/



هـالليلة أحسّها فراق ٍ حــزينْ ..

للحين أزيّـنها

بس والله عيّتْ تزين !




\

/..


اليوم تسألني ..

قالت : وش كثر أعني بوجودكْ ..؟

قلتْ كثر ماأخلفتي بـ / وعودك ..

وزعلتْ .. وحاولتْ أداريها ..

ولا رضتْ ..


/

قلت طيب انا بسألكْ ..

اممممم

وش كثر أنا أعني بوجودكْ ..؟

قالتْ أصلاً من متى تفرق معي

وجودك أو صدودكْ .. !

/



والغريبْ .. إني أموت بهالكبرياء !



\

../

بعدها بساعه .. قلت بسكتْ ..

حتى لو يجيني الموتْ ماعلي بـ / سكتْ ..


قالتْ لي بصوت هادي ..

من اللي ماتحبه واللي تحبه إنت أكثر ؟


أنا والا المطر ..؟!


قلت المطر صدق أحبه وله بقلبي ذكرى وقـَدرْ ..

بس إنتي حيل أكثر .. تدرين من كثر ماأحبك ..

أحسّه ماله كثر ! .. لا قطرات المطرْ ولا نجوم ..

ولاكثر أوراق الشجرْ ..

.. قدركْ حيل أكثر ..


قالت طيب وش أعني بوجودك ؟

ابتسمت ..

قلت أنا كلي مالي وجود

إلا من وجودكْ ..


/

وهزمتني وانا اللي ناوي عالسكوت

لا .. وأقول بسكت حتى لو أموتْ .. !




.


.

../

مرّه اختلفنا .. ويا كثر مانختلفْ

وفينا مو إختلافْ ..

إلا معارك ماتنوصفْ

بس والله ..حالي معها كله مختلفْ

اتفقنا .. وبسرعه اختلفنا ..

وكلنا مجهزين الزعلْ .. مشتاقين لطعم التراضي

من اللي بيخسر الجولة .. ويسلّم أنفاسه والأراضي

قلت ..

لو ينقطع عرقي الوتين ..

لاأشكي ولا تشكين ..

خلينا مثل مااحنا ..

قالت وهي تضحك ..

طيب اتفقنا .. نبقى مثل مااحنا

ولا أشكي ولا تشكي ..

بس ترى عليك بتفلسفْ .. لين ريقي ما ينشف ..

ولا بـ / قول أحبك .. ولاياأحلى و يا ألطفْ .. !


../

../

قلت يالله .. خبريني عالسوالفْ ..

ولا يهمك .. لو خالف القلب .. بقول له

ياقلبي لا تخالفْ ..

احكي لي عن حياتكْ ..

إنتي من إنتي ..

ولا صرت أجهلك كيفها ذاتكْ .. !


قالت ..

أنا اللي لو تسكبْ أحبارك ..

وتشبّع فيها أسرارك ..

وتناديني لأجل أحبك .. بقول المعذره ..

كيفي أنا .. متكبّره !

/

قلتْ بلا شعور ..

إنتي مو متكبّره ..

إنتي لو أجمعك جنب السنين ..

أشوفك بداخلي .. حيل .. صغيّرة ..

/

قالتْ بضحكه ..

وش فيها عيونكْ .. صايره تكذبْ ؟

وليه القلم من دون الأأصابع

صايرن يكتبْ ؟

قلت .. اتفقنا مانشكي ..

وعن حبنا لانبوح ولا نطري

كمّلي لي .. وطوّل لي .. بالسوالفْ ..

احكي لي عن حياتكْ ..

إنتي من إنتي

ولا صرت أجهلكْ .. كيفها ذاتكْ ؟

قالت ْ ..

أنا اللي فيني الحبر ساكنْ ..

وأنا [ الممكن ] .. في زمن [ لكنْ ] .. !

أنا اللي لو سألتك عن حياتكْ ..

أعرف جوابي قبل لا أسألك .. !

لا ماأجهلكْ ..

أنا اللي يا فاضحه صمته ..

أحبك !


../

\




وقلت للقلب .. ما يخالف ..

دامها هذي السوالفْ ..

روح خالفْ !

وقمت أناديها

حبيبتي ..


../

/

قـرّب وداعك .. يا نصيبْ الغير

بودّع الذكرى .. واذكرك بالخير ..

وانتبه حبيبي

ليلة الفرقا ..

لا تسميني حبيبك ..

سمّني [ ياخوي ] .. !

خلني عايش واقعي .. مثل ماهو

وان زاد الألم وناديت ..

[ وين انت يابوي ] ...

خلني ألقط أنفاسكْ .. وأودّع إحساسك ..

خلني أنثر .. مابقى .. كل اللي بقى

بـ / ونّه !

وبشرح لك عن الألم فيني

إيه عنّه .. !

آه حبيبي ..

ياني من الفرقا حيل خايف !

إنت شايفٍ حالي ..

والا منت شايف ..؟



\

/

قبل يومينْ

قالتْ عن اذنك بمشي للرياضْ

وقبل أنا أمشي .. تامرني على شي .. ؟

أو عندك إعتراضْ .. !


قلت .. فمان اللي يحبكْ .. وخذي عيوني لدربكْ

وبشتاق لك .. كثر الكون

مو بس هـ / الرياضْ

وغير بُعدكْ .. ماعندي عليه إعتراضْ

لاتطولّي الغيبه ..

/

ورجَعَتْ بعدها بليلة

ومن حبي

بوصف لها إحساسي ..

قمت أحكي .. عن الشوق

ومن حماسي .. قلت مدري

بس شي فوق ..

مو حنين .. ولا أنينْ

شي فوق ..

مثل الجديلة.. بلا طوقْ

جديلة حب .. بها قلبْ

عرفتي كيف .. شي فوق .. !


/


ضحكت وقالتْ

تصّدق .. ياحسافه

ليتني طوّلت المسافه

وهي ماتدري إني

هالبعد

لاأحبه

ولاأطيقه

وحيل أخافه !