إضحكي ماتشبهين إلا المرايا = وإن طلبتي حلف والله ثم والله
إنك أجمل من عرفته فالبرايا = وإنك أغلا من مشى في الكون كله
وإنك اللي ضحكتك عطر وهدايا = من يضيع بدريها محدٍ يدله
صوتك لحاله مسوي بي سوايا = بحته تقطع قلوبٍ مسفهله
كل ماظنيتي إنك بالحنايا = إفرحي يابنت ظنك في محله
إيه أحبك والغلا كانه خطايا = الخطا هذا ترى مانيب أمله
وإن طلبتي شي كلي لك فدايا = خاطرك يسوى الطلب دقه وجله
خاطرك هذا ذبجني بالعطايا = كل ماقلتي عشانه قلت يله[/color]=======
الورد
اليوم جاني ورد واشعلت للورد .. عشرين شمعه واحتفلت بهديه
جابه حبيب طارد ضيقتي طرد .. جابه حبيب جيته بألف جيه
صافحت كفه وانتهت رحلت البرد .. عطره وصل قدام يمسك يديه
يوم انعست عينه مع سهومه الشرد .. كنه يوصي رمش عينه عليه
كنه يقول سنينك الماضية جرد .. كنه يقول اللي مضى لك خطيه
قلت ابرك الساعات من وين ما ترد ..أشرب ترى كل الموارد عديه
له قصة يشقى بها الحكي والسرد .. مهما حكيت يصير عندي بقيه
والورد والله من جاب لي ورد .. خل عنك الكلام وخل عنك الهديه
=======
على الروح
اللي على الروح يامر لاتردونه = خلوه يقضي حياته بس متهني
غلاه يكبر وتكبر فيني طعونه = ماودي أدري جروحه وين ودّني
واللي سألني يقول القلب وش لونه = أقول طيب ولا أحدٍ داري ٍ عنّي
إي والله بخير يوم ظنوني ظنونه = مادام سوده يراعنّي ويرعنّي
حلفت بعيونه الثنتين ماخونه = ماأحتاج غيره إلى من صار هو ظنّي
لامن شكالي سواد الليل وشجونه = ماكنه إلا يقول إرحم صغر سنّي
في صوته شوي بحه بس مجنونه = من رد فعلي عرف وش لون يفتنّي
أقول مخطي ولاناظرت بعيونه = رحت أعتذر له وأقول إن الخطى منّي
=======
الجوهرة
الجوهره لعيونها يرقى الشعر فوق السنام .. من فكر انه يشتهر يكتب الشعر لعيونها...
حتى يعرف ان الشعر ماهو مثل كل الكلام ... حتى يعرف ان الشعر بالضبط هو{مجنونها}..
"عيونها" بلحالها تحكيلك انواع الغرام .. "عيونها" قصة غرامي والشقا مضمونها...
من تلتفتله?? يعتبر نفسه على صدره وسام ... ومن تلتفتله?? بالغلا ماله مجال يخونها..
ومن تلمحه!!!! يسهر لياليه الشقيه ماينام .. ماتعرفه ولكن يموت بحبها وطعونها...
قولوا لها مااقدر اوصلها غير السلام ... اخاف اوصل رغبة في البال تقصر دونها.
=======
الصمت
لك كم سنة تسأل وأنا أقول بعدين ..لا عاد تسألني عن أسباب هالصمت
بيني وبين الصمت عشره من سنين .. وأخاف أخون الصمت لا من تكلمت
بعض الحكي يوجع ولو كان حرفين .. وش ينفعك لامن حكيت وتندمت
وأجد جروحي... بس والله غالين .. من كثر ما أغليهم إلى شفتهم قمت
جرحي ليا أقبل... قلت: يا جرحي أهلين .. معروفه أني من عذابه تعلمت
وإلا زماني لو ضحك عارفه زين .. ما هوب يبطي لو بوجهه تبسمت
لا عاد أجل تطرح عليه سؤالين .. وش فيك ما تضحك؟.. ووش فيك ما نمت؟
=======
يابارد القلب
يا بارد القلب ....يكفي منك ما جاني.. لا تلمس الجرح بالروحه والجيه
مرت جروحي ....وجرحك ما تعداني.. ياليت جرحك تعدى ما التفت فيه
