصام : يمه ..يبه عندي موضوع مهم ودي أقوله ..
الاب : قول ياولدي وش عندك ..
عصام : بصراحة البنت اللي اللي شافتها أمي أبي أخطبها ..
الوالدين في فرح : الساعة المباركة والله ..
الام : والله خير ما بتختار يا وليدي ..
الاب : خلاص خير البر عاجله .. خلنا نخطبها من أبوها الليلة ..
عصام : شكلكم مستعجلين ..
الام : خلني أروح أسولف مع أمها اليوم وأشوف ايش رايهم ..
عصام : لااا ..لا يمه مو اليوم خليها وقت ثاني ..
الاب : لا يا ولدي خلها تروح وتشوف وش رايهم بعدين نخطبها من ابوها رسمي ..
وفي وسط اصرار الوالدين ..
عصام : طيب .. طيب بس فيه مشكله صغيرة ..
الاب : وش هي يا ولدي ..
انعقد لسان عصام لانه لم يعلم ماذا يقول أو كيف يتصرف في هذا الموقف ..
وفجأة يدق هاتف عصام الخليوي لينقذه من هذا الموقف ..
عصام : عن اذنكم أشوف من اللي يدق علي ..
ويخرج عصام من الشقة ويرد على جواله ليجده أحد زملائة يسأله عن موعد الكويز (الاختبار الاسبوعي ) القادم لاحد المواد .. وبعد أن أغلق السماعة عاد ليفكر ما ذا يفعل ؟؟ وماذا يقول لوالديه ؟؟ وما هي القصة التي يمكن أن يختلقها ؟؟ لو كذب عليهما سيأنبه ضميره ولن يعيش مرتاح الضمير ومن المعروف ان حبل الكذب قصير .. ولا يريد أن يكذب على والديه ؟؟؟؟؟؟؟؟؟
عصام : يااااااألله وش أسوي ألحين ؟؟؟...
يتبع ..
نهاية القصة في الجزء الثاني من الجزء الاخير .. ماذا سيفعل عصام ؟؟ ما ذا سيقول لوالديه ؟؟ هل سيتزوج سحر في النهاية أم لا ؟؟ وكيف
أتمنى من الجميع المشاركة وكتاية توقعات نهاية القصة

وبعدين مدري ليش قليل القراء معقوله بسبب الأمتحانات أم ان الأعضاء شافوا القصص موضه قديمه........
ع العموم تشكرات ع الي حضر وعتبي على من لايحضر

التوقيع :

**Q.A** · 12-06-2008, 01:36 AM

مشكووور اخوي على القصص الجميله تسلم

وماعندي توقعات اتمنى اقرأء الي بصير افضل من ماتوقع

مشكور وتسلم اناملك الذهبيه على القصه الرائعه

يسلمووو ويعطيك ربي الف الف عافيه

تقبلي مروري البسيط
اخوك/q.a

التوقيع :

**عــالـي مــ,,,ـتـIgهـ** · 12-06-2008, 10:47 AM

اقتباس:

المشاركة الأصلية كتبت بواسطة Q.A

مشكووور اخوي على القصص الجميله تسلم
وماعندي توقعات اتمنى اقرأء الي بصير افضل من ماتوقع
مشكور وتسلم اناملك الذهبيه على القصه الرائعه
يسلمووو ويعطيك ربي الف الف عافيه
تقبلي مروري البسيط
اخوك/q.a

عزيزي:q.a
والله لا كملها لو عشانك تستاهل
ولعيونك بكملها وبقدرك ب100عضو يالغالي
تفضل المقطع الأخير واشكرك على متابعة القصه
وتحملني بس حبيت أشوف مدى أهتمام الأعضاء

دمت بود
وأتمنى أن تعجبك القصه

...........
....
..
.

التعديل الأخير تم بواسطة : عــالـي مــ,,,ـتـIgهـ بتاريخ 12-06-2008 الساعة 12:17 PM.

