حامد زيد.. }

عآبرةً · #1 08-05-2008, 01:39 مساءً

/:
ح ـــامد زيد سعدون فارس العازمي
(حامد زيد)
مواليد 4/فبراير/1977 للميلاد
الحاله الاجتماعيه : متزوج ولديه ثلاث بنات ( اسماء-ساره-ريم )
حاصل على شهاده دبلوم تجاري من كلية الدراسات التجاريه
عضو ديوانية شعراء النبط الكويتيه بدرجة شاعر ممتاز
موظف في وزارة الشؤون الاجتماعيه والعمل
::
::
::
وله (6) إصدارات وهم :
ديوان مقروء ويحمل اسم أربع خناجر
والبوم مسموع يحمل أسم شعر حامد زيد
وآخر يحمل أسم السفينه
والاصدار الرابع للشاعر حامد زيد والشاعر خالد المريخي واسمه امسية هلا فبراير 2004
والاصدار الخامس للشاعر حامد زيد والشاعر سعد علوش واسمه امسية أبو ظبي
والاصدار الأخير للشاعر حامد زيد وهو ديوان مطبوع بأسم يقولون مالا يفعلون
/

همسه :
بكمل موضوعي بعدها استمتعوا

**عآبرةً** · 08-05-2008, 01:48 مساءً

الشعراء

مابقى الا سـود الايـام تحرمـك الرقـاد
....................كيف الاوهـام اتجـرأ اتسريـك مغبـون
من متى تجزع من الدمع وتخاف البعـاد؟
....................من متى تقفي بك ظنون وتجيبك ظنـون؟
صرت تاخذ كذبتي صدق، ومزاحي وكـاد
...................لو بقول اني بخونك تحسب انـي بخـون
ماتعرف ان كل شاعـر يهيـم بكـل واد؟
....................وانهـم دايـم يقولـون مـالا يفعلـون؟
ابك انا لاقلـت ابنسـاك وانكـرت الـوداد
...................والله انـي مانسيتـك وولاهـم يحزنـون
من جزع من صفعة الشمس يطمع بالبراد
....................ومن فقد وجهاته الخمس يلقى بك ركـون
اعتبرها هفـوة انسـان او كبـوة جـواد
....................لو بتسمح فانت غالي ولو تجـرح تمـون
عـد صداتـك مـروة وطعناتـك ضمـاد
....................خلهن لاراحـن طعـون ولا ردن طعـون
خنجرك يستاهل الطعـن ومتونـي شـداد
....................ومنك يازين الخناجر ويا بخـت المتـون
ردلي حنيـة المـزح باحسـاس الجمـاد
....................خلنا واحد يجي صلـب والثانـي حنـون
موت فيني واندفـن فيـك بثيـاب الحـداد
....................وان حييت أموت لرضاك واحيا بك بهـون
مره ارقد بالكفـن وانـت ترقـد بالمهـاد
....................ومرة ارقد بالمهد وانـت ترقـد بالكفـون
ادري ان شجونك شجون واعنـادك عنـاد
....................والبلا ان عنادك عناد وشجونـك شجـون
ربك اللي سخرك لـي تقـود ومـا تقـاد
....................والله الخالـق ولله فـي خلقـه شـؤون
ازرع ضلوعي من رضاك وابشر بالحصاد
....................لعنبو من جيت ترضيـه وتـرد امحـزون
بس تسوالك بلد ؟ قـول تسوالـك بـلاد
....................انت كل العالـم بكـون ولحالـك بكـون
مابعـد محبتـك حـب ومـرادك مــراد
....................غير كونك سيد حشاي تدري من تكـون ؟
نعمتين اختصوا الخلق من جـود الجـواد
....................كافل الأرزاق من حيـث مـالا تعلمـون
البنـون ونعمـة المـال بعيـون العبـاد
....................زينة الدنيا بلا شـك فـي كـل العيـون
مثل زينة دنيتـي بـس عنـدي شـي زاد
....................من عرفتك صاروا المال وانـت والبنـون
انتشي بك نشـوة التيـه لعنـاق الرشـاد
....................وافزع الك فزعة القرم لشهـاب الزبـون
واحصنك تحصين الأرزاق عن درب الفساد
....................واعشقك عشق المظاليم لفراق السجـون
لو تزيد الشـوق جمـرة تحولنـي رمـاد
....................لو يزيد العشق شعـرة بوصـل للجنـون
خـل هقواتـك كبيـرة ونظراتـك بعـاد
....................كانك انت بكبرك تهون من اللي ما يهون ؟
ازعلك وارهن حياتي تحت رحمـة زنـاد
....................تهبى لا والله الا انـت والمـوت تهبـون
عاد اذا ما ارضاك هرجي ولا اللي قلت فاد
....................انـنـا لله وانــا الـيـه راجـعــون
وانت باكر بتعـرف علـى نـاس جـداد
....................والكلام يجيك من كل شكـل وكـل لـون
لاتحسب ان كل كلمـة بتسمعهـا وكـاد
....................ولا تصدق هرج شاعر وتخدعك الظنـون
دايم اعرف كـل شاعـر يهيـم بكـل واد
....................وان هم دايـم يقولـون مـا لا يفعلـون
حتى انا اللي قلت اعشقك وما اطيق البعاد
....................يمكن اطلع ماعشقتك .. ولا هم يحزنـون

