,
,
,
شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس..
بس تدرون ان الكتب تترجم لاكثر من 22 لغه؟؟
تدرون انهم برا يدرسون الكتاب فيه دوله من الدول
يدرسونه؟؟ تخيلو؟؟
رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..
يا حلّو الثقافه اللي يتثقفونها بس!
يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..
هم يدرسون (بنات الرياض) لتمثيل المجتمع السعودي!
انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..
وكل اللي سوو عليه ضجه.. هذولي يبون يعترضون لمجرد الاعتراض..
ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!
ليه تنكرون كل اللي بالقصه وانه موب موجود!
الا موجود ونص والدليل هاللي نشوفه بالنت والسوق والجامعه وكل مكان!
رجاء الصانع تبي تصلحكم وتفتح عيونكم على اخطائكم..
لكن موب الغلط في اللي كتبته رجاء.. لكن الغلط في مخ كل من يقرا الروايه!!
شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!
بس عادي يدشرون ويخربون وكل شي.. بس ما ينتشر عنهم شي!
ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!
غلط ! كل دوله بالعالم فيها الصالح والطالح..
البيت الواحد فيه الصالح والطالح..
ما تحبون احد يحكي فيكم ابد.. بالرغم من كل الاغلاط بحياتكم..
قبل فتره سمعت انهم رحلو هشوم الرياض.. الى ديرته الحقيقه
(سوريا)
وانه لا يمت للشعب السعودي بصله!
كأن ما عندنا سعوديين من هالجنس!!
ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟
بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!
شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..
تدرون لو بيبيعون هالسمك.. كم يبيجب لهم؟ تقريبا 4 الاف..
بس هم كانت نواياهم اهم من الفلوس..
اخذو هالسمك وودوه لمنطقه فيها ناس فقرا.. وتصدقو..
برضو حمله تبرعات الراجحي..
ترا اكثر من تبرع فيها شباب..
((المواقف مذكوره عشان ابين انو فيه ناس كويسه,,يعني ابين الجانب الايجابيه))
يعني فيه ناس تشتغل.. فيه ناس عندها اهداف..
موب بس بالنت.. حتى برا النت,,
سواء بنات او شباب..
نبغى جيلنا السعودي الجديد ينتشر عنه كل شي حلو..
انا ما اقول انكم ما تنبسطون.. ما تسوون هبال.. بس برضو بحدود..
موب عشانكم ورا الشاشات يعني عادي؟؟
(هياط ورا الشاشه = مرض)
الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..
اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!
وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..
حرام.. يعني ما تخافون من ربي؟؟
اولن نشرت شي حرام. ثاني شي ما سترت على بنت او ولد الناس..
ما تخاف ربي يفضحك بشي بعد سنه او 2 او 100!!
قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)
اتمنى ان موضوعي هذا ينتشر بنفس الطريقه اللي انتشرت فيها هالصور..
يهمني الموضوع ينتشر في المنتديات السعوديه.. اكثر من المنتديات العربيه..
لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..
ابغى اذا احد قال((احلى تحيه لشعب السعوديه)) وعادها 6 او 10 مرات..
اعرف ليه قالها.. واقول معه حق..
.
.
.
.
تناقض المجتمع وتناقض الافكار ينتقل بصوره عجيبه!
,
,
,
{ .. }

كل مجتمع في الصالح وفيه الطالح..


صعب إننا نصنع مجتمع مثالي ومتكامل...

بعض العقليات الفارغه ..تملأها القنوات ..من تلفزيونات ومنتديات و..و...و..إلخ.

تلك الفتاه التي وضعت صوره مخزيه لها في موقع او بورفايل معين..لتحب ان تشهّر بنفسها ولاتريد ذلك..

لكن هذا من باب الجذب ..ففعلاً هي ستجذب كم { حمار } بعد تلك الصور..!!

....وبالنسبة لكتاب { بنات الرياض } فالغرب ينتظر مننا تلك الزلات لينشرها ويشوه الصوره..

فكم من الكتب كانت ترسم الصور الحسنه عن بلاد الحرمين ولم تدّرس بالخارج ..ولم تترجم لاي لغه..


ولم تقرأ حتى النسخه العربية...

/

\

{noofy..! .. أبدعتي بإختيارك ونقلك..جزيتِ خيراً..

:

:

:

ونلتقي على دروب الخير أحبة

التوقيع :

من جد زماان اول تحوول

لكن ان شاء الله ما يتطورون اكثر اذا

كان التطور بالنيبه لهم بهذا الشكل

الله يهديهم ويانا

مشكووووره اختي يعطيك الف الف عافيه على هذا النقل المميز

التوقيع :

موضوع مهم

احب ان اعلق على بعض النقاط .. ما ذكر هنا صحيح .. وعلينا ان لا نعلق أخطاءنا على عبارة " في كل مجتمع صالح وطالح " .. سؤال بسيط .. لم لا نكون كلنا صالحين ..؟؟؟؟

هل هو امر مستحيل ..؟؟ لو ان كل شخص ضبط نفسه وعرف حدوده .. لكنا في احسن ما يرام .. اما بالنسبة لموضوع كتاب رجاء الصنيع .. فهي اكبر حمقاء سمعت عنها في حياتي .. لسبب بسيط .. لاول مره أرى كتاب يطرح مشاكل .. ويفصلها .. ويشرحها .. ويتركها بدون حلول حقيقة مفيده .. أوَكأننا لا نعلم ما يدون في مجتمعنا ..؟؟ اما من ناحية تدريسه .. لو كنت غربي .. لما توانيت لحظة في ادراجه في المنهج .. ليس للاستفاده منه أدبيًا .. فالجميع يعلم انه ارك من ان يكون مرجع .. لكن لطالما ارد الغرب ان يشوه صورة الاسلام في اعيون الناشئة .. وهذا الطريق الامثل .. أصدار عربي سعودي مسلم .. يعرض فضائح .. من الطبيعي انهم سيبنون صورة سيئة .. وهذا هو المطلوب .. احتصروا على انفسهم سنين من تشويه السمعة ..!!

التوقيع :

[ أثور ]
:
وكل ما اثور اتذكر من انا
:
[ اهدى ]