**عــالـي مــ,,,ـتـIgهـ** · 12-06-2008, 10:53 AM

النهاية
تعب عصام من التفكير .. وعاد الى ابويه ..
الوالد : من اللي يكلمك يا عصام ؟؟
عصام : لا هذا واحد من الشباب يبي يعرف متى الاختبار ..
الوالد: طيب وشو له تقوم من عندنا ورا ما كلمته وانت جالسن فيذا؟؟؟
عصام وهو مرتبك : لا ولا شاي عادي ..
الوالد : عصام انا حاس ان فيه شي ولا تبي تقوله .. قول يا ولدي لا تخبي علينا ..
عصام : لا يا يبه ما فيه شي الله يعطيك العافية ما فيه شي ..
الوالدة : عصام انا متأكدة انك مخبي عنا شي خاصة لما كلمتك في موضوع البنت ... انت ما تبيها ؟؟ في بالك وحدة ثانية ؟؟ قول لا تستحي ..
عصام وهو يفكر ماذا يقول : بقولكم بعدين .. خلوني اشوف دروسي عندي اختبارات ..
الوالد : بكيفك يا ولدي ..
دخل عصام غرفته وهو في حالة يرثى لها .. وفكر قليلا ثم قال لنفسه : لو قلت لهم الحقيقة هل بيتقبلونها ولا لا ؟؟
يعني أقول لهم ان أهلها تاركينها طول هالسنوات وعايشة لوحدها ؟ ما فيه الا كذا خلني أقولهم ويصير خير ..
وفي المساء ..
هاتف عصام الخليوي يرن ..
عصام : اهاه هذي سحر خلني اشوف وش عندها..الو
سحر: هلا عصام كيفك ؟
عصام : تمام ..
سحر : وش فيك وش هالرد البارد ..
عصام : مافيه شي بس متعبني موضوعك .. وما لقيت حل وما فيه حل الا أقول لأهلي عن موضوعك كله وان شا الله خير
سحر : والله اني خايفة يا عصام شكل الدعوى بتخرب ...
عصام: لا .. ان شا الله ربك كريم خلني اروح لهم واشوف وبعدين أكلمك ..طيب؟
سحر : طيب حبيبي ..
ذهب عصام ووجد والديه جالسان يتناقشان ..
عصام : مسا الخير ..
والد عصام : هلا بولدي تعال اقعد ابيك ..
عصام وقد بدأ قلبه يدق : ايه يبه وش فيك ؟؟
والد عصام : يا ولدي حنا عطيناك فرصة من الصبح الين الحين ما حبينا نضغط عليك علشان تقولنا وش صاير وشفيك يا ولدي افتح لنا قلبك ..
عصام : طيب يبه انا بقولك كل شي بس اوعدوني ما تزعلون مني ؟؟
أم عصام : ان شا الله يا ولدي بس انت تكلم ..
بدأ عصام يسرد قصة سحر على ابويه من البداية الى النهاية .. ثم قال :
وأنا بصراحة الحين ودي اتزوجها .. وهذي هي السالفة كلها ..
نظر والد عصام الى والدة عصام وقال لها : وش رايك ياأم عصام في اللي قاله ولدك
أم عصام : والله ما ادري يا بو عصام ؟؟؟
ابو عصام : وانت يا عصام مصدقها الحين .. وش عرفك ان كلامها صح .. يمكن مسويه مصيبة في السعودية وهاربة .. بنات هالايام الله يكفي شرهم ..
عصام : انا واثق فيها ومتأكد من كلامها ..
ابو عصام : وش اللي يخليك متأكد انت تعرف اهلها ؟؟ ولا تعرف أي شي عنهم .. يا عصام يا ولدي حنا نبي نزوجك بنت تعرف لها أهل لها أقارب مو وحدة مقطوعة من شجرة ..
تألم عصام من كلام والده وقال : لا يبه هذي بنت ضعيفة وتستاهل كل خير وبصراحة انا ما ابي الا هي ..
ابو عصام : يا ولدي الله يهديك تبي تتزوجها وترجع السعودية يقعدون الناس يتكلمون فيك ويقولون جايب وحدة من بنات الشوارع لا أصل ولا فصل ..
عصام : لا يا بوي هذي مو بنت شوارع .. هذي وحدة قدر الله عليها انها تعيش هالحياة المتعبة وأنا كنت اكثر من أخ لها وساعدتها بكل طريقة ممكنة لأني حسيت انها انسانة محترمة وعاقلة وأنا بصراحة أفضلها على بنات الاصل والفصل اللي انت تقول عنهم ..
ابو عصام : لا يا ولدي لا تتبع قلبك بكرة تندم .. لا يغرك جمالها .. الجمال مو كل شي ..
عصام : مو بس حلوة يبه وعاقلة بعد وتسوى عشرين من البنات اللي انت تقول عنهم ....