**عآبرةً** · 08-05-2008, 01:56 مساءً

التمثال

عفا الله عن خطا غدر الخناجر والضلـوع ابطـال
....................بسامح واتركـك تحـت الظـلام الحالـك لحالـك
دخيلك وفر دموعـك تـرى هـدر الدمـوع اذلال
....................وترى ما فيه احد يصبر مثـل صبـري بغربالـك
انا عيب علـي أنقـض كلامـي والرجـال افعـال
....................واذا قلت اقطـع احبالـك ترانـي بقطـع حبالـك
عشان اكسب هدب عينك تجرعت العـذاب اشكـال
....................وليتـك تـرأف بحالـي علشـان ارأف بحـالـك
مسوي في حياتـي شـي مـا يذكـر ولا ينقـال
....................حشا حتى العدو وهو العـدو مـا يعمـل اعمالـك
تمسيني علـى الهـم وتصبحنـي علـى الغربـال
....................تقلطنـي فناجيلـك وتقـصـر عـنـي دلالــك
تحملت التعـب لجلـك وانـا حملـي يهـد جبـال
....................رحلت من العذاب ومـا وقفـت الا علـى جالـك
علامك كل ما جيـك متواضـع جيتنـي تختـال؟
....................معاك اليا متي بصبـر وصبـري معـك يحلالـك؟
مثل ما اقبلت لعيونـك لـزوم تلـد لـي باقبـال
....................ومثل ما قد حشمتك حس واحشم قلبي اشوى لـك
أنـا محـدن بجابرنـي أسايـر معـك هالمنـوال
....................ترى لانـي تبيـع لـك ولا نـي باصغـر عيالـك
أنا جيت اعشقك نبض ومشاعر ما اعشقك (تمثال)
....................أنا جيت اسكنك واحياك وابقى فيـك وابقـى لـك
أنا جيت بظما عاشق تعـب يطـرد سـراب الـلال
....................أنا جيت استفز رضاك مـن فرقـاك والجـا لـك
أنا ما همت بك عاقل أنـا كنـت اعشقـك بخبـال
....................أنا ما كنت احبك حي أنـا كنـت اعشقـك هالـك
تخيل من كثر ما اخـاف تلقـى للزعـل مدخـال
....................أخاف اخطي على طيفـك وادوس برجلـي ظلالـك
تبعتـك والعـرب تتبـع رعـود البـارق الهمـال
....................وانا شفت المطـر يتبعـك فـي حلـك وترحالـك
كأن اللي خلق حسنك خلقني مـع جسـدك ظـلال
....................وصرت اقرب جسد يمشي معك باقفـاك واقبالـك
أبـي قلبـك يحـس انـه فقـد بمحبتـه رجـال
....................ملكته من هدب عين وخسـرت رضـاه باهمالـك
صحيح ان الفراق اقسى ولكـن الوصـال محـال
....................أنا صعبن علي أرضي غـرورك واضعـف قبالـك
بعـد مـا حققـت عينـي فبعـدك للرقـاد امـال
....................أعود للسهر؟ -- يا خـوي فـال الله ولا فالـك!
ببدل نظرتك فيني واجـي لـك كـل يـوم بحـال
....................بكون اقـرب مـن ثيابـك عليـك ولا تهيـا لـك
بالمك وانثرك واجمعك وارجـع وانثـرك باهمـال
....................بخونك وازعلك وارضيك وازعل منك وارضى لـك
أبرسم بالثرى وجهـك وابدفـن صورتـك برمـال
....................أبشكي للعـرب فرقـاك واضحـك عنـد عذالـك
أبهديك الوصال فـراق واهديـك الفـراق وصـال
....................بسوي مثل مـا شوفـك تسـوي وافعـل افعالـك
عشان تعرف من فينا الزعول ومن وسيـع البـال
....................أبيـك تـذوق فنجالـي وانـا بـذوق فنجـالـك
نصيحة واحتفظ فيها قصر معـك الزمـن أو طـال
....................أبي تسمع كلامـي زيـن وتحطـه علـى بالـك
اذا حبك هبال اطفـال لـك عنـدي هبـال اطفـال
....................ولا --- وابشر بعد بهبال حب مـا هـو بهبالـك
واذا قصدك تهين اسمي عشـان تشمـت العـذال
....................ترى لا انته ولا غيرك --- ولا عشرة من اشكالك

