(( ويعـــــني ؟؟! ))



ويعني لو تفارقنا ؟؟ ..

ولو غابت ليالينا ؟؟ ..

تظني لو يموت الحب ..

قلبي يلفظ أنفاسه ؟!! ..

تظني لو هجرتيني ..

بيفقد قلبي إحساسه ؟!!..

أنا ماني مثل أول ..

أذلّ القلب ..

لأجل الحب ..

وأحني في الهوى رأسه ..

وقلبي - لو تعرفينه - ..

عرف طعم الهجر بالحيل ..

وياما ذاق من كاسه ..

ولاهمّه ..

تجي وتروح ..

ماهمّه ..

ألم وجروح ..

ماهمّه ..

يعيش الحب لأجل الحب ..

وهو مجروح ..

ماعمره شكى همّه ..

أنا قلبي ..

وفيّ بالحيل ..

وشوفي ..

رغم هجرانك ..

وغدرك بي ..

وحرمانك ..

وكلمة آلمتني منك ..

فجأة قالها لسانك ..

وأنا اللي بعت أغلى الناس ..

بعيوني ..

علاشانك ..

تناسى قلبي جروحك ..

وآلامك ..

وأحزانك ..

تناسى قلبي الوافي هواك ..

وودّع أوطانك ..

ويعني لو تفارقنا ؟؟ ..

ولو غابت ليالينا ؟؟..

وش اللي راح يتغيّر ؟

من إحساس إنقتل فينا ! ..

بنرحل عن أراضينا ..

بنحرقها رسايلنا ..

صورنا ..

وكل أمانينا ..

ونمحي صفحة الذكرى ..

وننسى كل ماضينا ..

ونكره حلمنا اللي عاش لحظة ..

وإندفن فينا ..

ونترحم على حبٍ غدرنا به ..

ويمكن ننثر الدمعات ..

ونقدم تعازينا ..

ويعني لو تفارقنا ؟؟..

ولو غابت ليالينا ؟؟..

بترتاحين من تعذيب قلبٍ ..

ما هوى غيرك ..

وأنا برتاح من حبك ..

ومن قسوة تعابيرك ..

وبنسى قصتي ويّاك ..

وأنسى شرّك وخيرك ..

وبكرة ..

لاتفارقنا ..

بننسى ذكريات الحب ..

وأيامه ..

ونطوي صفحة آلامه ..

بننسى عمرنا اللي ضاع بأوهامه ..

وننسى بعضنا ..

ونروح كلٍ يتبع أحلامه ..

*******

كلمـات / جليـس القمــر.,