ابو عصام وقد ازداد غضبه : انت تبي تفضحنا بين الناس .. انا مو موافق هذا كلام نهائي واذا تبي تعصيني تزوجها ..
عصام وقد أوشك على البكاء : لا يبه تكفى أحبها .. يمه قولي شي ..
ام عصام : والله يا وليدي كلام ابوك منطقي ... والشور الاول والاخير لبوك ..
دخل عصام الى غرفته في حزن شديد وبدأ البكاء فقط البكاء .. لم يكن له مؤنساً في ذلك الوقت الا البكاء والبكاء ثم البكاء ....
دق هاتف عصام واذا بها سحر ... فلم يرد ..
واستمرت سحر في المحاولة ولكنه لم يرد ...
سحر : وش السالفة ؟؟ الله يستر والله قلبي ناغزني شكل أهله رفضو؟ طيب ليش ما يرد على الاقل يقول أي شي .. انا ما ني مرتاحة لين اتأكد وش صاير ..
سحر تدق على هاتف عصام ولكن لا يوجد رد ...
سحر : والله ما ارتاح اليوم ماني قادرة لازم أشوف وش السالفة ..
عندي فكرة بروح ادق على الباب وأشوف أم عصام وأقولها انتي محتاجة شي ؟ وأشوف ردة فعلها .. يله خلني أروح ..
وتذهب سحر الى شقة عصام ... وتدق الباب ..
أبو عصام : من اللي يدق ؟؟
سحر في خوف : افتح انا جارتكم ...
يفتح أبو عصام الباب ..
أبو عصام : نعم ..
سحر : لو سمحت أبي أم عصام انا جارتكم ..
أبو عصام : إنتي سحر ؟؟؟
سحر : اايه ..
أبو عصام : روحي يا بنت الناس ترى ما فيه نصيب بينك وبين عصام .. الله يوفقك .. انا ابي ازوج ولدي بنت لها أهل مو بنت ما ندري وين أهلها ...
يغلق أبو عصام الباب في وجه سحر .. وسحر متجمدة في مكانها من هول ما سمعت وقد غرقت عيناها بالدموع .. فقد أحست أن كل شي جميل في حياتها انتهى .. وعادت الى شقتها ورمت بنفسها على السرير وبدأت تنوح وتبكي من حياتها التي ما فتأت تتحسن حتى عادت الى البؤس والشقاء .. تذكرت أمها وأخوها تذكرت حضن أمها الدافئ وقبلاتها وكيف كان ابوها قاسيا عليها .. وكان هناك شبه كبير بين والدها ووالد عصام مما جعلها تتذكر والدها أكثر من ذي قبل ..
وعادت الأحزان الى حياتها .. ولم تعد تطيق المكان الذي هي فيه وبدأت تفكر في ترك الدراسة والذهاب للبحث عن أمها ... وبدأت تتكلم مع نفسها
سحر : ياألله وش هالحياة التعيسة أنا مكتوب علي الشقا .. لا حول ولا قوة الا بالله .. .. وعدني عصام وما صار شي وانتهت امالي واحلامي .. أنا خلاص بروح أدور أمي .. على الأقل أشوفها.. بس وش لون القاها ؟..
وعصام هذا وين رجولته ليش مارد علي شكله مسويها فيني علشان يتخلص مني صح انا غثيته وكلفت عليه كثير .. أنا خلاص بروح العراق ..
في شقة عصام..
عصام مازال غارقا في دموعه ويكلم نفسه قائلا :
يا حرام والله ما تستاهل سحر هذا كله والله ظلم .. ظلم .. خلني أكلمها على الأقل أتطمن عليها ..
عصام : ألو
سحر وهي تبكي : نعم
عصام : وش فيكي تبكين ؟
سحر : وش اللي ما فيني ياعصام .. لو انك رديت علي ما سمعني ابوك هذاك الكلام اللي يسم البدن ..وش شايفيني بنت شوارع انت وياه ..
عصام : لا يا قلبي حاشاك .. والله انك بعيني احسن من كل هالبنات اللي يقول عنهم ابوي
سحر : وش الفايدة من كلامك ولاشي .. اسمعني انا بروح العراق ابي اشوف امي ..
عصام : وشو ؟؟؟ لا يا سحر لا تروحني ..
سحر :يله مع السلامة
تغلق سحر السماعة ..وتتذكر انه كان لدى والدتها كتاب صغير تكتب فيه كل شي مهم .. فذهبت تتصفحة ولأول مرة لعلها تجد شيئا يدلها على أمها .... وفجأة تجد رقم تلفون بالعراق ..
سحر : وش هالرقم ؟؟ أمي ما كتبته هنا الا وهو مهم ؟؟ بس ما عليه اسم ولا شي ؟؟ خلني أدق وأشوف ...
وتدق سحر على ذلك الهاتف ..