**عآبرةً** · 08-05-2008, 02:04 مساءً

:/
الاسطوره

مـا تقبلـت الفـراق وماليـدي فيـه حيـلـه
آه لـو ان الظـروف المقبلـة تكشـف قدرهـا
لو يعرف الشخص منا وش مع الغيب اب يجي له
كان جنبنا المشاكل مـن قبـل يوقـع ضررهـا
ماهقيت الليلـه اللـي جابـت الفرقـا طويلـه
لين صارت ليلة امس بعيني اطول من شهرهـا
والعذاب اللي يـذوب بعيـن مـن يفقـد خليلـه
عندي اكبر من عذاب العين لـو تفقـد نظرهـا
والحبيب اللـي صـدوده مثـل مداتـه جزيلـه
صد عني واعرفه لا صد عـن حاجـه هجرهـا
كأن روحي يوم حست في جفـاه وصعـب نيلـه
بشرتنـي بالضيـاع وشـدت العـزم لسفرهـا
مارحمهـا مـن هـلاك ومـا تقبلهـا دخيلـه
تحتضر قدام عينـه ليـن ماتـت مـن قهرهـا
عاد ليت اللي ذبحها وأرهـب المـوت بوسيلـه
مادفـن وجـه الضحيـة والسكاكيـن بنحرهـا
ليت قلبـه يـوم طـاوع فعلتـه كمـل جميلـه
لو غسلها من عروقه وبكفـن صـدره قبرهـا
من حفر بضلـوع قلبـه حفـرة تكفـي قتيلـة
ليه مايدفـن قتيلـه بالضلـوع اللـي حفرهـا
اشتكيتـه للـرفـوف وللبـراويـز الهزيـلـه
وانذعرت من النياح اللي سمعته فـي صورهـا
رحت اسولف للجبال الصم عـن قصـة رحيلـه
ماتركت متونهـا الا ينحـت الدمـع بصخرهـا
واحدا حقق جماله بكـذب اساطيـر الـف ليلـه
يسكن السبع البحور ويحبـس الحـور بدررهـا
الـدروب بكبرياهـا ترتجـف تحـتـه ذليـلـه
والـورود اللـي تقبـل خطوتـه تنبـت بثرهـا
والغصـون اللـي لا بغاهـا تنثنيلـه تنثنيـلـه
والفياض ان حب ينثر عطرها يلمـس زهرهـا
لو يصـوت للغديـر المنجـرف جفـف سبيلـه
وان تبسـم للجبـال الصامتـه نطـق حجرهـا
كـل حاجـه تستويلـه لـو بغاهـا تستويلـه
بالنظر واستغفر الله لـو بقـول انـه سحرهـا
ذاك لـو بـس يتمنـي فاكهـة شجـره ظليلـه
بس يفتح راحـة ايـده ويتساقـط لـه ثمرهـا
كان ربي سخـر لهـا المعجـزات المستحيلـه
واصبح اسطوره وكـل الالسنـه تنقـل خبرهـا
هان محجر دمع عيني ليـن جفـف سلسبيلـه
والتفت للاخير دمعه قبلـت يـده ونثـر دمعهـا
دمعاً كن بشقاهـا يـوم طاحـت فـي شليلـه
جادل مجـات بدويـا تطلـب الستـر وسترهـا
له علي انه لا من طـاح مـن عينـي تشيلـه
