دام النصيب اللي علق في جبيني
لزمني الطيب وانا فيـه لزمـت
فانا علـى ماكنـت ياخابرينـي
اجي لها راغب ولن عفتها شمت
ارجع ورا خطوه عن الكارهيني
وعشرين خطوه للمحبين قدمـت
من قلبي اللي فالهـواء مبتلينـي
اللي تحزم بي وانا بـه تحزمـت
والجادل اللي ما اظنـه نسينـي
في وعدها من حين ماوافقت قمت
واخـذت ورده قاطفتهـا يمينـي
لعلهـا تقبـل ملامـي اذا لمـت
ثم جيت موعدنا وهي تحترينـي
وقامت عن الكرسي تسلم وسلمت
قالت يا(....) خيـر قالـوا تبينـي
وهي تحاكيني وانا فالحكي همت
قالت يا(....) قول قلت : اعذرينـي
كل ماشوفك في كلامي تلعثمـت
لكن باقـول وطالبـك تفهمينـي
وتكفين مابغى احس اني تندمـت
قالت وش المطلوب قلت اسمعيني
انا من اللوعـات يامـا تألمـت
صبرت لين الصبر بيـح كنينـي
وانتي ظلمتيني وانـا ماتظلمـت
وانا ومن جور الزمان وسنينـي
منـي اعلمهـا ومنهـا تعلمـت
انتي تبين الصمت بينـك وبينـي
طيب احبك كيف تنقال في صمت.!!!
قول لي احبك كـذا صارحينـي
او لمحي والعيب لـو ماتفهمـت
قالت المـح...! قلـت هاخلصينـي
وتنهدت وتبسمـت ثـم تبسمـت
قالت بلاش اقول طالـع فعينـي
وطالعت في عينه وسلهم وسلهمت
وحسيت شي يجرني مع يدينـي
وبغيت اطيح وفي يدينه تلزمـت
وكنه يقول العشق فيكـم وفينـي
مع انه الساكت وانـا ماتكلمـت
وعرفت مما صار بينـه وبينـي
ان الشعور احيان ينقال في صمت



منقووله