ـآلــ س ــلآم ع ـــليـكم ورح ـــمــ[هـ] ـآلله وبركـآتــ[هـ]

ـآليــو ج ـــبت لكمـ ق ـــصـآئد للشــآع ــــر ,,,

ســ ع ــد بن ج ـــزـآء ـآلمــ ي ــموني (( شــآـآع ـــر ح ــــزن ))

وـآن ـــــشـــآء ـآلله يع ـــــجبكم ,,,

...

(( تـكـفىآ يــآـآ مــوـوـوت زرنــي ))



خلي هجرني تكفى يا موت زرني ====== وان ما قدرت دلني مكانك وأنا أجيك
مآبي حياتي دام خلي هجرني ====== مآبي حياتي دامه يقول مابيك
يدري بظلم الناس يدري وظلمني ====== وأكد كلام ألي يقولون ناسيك
لكن قبل لا تأخذ الروح مني ====== بسأل حبيبي كم سؤال واخاويك
وشلون قلبكـ يا حبيبي تركني ====== وتدري خفوقي كنه أسنين هاويك
ما تدري إبعادك وصدك ذبحني ====== وما تدري عن دمع نثرته وأنا أرجيك
اسأل جميع الناس وش صار عني ====== اسأل وش إلي صار في حال مغليك
لو عاش عاقل عيشتي كان جني ====== حالي لو تشوفه بعينك يبكيك
لو علموك وش كثر قهري وحزني ====== من يوم حبي وصار ماضيك
لو علموك عن قلبي إلي يوني ====== مطعون يصرخ يشتكي لك يناديك
صار الحزن هو لعبتي صار فني ====== ابكي ندم والله إذا حل طاريك
ضيقه صدر وإيَّـا هموم إسكنني ====== احكي وأكمل وإلا ما قلت يكفيك
ألي سمعته بسبتك أنت جتني ====== عطيتني كرهك وأنا الحب معطيك
ضاعت سنيني وأنا بالحب ابني ====== أقصور وإنهدت سبب فعله إيديك
جاك ألوفا الحب والعشق مني ====== حتى الوله والشوق والصدق مهديك
قلبي وفالك وإنت قلبك خدعني ====== خدعت قلب كان بالحب شاريك
كذب وخيانه وغدر قلبك حضني ====== في وقت قلبي كان يسهر يداريك
ما كنت اضن قصدك بحبك تذلني ====== ذليتني من عقب ما مت أنا فيك
هذي حقيقه بعض ما منك جتني ====== وبعض الذي أسكيتني سم في ‘يديك
ما كنت ساكت خايفن بس مني ====== ميت بحبك مقدر أزعلك وأبكيك
حرمت أقولك من محبتك عطني ====== مادام غيري في محبتك مرضيك
ببعد بعيد وأوعدك ما احني ====== ابشر أببعد و مع حبيبك بخليك
وأبي مماتي يأخذ الروح مني ====== تارك لك الدنيا به الله يهينك
واليا سأل في يوم أنا إنسان عني ====== قله توفى والسبب طعن بيديك

...


(( ــآلـمــوـوت نــآدـآنـي ))



يا خلي طالبك ترجع أنا بدونك الم وأحزان
أنا بدونك ولا حاجه وأحس اني بنهاياتي
يا خلي ارحم ألي عاش بدونك بالا ساء وحرمان
بدونك ما يواسيني بهمك غير دمعاتي
أنا ناسي جميع الناس ولآني ذاكرن إنسان
أنا مذكر سوا خلي ولغير ساكن بذاتي
يا خلي ضاقت الدنيا بعيني وعشتها منهان
بدونك غابت الفرحه وغابت معها بسماتي
أعيش الحسره والضيقه ولا احد بالعرب دريان
أشوف الموت ناداني يبيني اكتب وصاتي
يا خلي طالبك طلبه يتيم منحرم الآمان
دموعه دوم بعيونه وعايش بالمعاناتي
طلبتك لا يطول البعد حرام بعد الترف ننهان
حرام تبعد حرام تروح وتتركني بحسراتي
أنا والله بعيوني ودمعي أرضيك إذا زعلان
وربي ما حدن صابر يعيش بمثل مأساتي
يا خلي ارجع وكذب من ألي قال خلك خان
وتعذر وقل لهم مشغول أو مسافر وراح تأتي
تعال وقول للعالم أنا و إيا سعد خلان
وأحبه ولا نسيته يوم ولا حتى بنياتي
حبيبي عمري يا روحي عشيقي يا اعز إنسان
وجودي وراحتي وفرحي منايا إنت وحياتي
أنا احبك أنا احبك أنا احبك أنا هيمان
أمانه لا تخليني حبيبي بحزني وآهاتي
أمانه خلي ارجع لي تراي طايح أنا ومرضان
تراي إن كنت ما تدري كتبت البارح وصاتي


...


(( أمــنــ ي ـــ[هـ] أنـي أمـوـوت ))



كلٍ تمنى في حياته أماني ====== وأنا أتمنى أمنيه إني أموت
مظلوم في دنيا بها الله بلاني ====== عايش ولكن عايش إنسان مكبوت
عايش يتيم ما عرفت الأماني ====== غصبٍ على أقبل أنا الظلم بسكوت
الحظ ضدي والبشر والزماني ====== بسبابهم همي بدا يلوثني لوت
حسرهـ طوت قلبي وحزنٍ طواني ====== الين حزني صار بالصدر منحوت
حتى حبيبي خان حبي وحناني ====== وحط بفمي علقم وأنا مذوقه توت
خان المحبه صار شخص أناني ====== وحرم علي حتى اتصل اسمع الصوت
ما دام صرحي أنهدم مع كياني ====== وش تنفع الصرخه إذا فايته فوت
أيوب لو ساعه يكون بمكاني ====== ما كان في صبرهـ تكتب بيوت
الموت ارحم من حياتي أعاني ====== ولا ضنيت ارحم عليَّ من الموت
يا سعد قلبي كان موتي لفاني ====== يا زينها لا صار جسمي بتابوت
يا رب حقق لي أنا هالأماني ====== أرجيك يا منجي نبيك من الحوت
ما دام مسموحه علينا الأماني ====== عندي أمنيه وحدهـ أنا ودي أموت


...


(( ق ــلي بـربـكـ ))



قلي بربكـ يا بعد عمر مغليك ====== وشلون خنت ألي محرم يخونك
وشلون هانت رجوتي يوم أنا أرجيك ====== وشلون هانت دمعتي في عيونك
وشلون بعت ألي به الناس شاريك ====== قلي علامك بعت ناس يـبونك
قلي بربك دامني بصدق هاويك ====== وشلون بحيى باقي العمر دونك
قلي بربك حالي اليوم يرضيك ====== طايح جريح والسبايب طعونك
طايح جريح أنتخي بك وأناديك ====== ودي تقول ابشر حبيبي يا عونك
و أثرك تقول ابعد أنا اليوم ما أبيك ====== وتروح تتركني بلحظه جنونك
وقف قبل لا تروح ربي يخليك ====== دآمك رفضت تحيى حياتي بكونك
أرجوك قبري تحفرهـ يوم بيديك ====== يحرم علي العيش يا زين دونك


...


وآع ـــذروني ـآن كـآن فـ ي ــ[هـ] ـآخ ـــطـآء