ولـي عليـه انـه يرجـع لبتساماتـي ثغرهـا
لو طعونـي بالسكاكيـن بيـده تشفـي غليلـه
لا اشتريها من عذابـي وادفـع بدمـي مهرهـا
واطلبه ينهال فينـي طعـن ليـن يطيـح هيلـه
بس لا يترك عيونـي تنحـرم نعمـت بصرهـا
له بعيني مثل مـال للطهـر بالنفـس الاصيلـه
تقطع ايدين الردى لو مس شعره مـن شعرهـا
ما بغيتـه غيـر درب وشتـت اقـدام الدليلـه
مزنتا مـا بللتنـي واستحيـت اطلـب مطرهـا
والعطايا مـن ايديـن الخلـق للطالـب قليلـه
والوهايب مـن ايـد الله لعبـاده جـل وارهـا
وان نسيت اني زرعت العشق وحظوظي بخيلـه
مانسيـت ان العطايـا تستحـق اللـي شكرهـا
صعب تلقى شخص وافي يجزي الطيـب بمثيلـه
والعرب قد قالـو ان النـاس ماخلـت قشرهـا

**عآبرةً** · 08-05-2008, 02:13 مساءً

وش اللــي يجبر العـــاشــق

أناوالليـل والعبـرة وجـرح وخاطـر ٍمكسـور
ونفس من هجيـر البعـد والحرمـان مقهـورة
وقلب ظامي لشوفـك ولايـروى ظمـاه بحـور
وعين تحتري لحظة غيـاب الطيـف وحظـوره
ونـار تنطفـي مـره ومـره تشتعـل وتثـور
واقول النار مقدورة وهي مـا هيـب مقـدورة
حسبـت الليـل بغيابـك يمـرن الليـال دهـو
وكني شايـل بقلبـي ليـال الوقـت وشهـوره
تصبرت وتقدرت وبنيـت مـن الخيـال قصـور
إليـن ان الجفـا شـد الركايـب وانتهـى دوره
تحريتك على درب القصيد مـن ثـلاث شهـور
وحشا ما مات لك غصن يشف الماي بجـذوره
تخيرت الغـرام وجيـت لا راضـي ولا مجبـور
وجيتي تسبقيـن خطـاك مرضيـه ومجبـوره
وانا ما كان لي رغبه أبين واكشـف المستـور
ولكن الجمـال أكبـر مـن الخفـاق وشعـوره
جمـال وود وعيـون ودلال وكبريـاء شعـور
وفتنة تخـذل عيـون النهـار وينطفـي نـوره
ولك في خافقي صوره تلاشت بين ضـي ونـور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربـي المهجـور
والا يا جملـة أيـام الجفـا والصـد مشكـورة
خذتني للجفـا عـزه واخذنـي للعنـاد غـرور
واخاف اكون بعنـادى حبيـب ومـات بغـروره
وإذا كانـت مسافـات الخيانـة للغـرام قبـور
وش اللي يجبر العاشق يخون ويحفـر قبـوره؟
وش اللي يجبر الشاعر يدور للشعـر جمهـور؟
مـدام انتـي محبينـه وعشاقـه وجمـهـوره