ما قلت لك لاتقربني وتنساني .. لكن تجاهلتني وتقول عاديه
وش غير الحال؟!... مادري غير النيه.. ماكنك اللي نسى العالم على شاني
ما كنك اللي حلف وايديه بيديه.. وشفيك اجل صرت كنك واحد ثاني
ماكنك الي لقى الغدران والفيه .. باقولك شي دام ان العمر فانيحريه
باقول كلمة وعيش بكل حريه .. ياليت قلبي تغير مثل عنواني..
كان التفت يم ناسن تلتفت ليه.....
=======
سافر
سافر أمس ولا نشدني عن حنيني ... كن ما بيني ولا بينه ميانه
معه أمانة قلبي وضحكة سنيني ...علموه يرد لو بعض الامانة
علموه ان الغلا بينه وبيني ... ماتغيركل شي في مكانه
يمكن انسى كل شي صار فيني ... بس كيف انسى تغليه وحنانه
ليته يفكر ولو مره يجيني ... والله ان ياخذ زماني مع زمانه
هو عشانه بس خفاقي وعيني ... حتى انا كلي على بعضي عشانه
=======
شاعرية
تفهمين الشعر والا تجهلينه .. ماعرفته قبل تهدينه علية
انتي اللي بالمحاجر تكتبينه .. لاتعست سود تقول الشعر ليه
تامرين وتاخذين اللي تبينه .. يالعيون الناعسات النرجسية
شاعرك لامن تغنت بك سنينه .. شال بأعلى صوته أعذب سامرية
الغلا ياكثر مابينك وبينه .. من سواليف وكلام ومقدرية
تسكنين القلب ولاتجرحينه .. انتي اللي لك معاليقة هدية
اجرحي ماقلت عذر الجرح وينه .. والخطية منك ماتحسب خطية
تفهمين الشعر ولاتجهلينه .. قابلك ربي بليا شاعرية
=======
الصيف
يالشعر تكفى لاذكرت المواليف .. خلك رفيق ما تغلى عليا
واللي بها زين مع الناس ماشيف .. تستاهل اكتب للغلا سامرية
جتني تقول ارفع جميع التكاليف .. قلت الوعد لاصار للعود فية
في شرعها ممنوع فتح المظاريف .. اما تروق بذوق ولا خطية
حبيبتي ميعادها بأول الصيف .. مثل المطر جياتها موسمية
يالي تبون القلب يبقالكم ريف .. كودوا ثلاث فصول والصيف ليا
هاذي كلامن غير كل السواليف .. هذه هدية بس ياهي هدية
الله خلقها للشعر والتواصيف .. هي بس تامر والقصايد عليا
=======
الليالي
لا تعذرلي ولا تزيد الملامة .. انت مخطي والمصيبة كنت غالي
بالخطى صحيت جرحي من منامة .. وبالعذر ما عاد تقدر في وصالي
ماتفيد المخطي احياناً ندامة .. لو تعذر ثم شكالي ثم بكالي
طبعي اليا قلتله مع السلامة .. ما رجعت اقول يا عمري وحالي
بعت كل اللي ملكت الا الكرامة .. وشفت قدري في عيون الناس عالي
والرجل يكفيك فعله عن كلامة .. والعيون تشوف شيٍ ما يقالي
من بغى يفرض على الناس احترامه .. لايسولف كل ماحل المجالي
سمها دمعة وسميها ابتسامة .. وان نويت بجرح قلبي لا تبالي
والله اني مانحني عزمٍ وقامة .. اما انا ولا انت ياجرح الليالي
========
وسلامتكم
أرجو أن تنال على رضاكم

.. ونة خفوق ..


مجهـود تشكرين عليهـ ..


قصائد جميلهـ ورائعه لشاعر أروع ..


يعطيك العافيه ياغلاي ..


دمتي بروعتك ..


تحيــــــــــــاتي ..


ضوى ..

التوقيع :

(الَلهَم بَلْغَنَآ رَمَضاْن وَأَعِنَآ عَلَى صِيَامِهِ وَقْيَامِهِ عَلْى اَلْوَجْهَ آللَذِي يُرْضِيْكَ عَنَآ)

يعطيك الف الف عافيه

على مرورك منوووره