سحر : ألو السلام عليكم ..
يرد عليها رجل على الخط الاخر : وعليكم السلام من معي ؟
سحر : هذا منو بيته؟؟
الرجل : هذا منزل سالم الخالد ......
واذا به منزل احد اخوالها الذين لم ترهم قط ...
فرحت سحر بذلك وقالت :
هلا انت خالي سالم
الرجل: ايه انا سالم من انتي ..
سحر : أنا سحر بنت سعاد أختك ..
الخال سالم : مو معقول وشلون قالت امك انت توفيتي ؟؟؟
سحر : لا يا خالي انا حية وبخير ... الا وين أمي
الخال سالم : أمك ؟؟؟
سحر : ايه امي ابي اكلمها ..
الخال : توك تذكرينها ؟؟ أمك توفت يا سحر هي وأخوك سهيل الامريكان رمو عليهم قنبله وتوفو الله يرحمهم البقية في حياتك يا بنتي ..
أسقطت سحر الهاتف من يدها وبدأت تصرخ بأعلى صوتها... فسمعها جميع الجيران ..
سمع عصام صراخ سحر وهرع الى شقتها وخرج ابوه معه.. وبدأ يدق الباب فلم تفتح .. فكسر عصام الباب ودخل فوجدها مغما عليها ... بدأيرشها بالماء حتى صحت وقال
: سحر وش فيك ؟
سحر : أمي وأخوي ما توا يا عصام ما باقى لي احد في هالدنيا ..
عصام : لا حول ولا قوة الا بالله ..
أخذها عصام الى شقته وأوصى أمه أن ترعاها ..
في الصباح ..
أم عصام : اشلونك يا بنيتي ؟
سحر : الحمد لله على كل حال ..
أم عصام وقد حنت وأشفقت عليها كثيرا: الا اقول يابنيتي حنا ودنا نساعدك بأي طريقة ودنا نعرف ابوك وش اسمه لعل وعسى نلقى لك أقارب ولا شي بالرياض؟
سحر في يأس : اسمه سعد العامر ..
تذكرت أم عصام شيئا وشهقت ثم فتحت عينيها بشدة وقامت من مكانها ..
استغربت سحر من أم عصام وقالت : وش فيكي يا خاله ؟؟
أم عصام وهي خارجة من الغرفة متجهه الى ابو عصام: ولا شي ولاشي ..
أم عصام تنادي بصوت عال : يا بو عصام يا بو عصام يابوعصام !!!!!
ابو عصام في هلع : وش فيه وش فيه ؟؟؟؟؟
أم عصام : يا بو عصام تتذكر ان عمك عامر كان عنده ولد وراح العراق هذيك الايام وكان يقول يبي يجاهد ؟؟؟
ابو عصام : ايه اذكر .. وجانا خبر انه توفى .. وش جاب طاريه الحين ؟؟
أم عصام : الظاهر يا بو عصام ان هذي بنته ؟؟!!
فتح ابو عصام عينيه وعصام بجانبه ..
عصام : وش ذا الكلام يمه وش تقولين ؟؟
ام عصام : رح أسألها بنفسك ..
ابو عصام : ممكن تشابه اسماء ..
أم عصام : طيب اسألها عن اسم جدتها ام ابوها وشوف اذا قالت لك نورة فهي أكيد بنت ولد عمك سعد ..
ذهب الجميع مسرعين الى سحر .. وهي مستغربة!!
ابو عصام: وش اسم ابوتس يا بنيتي ؟؟
سحر في خوف : اسمه سعد عامر..
ابو عصام : طيب وش اسم جدتس ام ابوتس ؟؟
سحر : اسمها نورة ليش تسألون ؟؟
بدأت أم عصام تزغرط فرحا : وش هالصدفة الحلوة يا بنيتي ..
سحر : وش السالفة ؟؟؟؟؟..
أبو عصام : انت بنتنا ومنا وفينا يا سحر ..
سحر : وشلون ؟
ابو عصام : ابوكي سعد هو ولد عمي .. لكن من هذيك الايام لما راح العراق انقطعت اخباره وقالوا لنا انه مات وماندري عنه بشي ..
عصام وابتسامته تكاد تشق وجهه: يعني يبه ما عاد فيه عذر الحين ..
أبو عصام : أكيد يا ولدي ..
سحر وهي غير مستوعبه الوضع : يعني ابوي ولد عمك .. يعني انا من عائلتكم ..
أبو عصام : أي نعم يا بنيتي ..
فرحت سحر فرحا شديدا نساها جميع هموم الدنيا .. حيث أنها ظفرت بشيئين الاول حبيبها عصام والثانيه انها لقت أهلها وأصبح لها أقارب ..
بعد أسبوع تزوج عصام بسحر ...... وعاشا بسعادة وهناء ..
طبعا ما كملت سحر دراستها وعادت الى السعودية مع عصام الذي يعمل حاليا ......................(مخفي)
أتمنى تكون اعجبتكم القصة