**عآبرةً** · 08-05-2008, 02:14 مساءً

:/
لنا في الغدِ بقيه ..
المكان لكم
::

**• Ћ£ Bοŝş •** · 08-05-2008, 04:46 مساءً

,

عابره

معلومات وقصائد حلوة ,

تسلم دياتك

,

~

C ya

التوقيع :

مشكــورة شـجــونـ :
.

**شذا الورد** · 09-05-2008, 01:49 صباحا

الله الله يا عبووورهـ

ابدعتي يالغلا بالنقل
واحسنتي الاختيار

<< من عشاق قصائد حامد زيد

ننتظرك يالغلا ..

سلمتي على التغطيه حبيبتي

شذا الورد

التوقيع :

يسلموو فتوونتي على التوقيع الذووق يا ذووق

**AnGeL EyEs** · 09-05-2008, 07:40 صباحا

معلومات واشعاررائعه
كما عودنا حامد زيد

عابره
بجد أنتقاء ينم عن ذوق رفيع
سلمت يمنيك
بإنتظار البقيه

التوقيع :

**عآبرةً** · 11-05-2008, 02:27 مساءً

أقرب الناس

بمشي على درب له النـاس يسعـون
وأصد عـن درب الدجـى والعتامـة
وبقصر اليسرى عن الضيم والهـون
واطلـق يمينـي للصخـا والكرامـة
وبحترم نفسي وانا شخـص ممنـون
ومن يحترم نفسه وجـوب احترامـه
ماني من اللي في ذرى الحيط يمشون
ولا من اللـي معتلـي فـي مقامـه
متواضع وامشي على الحق بالهـون
متوسط اهـل المعرفـة والشهامـة
ولي مجلس دايم لـه النـاس يلفـون
شرعـت بابـه والـدلال العـلامـة
ما يفتـح الا فيـه الاجـواد يدنـون
ويالله عسى اللـي يقربـه للسلامـة
هذا طريقي واكثـر النـاس يـدرون
صديـت عـن درب حلالـه حرامـه
ميزت ربعي بيـن عاقـل ومجنـون
واكشف بليد المنفعـه مـن سلامـه
واهل المصالح لو على يـوم يبنـون
في يـوم ثانـي يرغبـون الهدامـة
واهل الحكي لولك عن الناس يحكـون
بيجيك يـوم ويقصـدك فـي كلامـه
لا صار سيفه لاقرب الناس مسنـون
يضرب رفيقه وان قوى في عظامـه
ناس مع الكلمـة يروحـون ويجـون
بـس المصيبـه يدعـون الفهـامـة
ولا نيـب ديـان ولانيـب مـديـون
ولا بغيـت مـن الهـروج الملامـة
ولا طلبـت مـن المخاليـق يبكـون
ولا بغيـت ون الحزيـن ابتسـامـة
بمشي بدربي واترك النـاس يمشـون
كلٍ علـى كيفـه رقـى كـل هامـه
ولا صرت انا من راعي الطيب مطعون
ابيستـوي قـرب الرفيـق وعدامـه
وان خاب ظني بقرب الناس وشلـون
بعطيـك ظنـي يـا رفيـق الندامـه