وتذكروا أن القصه حقيقه وليست من نسج الخيال
وبالنسبه لعصام
تقريبا يعد صديق لي منذ الصغر
وهو بالأصل من أهل القصيم وولد فيها.....................
.................
............
.......
.....
...
..
.

**Łσve sţσяy** · 12-06-2008, 12:02 PM

بصراحه القصه جونان قرا الجزء الاول قبل يومين

ومالقى الاهو >>>>>>>>>

علشان كذا قرر يقرا كل شي اليوم عارف انه عالي مهب حاطها الا اليوم >>>>>>>>

تسلم اخوي عالي مستواه

ماننحرمش

التوقيع :

يسلمووو على التووقيع

**عــالـي مــ,,,ـتـIgهـ** · 12-06-2008, 12:19 PM

هلااااافيك لوووووف
أسفرت وأنورت والله
والحمد لله انه حازت على اعجابك
تشكرات ع المرور يابــــــــــــــــطل

..............
.........
....
..
.

**Q.A** · 13-06-2008, 02:13 AM

اقتباس:

عزيزي:q.a
والله لا كملها لو عشانك تستاهل
ولعيونك بكملها وبقدرك ب100عضو يالغالي
تفضل المقطع الأخير واشكرك على متابعة القصه
وتحملني بس حبيت أشوف مدى أهتمام الأعضاء

دمت بود
وأتمنى أن تعجبك القصه

...........
....
..
.

تسلم عيونك يالغالي بس يمكن ماحد قرأ القصه
لأن مثل مانت عارف الحين اختبارات يعني اغلب الناس مشغوله بالمذاكره

وتسلم على تكملت القصه الروووعه تسلم اناملك الذهبيه
بصراحه قصه عجيبه سبحان الله شنو هالصدفه

اقتباس:

وتذكروا أن القصه حقيقه وليست من نسج الخيال
وبالنسبه لعصام
تقريبا يعد صديق لي منذ الصغر
وهو بالأصل من أهل القصيم وولد فيها.....................
.................
............
.......
.....
...
..
.

يعني صاحب القصه تعرفه انت؟؟؟؟

ومره ثانيه اشكرك على القصه الرائعه تقبل مروري البسيط
اخوك/Q.A

التعديل الأخير تم بواسطة : Q.A بتاريخ 13-06-2008 الساعة 02:18 AM.

**عــالـي مــ,,,ـتـIgهـ** · 23-06-2008, 04:26 PM

بصراحه قصه عجيبه سبحان الله شنو هالصدفه
يعني صاحب القصه تعرفه انت؟؟؟؟
ومره ثانيه اشكرك على القصه الرائعه تقبل مروري البسيط
اخوك/Q.A[/quote]

اخوي q.a
صحيح القصه صدقيه وزي ماقلت قبل اعرفه من زمان
وهو حاليا يعمل حاليا بأحد مستشفيات الرياض المشهوره
................
.............
.........
.....
...
..
.

**’’ .. مجــرد آحســاسـ .. ’’** · 09-07-2008, 10:06 AM

واااااااااااو
روعه القصه
وغريبه

يسلمووووو

تقبل مروري

التوقيع :

عــيــشــ بــمـــزاجـــكــ(

............
..{ لستـ مجبرهـ
أن أفهم الآخرين من أنــــآ ,,
فمن يمتلكـ مؤهلاتـ العقــــل؛؛ والقــــــلب؛؛ والـــروح //
سأكونـ أمــــامهـ كالكتــــاب المفتـــــوح.... }..

**{noofy..!** · 09-07-2008, 01:31 PM

عــالـي مــ,,,ـتـIgهـ

تسلك يالغلا عالقوووصه الخياااال ..

بقووه جوناان .. تسلم صويبعاتك ..

دمت

التوقيع :

I never knew I could hurt like this
And everyday life goes on like
"I wish I could talk to you for awhile"
"I wish I could find a way try not to cry"
As time goes by